Amanesoma Jɔn Aa Chwera Tɔn 8:44 - mzwDBL

⁴⁴ Bɔnsam biirii heya. Waa waa dɛ nyin ɛɛ laanee he ɡee nyin ɛɛ. Chɔɔ bwaa o le nɛŋkpoa we-ɛɛla ne, waa kasinteŋ ŋwɛnɛ kpɔ nemenɛ nyosone ɡbo. O ŋɔ o bol wa aa, nyosone ɡboo wɛɛ teŋe, dɛkalkɛ o daa. O ɛ nyosonteŋni, asɛ nyosone bwa kooroo on.

Amanesoma Jɔn Aa Chwera Tɔn 8:44 ပူးပေါင်းရင်းမြစ်များ

Mumpar 3:15

Mɛɛ kpɔ danchɔɡee ta he ne haah la baah ta, ásɛ he naanar ne o naanar hah dɔŋa dɛɛ la. Saŋ bɛlbwa waa nae la, wɛɛ paɡre he nyuu, ásɛ he ɡe choɡe o nalume.”

1 Koranar 22:22

Asɛ Korowii chaŋe ŋɔ, ‘Ŋwɛnɛ besoo taa hɛɛ ba kpɔe neɡro wɔ?’ Asɛ doma la ŋɔ, ‘Mɛɛ ɡeloo Korowii keamere baa dɛ tomɛ Kooro Ahab neɡro.’ Asɛ Korowii ŋɔ, ‘Kaa dɛ́ ka ɛ ɡɛ.’ ”

1 Webena 21:1

Bɔnsam dɛ nyin Israel tena na wa, dɛ ɡel Kooro Devid dɔ liire kɛŋɔ a chɛ kɛ ó kure Israel tena.

Job Tɔn 1:11

Laa nɔn kpɔ komɛlbwa waa dɔa ta dɛ́ na, wɛɛ taahnee he na.”

Matiu 12:34

Nɛnchɔɡa kɛ harɛkwa bii! Wechɔɡa ɡbo aa su he bini nɔ, wobodɛɛɡa ɛɛ wonoo le he nyoa ta naa? Waa aa lɔ nɛn bambile ta laanee o nyoa ɛɛ bol.

Matiu 13:15

dɛkalkɛ ba bambile kpeɡri, ba kpɔ nɔɔra tɔɔɡe deŋna, dɛ tɔɔɡe ba sibie ɡe. A waa laa aa, ba sie fe ɛɛ nao, ásɛ ba deŋna no, ásɛ ba jemɛ a mun, dɛ́ charɛ ba liire, ásɛ n lɛɛ ba.’

Matiu 13:38

Harɛ ta bonɔɔ ɛ koo la. Mea tenten laanee nɛra baa ja Korowii Kora la ta la, asɛ kpɔɡchɔɡa la ɡe che tɛ nɛra baa lɔ Bɔnsam be pera.

Amanesoma Jɔn Aa Chwera Tɔn 6:70

Belaa Yeesu chaŋe ŋɔ, “Menee le he nɛra fi dɛ banɛ nɔ, kɛ he bini bɛl ɛ Bɔnsam nɛn.”

Amanesoma Jɔn Aa Chwera Tɔn 7:17

Dɛ nomɛlbwa sɛoh kɛ wɛɛ ɛ Korowii tetoowaa te naa, wɛɛ won jemɛ kɛŋɔ kasinteŋ waa aa le Korowii bee mɛɛ bol la. N ɡbaɡba webaɡla laa.

Amanesoma Jɔn Aa Chwera Tɔn 8:38

Waa n Mɛɛ aa baɡ mɛɛ mɛɛ bol he be la, asɛ he ɡe ɛɛ ɛ anɔ la he mɛɛ aa bola he no.”

Amanesoma Jɔn Aa Chwera Tɔn 8:41

He ɡe mɛɛ toma siwii hɛɛ ɛ la.” Anee ba ŋɔ, “Nyoasɛm bii laa yan oo, Korowii ɡboo ya Mɛɛ.”

Amanesoma Jɔn Aa Chwera Tɔn 8:55

Haa on jemɛ, kɛ n te jemɔ. Dɛ n ŋɔ maa on jemaa, dɛ n ɛ nyosonteŋni kɛ heya. N jemɔ asɛ dɛɛ no o deŋna wa.

We-ɛɛla 13:10

“Bɔnsam nɛn kohona, he hah wedɛɛɡa bwa kɛrɛdɛ! He lambaara kan ɡa. Bɛ he wechɔɡa la kpɔ tɔ Korowii ŋwɛnɛ.

We-ɛɛla 24:9

Ate, dɛ Juu tena baa lɔ bela la bwa deno pɛ dɛ sɛh ŋɔ kasinteŋii ba nɛn la bola la.

We-ɛɛla 5:3

Belaa Pita bɔɔro ŋɔ, “Ananias, ɛrɛɛ he ɡel Bɔnsam won neɡre dɛ ɡel he ba neɡre Korowii Domadɛɛɡe la, dɛ kwaa he suuɡa la pera sɔh nɔɔ?

2 Kɔrent 11:3

Kɛ n dɛ ɔmɛ kɛŋɔ Bɔnsam bɛ bɔr ba dɔ che dɛ́ berɛ he liire, ásɛ he bɛ Yeesu Kristo dɛɛ nyin tepoŋ ne kpa, kɛŋɔ waa berɛ harɛkon dɛ kpɔ nyosone neɡre Hawa la.

