Amanesoma Jɔn Aa Chwera Tɔn 8:15 - mzwDBL

¹⁵ Harɛ nɔ ta liiree he kpɔ nyiŋi nɛn dɛɛ bol wa, kɛ n te aa bole pa.

Amanesoma Jɔn Aa Chwera Tɔn 8:15 ပူးပေါင်းရင်းမြစ်များ

1 Samoɛl 16:7

Kɛ Korowii ŋɔ Samoɛl be ŋɔ, “Bɛ o jaŋne ne o wer nyiŋi, o laa mɛɛ nyin, n vɛoh. Kwaa nɛwɛnyini aa dɛ nyiŋi la korɛ anɔ la Korowii aa dɛ nyiŋi ta. Nɛwɛnyini dɛ nyiŋi siebɔr, kɛ Korowii te, nɛn bambile binii wɛɛ nyiŋi.”

Amanesoma Jɔn Aa Chwera Tɔn 12:47

Dɛ nɛn no n waa la dɛ waa a ta teŋaa, n laa dɛ bol o waa dɛ́ pa bole, dɛkalkɛ nɛra waa bola dɛ́ pa bole waa laa n ba harɛ nɔ ta. Nɛra bwa lɛɛ waa n ba.

Amanesoma Jɔn Aa Chwera Tɔn 7:24

Hɛ́ɛ pese wobɛlbwa kɛrɛdɛ mɔɔ dɛɛ bola. He bɛ ŋɔ waane aa were dɛ he ta a bini nyiŋe.”

Amanesoma Jɔn Aa Chwera Tɔn 3:17

Korowii aa tom mɛ harɛ la, o ta ŋɔe ŋɔ ń ba bol he waa dɛ́ pa heyaa bolchɔɡe. Kɛ o tom mɛ ŋɔ ń ba nyin ŋwɛnɛ tɛ heya, ásɛ o won lɛ heya.

Amanesoma Jɔn Aa Chwera Tɔn 18:36

Asɛ Yeesu chaŋo ŋɔ, “Harɛ ta bonɔ laa mɛɛ di kora. Dɛ harɛ ta bonɔɔ mɛɛ di kora aa, n nɛra fe aa sɛh bá kpɔ mɛ tɛ Juu tena, ba fe ɛɛ yoo lɛɛ mɛ. Kɛ harɛ ta bonɔ kora laa mɛɛ di.”

1 Kɔrent 2:15

Nɛn Korowii Domadɛɛɡe aa lɔ o nɛɛ la jemɛ wobɛlbwa ŋwɛnɛre. Kɛ nɛn waa wola toole o nɛɛ la aa won jemɛ naate waa lɔ o nɛɛ la ŋwɛnɛre.

Tɔn Pɔɔl Aa Chwerɛ Rom Tena 2:1

He naate haa dɛ pwah he dɔŋ la, he ta wobɛlbwa dɔe dɛ́ bol dɛ́ lɛ he te kpa. Henee ume noo, haa dɛ pwah he dɔŋ dɛ berɛ dɛɛ ɛ o wechɔɡa waa dɛ ɛ la dɔŋa la, dɛ he ɡbaɡbaa hɛɛ pa bolchɔɡe la.

Amanesoma Jɔn Aa Chwera Tɔn 8:11

Anee o ŋɔ, “Ɔɔh, n Dɔɔ, bɛlbwa toole.” Asɛ Yeesu ŋɔ, “Ate, n ɡe aa hen bolchɔɡee pa kpa. Kaa, kɛ bɛ wechɔɡa ka ɛ kpa.”

Emɔs 5:7

He berɛ waa aa ɛ kasinteŋ sie, dɛ tɔ waa aa toɡra ŋwɛnɛ.

Jems 2:4

amɔ dɛ he dɛ duu bane dɛ ɡwaa bane. Nɛra siebɔree hɛɛ nyiŋi dɛɛ duu bane dɛɛ nyiŋi bane nyubaahna. Haa kɛrɛdɛ ɛ.

Amanesoma Luk Aa Chwera Tɔn 12:14

Asɛ Yeesu ŋɔ o be ŋɔ, “Nɛmbaa, umee kpɔ mɛ cheɡ ŋɔ ń bol he waa dɛ́ bɔne he kapɛrɛ ɔ?”

Habakuk 1:4

Mmara bɛlbwa toole dɛɛ di nɛn, anomanta, kasinteŋ toole kpa. Nɛnchɔɡa dɛ tɔ nɛndɛɛɡa ŋwɛnɛ, dɛɛ berɛ waa aa ɛ kasinteŋ sie.”

Emɔs 6:12

Jaɡre won bwea dor chwae yaa? Nɛn ɛɛ kpɔ nae ka parɛ bela aa? Kɛ he ɡelɔ kasinteŋ do kɛ tɛɡchɔɡa, asɛ waa aa toɡra berɛ do kɛŋɔ wechɔɡa ken.

2 Kɔrent 5:16

Anomanta, fini habɔɔ, yaa nɛra nyiŋi ɡɛ nɛwɛnyina aa dɛ nyiŋ ba la. Ya fa dɛ nyiŋi Yeesu Kristo ɡba ɡɛ, kɛ yaa on ɡɛ nyiŋi kpa.