Amanesoma Jɔn Aa Chwera Tɔn 8:46 - mzwDBL

⁴⁶ He bini umee dɛ́ won chaɡle kɛ n ɛ wechɔɡa kaɔ? Aah dɛ n dɛ bol kasinteŋ aa, ɛrɛɛ haa wola men yarada ɔ?

Amanesoma Jɔn Aa Chwera Tɔn 8:46 ပူးပေါင်းရင်းမြစ်များ

Matiu 21:25

Umee tɛ Jɔn o fa aa dɛ sɔ nɛra Korowii nee la kpeɡri o kpɔ dɛɛ sɔ nɛra nee laɔ? Korowiirii tɛo waa, kɛ nɛnee tɛɔ?” Ate, dɛ ba ɡboɡbo berɔ kpoŋe dɔŋa dɛ ŋɔ, “Aah ɛrɛɛ yaa ba o chaŋa ɔ? Ya ŋɔ Korowiirii tɛo waa, wɛɛ berɔɔ pɛɛ yaa ɡɛ aa ɛa yaa wola o waa yaradae.

Amanesoma Mak Aa Chwera Tɔn 11:31

Ate, dɛ ba ɡboɡbo dɛ tɔŋle dɔŋa dɛɛ ŋɔ, “Aah ɛrɛɛ yaa ba ŋɔe yɔ? Dɛ ya ŋɔ Korowiirii tɛo waa, wɛɛ ŋɔɔ, ‘Aah ɛrɛɛ haa wola Jɔn yaradae yɔ?’

Amanesoma Jɔn Aa Chwera Tɔn 14:30

N ne haa won bol waa kohona kpa, dɛkalkɛ harɛ nɔ ta kooro dɛ ba. O ta kpeɡri bɛlbwa dɔe n nɛ,

Amanesoma Jɔn Aa Chwera Tɔn 15:10

He dɛ teŋɛ waa maa kpɔa tɛ heyaa la ta naa, haa he tenee laa kpɔ n nyina maa dɛ nyin heyaa la ta, kɛŋɔ maa teŋɛ waa n Mɛɛ aa kpɔa tɛ mɛ la ta maa wola n te laa kpɔ o nyina ta la.

Amanesoma Jɔn Aa Chwera Tɔn 16:8

Dɛ o balaa, wɛɛ di nɛra kasinteŋii dɛ́ ɡel ba jemɛ waa aa ɛ wechɔɡa, ne waa aa dɛ su Korowii siwi, ne ɡɛ Korowii bole pae waa aa doa.

Amanesoma Jɔn Aa Chwera Tɔn 18:37

Yeesu aa ŋɔ ɡɛ la, anee Paelet bɔɔro ŋɔ, “Amɔ kooroo hen kpela kenɛ?” Asɛ o chaŋo ŋɔ, “Henee ŋɔa kooroo men. Kasinteŋ bola waa ba lol mɛ. A waa n ba harɛ nɔ ta dɛ ba bol kasinteŋ la nɛra bwa be. Nomɛlbwa waa dɛ nyin kasinteŋ la, on dɛɛ no n be.”

Amanesoma Jɔn Aa Chwera Tɔn 8:47

Nomɛlbwa waa ɛ Korowii bie la dɛ no o wa. Haa wola o bii ɛɛ la waa haa wola o waa nyin dɛ́ no la.”

Amanesoma Jɔn Aa Chwera Tɔn 8:7

Ba taa cheɡa dɛɛ pɛɛro waa ɡɛ la, o iro che asɛ dɛ ŋɔ ba be ŋɔ, “Hé bini bɛlbwa waa wola wechɔɡa ɛɛ bwa la, ó tɔ sie ta bwe forɔ.”

2 Kɔrent 5:21

Dɛ wechɔɡa bɛlbwa toole Yeesu Kristo nɛ, kɛ ya kɛrɛdɛ nomanta, Korowii ɡelɔ o lɛ ya wechɔɡa che, ásɛ dɛ ya ne o pɛo waa, ya waa won su Korowii siwi ó lɛ yaa kɛ nɛndɛɛɡaa yan.

Hibru 4:15

Ya Sɔfonomonjen yaa dɔa la ta nɛn waa wola ya nɛɛ sune ya ɡwɛɡra nɔ ta ɛɛ. Daahna bɛlbwa soo siwi toole Bɔnsam aa wola on daahnɛ kɛŋɔ waa dɛ daah yaa nɔ. Kɛ o cheɡɔ kiŋkiŋ, o ta wechɔɡa ɛɛ.

Hibru 7:26

Maɡraa a den maɡre kɛŋɔ yaa dɔ Sɔfonomoa waa do kɛ Yeesu dɛɛ cha yaa. Doŋa bɛlbwa toole o nɛ, o tea too, o ne wechɔɡ-ɛɛra ta pɛɛ. Korowii tɛo nomonome dɛ keeru kaa o be nyundujaɡla.

1 Pita 2:22

“O ta wechɔɡa ɛɛ bwa. Nyosonwaa ta o nyoa leɛ bwa.”