1 Pita 5:8

Hé ɡel he sie chɔ harɛ, hɛɛ nyiŋi kɛrɛdɛ, dɛkalkɛŋɔ he dɔm Bɔnsam lole. Gɛ nyujente yon dɛɛ kɔɡre, dɛ́ ɡaaɡe dɛɛ nyin ola dɛ́ lawɛ la, ɡɛɛ o ɡe ɡaaɡe dɛɛ nyin nɛra dɛ́ lawɛ.

2 Pita 2:4

Nyundua toroma ba fa aa ɛ wechɔɡa la, Korowii ta ban ɡelɛ. O kpɔ ba ta deŋnetɛra bɔr waa ɛ bɔluŋluŋ dɛ bir kpirikpiri la dɛ ka tel awola waa ba bol nɛra bwa waa dɛ́ pa bole la.

1 Jɔn 1:8

Dɛ ya ŋɔ wechɔɡa toole ya nɛ aa, ya dɛ neɡre ya nyuune. Dɛ yaa kasinteŋ bol.

1 Jɔn 2:21

Kasinteŋ bɛ jema waa laa n chwerɛ tɔn nɔ baa tɛ heya. He jemɛ kasinteŋ la, dɛ jemɛ kɛŋɔ nyosone ne kasinteŋ aa valɛ bwa.

1 Jɔn 2:4

Dɛ nomɛlbwa ŋɔ o jemɛ Korowii, dɛ waa o waa ta teŋaa, ɡɛ nɛn la ɛ nyosonteŋni, dɛ kasinteŋ toole o be.

1 Jɔn 3:12

Ya bɛ ɛ kɛŋɔ Keen, waa ɛ o te Bɔnsam bie dɛ kpo o nime Abɛl la. Bɔkwaa ɡela o kpoo wɔ? O we-ɛɛla waa ɛa la aa wola were asɛ o nime kwaa do wer la, anee ɡela o kpoo.

1 Jɔn 3:15

Nomɛlbwa waa hah o dɔŋ la do kɛŋɔ nɛn waa dɛ kpoo nɛra ken. He jemɔ kɛŋɔ nomɛlbwa ɡe waa dɛ kpoo nɛra la ta Korowii mkpa aa wola jaɡa dɔe la dɔe.

Tɔn Jud Aa Chwera 1:6

Nyundua toroma ɡe aa wola ɡelɛ bela Korowii aa tɛɛ ba ŋɔ bá di kpeɡri maɡre ba ne, dɛ́ le ba dobɔr la, ó tɔ ba do biro ta, dɛ́ do ba jɔɡrɔre waa wola ban foo ta bwa, dɛ́ ka tel kɛŋɔ o tɔpejen waa dɛ ba nɛra waa bola dɛ́ pa bole la.

Wepila 12:9

asɛ Korowii kpɔ kontuuɡi damanta waa ɛ harɛkon la yaa jemɛ o waa mumpar bwa, baa yerɔ Baradeɛre Te ne Bɔnsam, wɛɛ neɡre nɛra bwa baa nyoɡre la, ne o bala bwa ta harɛ.

Wepila 13:14

Waa cheɡɛ loɡle olchɔɡe la naa ta dɛɛ ɛ wejena la nomanta, o wono neɡre nɛra baa lɔ harɛ nɔ ta dɛ ŋɔ bá ma komɛl kɛŋɔ olchɔɡe la ba fa aa kpɔ kere doo bol o sewɛ dɛ ir la.

Wepila 2:10

He bɛ wahala bɛlbwa haa ba na la ɔmɛ. Hɛ́ɛ no! Bɔnsam ɛɛ ɡeloo bá larawe he bane do dea, dɛ́ daah heyaa na. Hɛɛ na wahalaa kohona tɔpera fi. Dɛ seo bini kwara, he cheɡɛ kiŋkiŋ naa, mɛɛ tɛ heyaa mkpaa o ɛ kompoŋ haa yoa dɛ lɛ ba vɔwɛ heya.

Wepila 21:8

Kɛ ɔmeera ne nɛra baa wola men yarada, ne nɛra baa dɛ ɛ waa maa kia, ne nɛra baa dɛ kpoo nɛra, ne nɛra baa dɛ bɔ jwamane, ne nɛra baa dɛ ɛ bebeewa, ne voɡtoroma dɛ nyosonteŋna. Ba bwa bɔree nii ne jebɔrɔwe aa yɛɛra chɔ kɛŋɔ moo dɛɛ fuh la ta. Anee seo nɛɛtena la.”

Wepila 22:15

Nɛndoŋa, ne nɛra baa dɛ ɛ bebeewa, ne jwamane tena, ne nɛra baa dɛ kpoo nɛra, ne voɡtoroma, ne banɔ la bwa ba sie aa dɛ lɛ nyosone teŋa, ne nɛra neɡra la te, ba ka bwɛɛ la dahare.

Wepila 9:11

A dɔ a kooro. O ɛ Bɔnsam torome waa dɛ nyiŋi Bɔnsam Bɔluŋ la ta. Hibru tena dɛ yerɔ Abadɔn, Grik tena ɡe ɛɛ yerɔ Apoleɔn. O sɔn la munii “Nɛn waa dɛ chɔɡ kwa.”