Amanesoma Jɔn Aa Chwera Tɔn 7:31 - mzwDBL

³¹ Nɛnlaa la kɛrɛdɛ bwa yaradao, asɛ dɛɛ bol ŋɔ, “Amɔ dɛ Kristo la baa ba naa, wɛɛ won dɛɛ ɛ nyokpowaa kohona dɛ́ ɡwaa anɔ baa nɔ aa dɛ ɛ nɔ kenɛ?”

Amanesoma Jɔn Aa Chwera Tɔn 7:31 ပူးပေါင်းရင်းမြစ်များ

Matiu 12:23

Waa Yeesu aa ɛa la ɡelɔ nɛnlaa la bwa nyoa kpo, baa pɛɛ dɔŋa ŋɔ, “Amɔ Devid Naa nɔɔ naa?”

Amanesoma Luk Aa Chwera Tɔn 8:13

Anɔ la ɡe aa lee bwetala ta bela teera aa wola toole kohona a lune aa wola wone kaa bini a jwalɛ dɛ sewɛ la, a do kɛ nɛra ba yon no waa la, dɛ ba sie lɛo, kɛ aa wola won ban jooɡe dɛɛ ka ba nyu bini la. A cheɡɛ Korowii Waa ta waane puu ba aa, dɛ ba horɔ.

Amanesoma Jɔn Aa Chwera Tɔn 11:45

Juu tena la baa ba Mɛɛre be la aa na ɡɛ waa nɔ Yeesu aa ɛa la, ba kɛrɛdɛ yaradao.

Amanesoma Jɔn Aa Chwera Tɔn 12:11

dɛkalkɛŋɔ o waa Juu tena kɛrɛdɛ vɛh ba nɛɛ teŋa dɛɛ yarada Yeesu dɛ kpɔ ba te tɛo.

Amanesoma Jɔn Aa Chwera Tɔn 12:42

Juu tena nomonome kɛrɛdɛ ɡba yarada Yeesu, kɛ baa dɛ ɔmɛ Farisii tena nomanta, ba ta bolɛ nomɛlbwa no, dɛkalkɛ dɛ ba bolaa, aa ɡeloo ba doŋ ba cheremi dea joe.

Amanesoma Jɔn Aa Chwera Tɔn 2:11

Yeesu nyokpowaa waa tɔ sie ɛa laanee la. Keena waa lɔ Galilia harɛ ta laanee o ɛa, dɛ chaɡle o nɛnsoo ne kpeɡri waa dɔa, asɛ o habɔteŋra la na dɛ yaradao.

Amanesoma Jɔn Aa Chwera Tɔn 3:2

Awola bɛl jwaana, o ba Yeesu be dɛ ba ŋɔ o be ŋɔ, “Nomoa, nomɛlbwa jemɔ kɛŋɔ Korowiirii tomɛ ŋɔ hé ba baɡle nɛra wa, dɛkalkɛ dɛ Korowii ta nɛn habɔɔ cheɡaa, waa won ɛ nyokpowaa nɔ haa dɛ ɛ nɔ.”

Amanesoma Jɔn Aa Chwera Tɔn 4:29

“Hé ba ba na noo! Baa bɛl wono baɡle n waa maa dɛ ɛ bwa! Jamɔ Kristo laanee kɛɛ?”

Amanesoma Jɔn Aa Chwera Tɔn 4:39

Samaria tena baa lɔ bwɛɛ la ta kɛrɛdɛ yarada Yeesu, dɛkalkɛŋɔ haah la ŋɔ ba be ŋɔ, “O bol waa maa dɛ ɛ bwa n be.”

Amanesoma Jɔn Aa Chwera Tɔn 6:2

Belaa nɛnlaa tenten teŋɛ o nɛ, dɛkalkɛ ba nao kɛ waa ɛ nyokpowaa weela tena chaeh ta ka.

Amanesoma Jɔn Aa Chwera Tɔn 7:26

Na, onee cheɡɛ nɛra baah ta dɛɛ bol waa asɛ ba bwa tɔ nyoa che la. Nomonome ken nao kɛŋɔ onee Kristo la Korowii aa baɡɛ nyoa ŋɔ wɛɛ tomɔɔ ó ba lɛ yaa la.

Amanesoma Jɔn Aa Chwera Tɔn 9:16

Asɛ Farisii tena la bane ŋɔ, “Baa nɔ ta Korowii be leɛ, dɛkalkɛ o chɔɡ Ona Tɔpere.” Bane ɡe ŋɔ, “Ɛrɛɛ wechɔɡ-ɛɛ ɛɛ ba wona ɛ nyokpowaa nɔ dɔŋa baa nɔ aa ɛa nɔɔ?” A cheɡɛ a ta ba nyoa ta pɛɛ kpa.

We-ɛɛla 8:13

Seemɔn Bebee la ɡba berɔ ba yarada Korowii waa la, asɛ ba sɔɔ a ne. Baa sɔɔ nee la, o kpɔ o te pɛl Felep. Bobɛlbwa Felep aa dɛ la la, o ne onee dɛɛ la. Seemɔn aa na nyokpoa tomkpeɡa Felep aa dɛ ɛ la, a ɛo anebɛlbwa.

Jems 2:26

Anomanta, ɡɛ nɛn ta hweera dɔe yaa dɛ o sewɔ la, ɡɛɛ yarada wedɛɛɡa ɛɛ aa wola a ta jae la ɛ yaradapuu.