Amanesoma Jɔn Aa Chwera Tɔn 7:15 - mzwDBL

¹⁵ O webaɡla la ɛ Juu tena la nyokpoa kohona, asɛ baa bɔɔ dɔŋa ŋɔ, “Ɛrɛɛ ɡɛ baa nɔ won jemɛ anɔ bwa, dɛ o ta tɔnjereme ɛɛ nɔɔ?”

Amanesoma Jɔn Aa Chwera Tɔn 7:15 ပူးပေါင်းရင်းမြစ်များ

Aesaya 29:12

Kɛɛ dɛ he kpɔ tɔn la la nɛn waa wola jemɛ kure be ŋɔ, “N poori, kure tɛ mɛ” naa, o ŋɔ, “Maa jemɛ kure.”

Matiu 13:54

dɛ berɛ kaa o ɡbaɡba bwɛ. O baɡle nɛra waa ba cheremi dea ta, asɛ nɛra baa no o webaɡla la bwa nyoa kpo, baa pɛɛ dɔŋa ŋɔ, “Leperaa o le ɡɛ wejema nɔ ne nɔɔ? Asɛ nyokpowaa waa dɛ ɛ nɔ ɡeɔ?

Matiu 22:22

Baa no ɡɛ Yeesu aa bola la, ba nyoa kpoo, ba le o be dɛ kaa.

Matiu 22:33

Nɛnlaa la aa no ɡɛ waa nɔ la, ba nyoa kpo o webaɡla ta.

Amanesoma Luk Aa Chwera Tɔn 2:47

Nɛra baa lɔ bela dɛɛ no waa la bwa nyoa kpo ɡɛ waa jemɛ waa kohona, ne ɡɛ baa dɛ bɔɔro waa asɛ o won dɛɛ baɡle a bini kɛrɛdɛ la ta.

Amanesoma Luk Aa Chwera Tɔn 4:22

Belaa nɛra la bwa kpɛɛro. Ba nyoa kpo ɡɛ o nyoa ne wobol aa soma la, asɛ ba ŋɔ, “Josef bie la laa nɔ naa?”

Amanesoma Jɔn Aa Chwera Tɔn 1:19

A wola bɛl, Juu tena nomonome baa lɔ Jerusalam la tomɛ ba sɔfore ne Lewi dea tena ŋɔ bá ka bɔɔ Jɔn o nɛnsoo. Waa waa bola dɛ kpɔ di Yeesu danseɛ laanee nɔ.

Amanesoma Jɔn Aa Chwera Tɔn 7:11

Dɛ Juu tena nomonome la dɛ ɡaaɡe o bɔr tɔpejen la dii ta asɛ dɛɛ pɛɛ dɔŋa ŋɔ, “Leperaa baa la doɔ?”

Amanesoma Jɔn Aa Chwera Tɔn 7:13

Bɛlbwa ta bolɛ asɛ a le baŋ nɛra no, dɛkalkɛ dɛ ba dɛ ɔmɛ Juu tena nomonome la.

Amanesoma Jɔn Aa Chwera Tɔn 7:46

Anee ba ŋɔ, “Baa la waa waa dɛ bol la, nomɛlbwa ta o wobol dɔŋa bolɛ bwa.”

We-ɛɛla 26:24

Pɔɔl aa dɛ bol waa ken la, Koojen Fɛstɔs kɔro ŋɔ, “Pɔɔl, choɡlaa dɛɛ wee kɛɛ? He tɔn jema kohona laanee dɛɛ wee choɡla la!”

We-ɛɛla 4:13

Dɛ Pita ne Jɔn aa tɔn jemɛ kohona bɛlbwa, dɛ ɛ nɛmpɛɛne baa wola Korowii waa hwele kohona bɛlbwa. Nomonome la aa na bambile la soo baa wona kpoŋe dɛɛ bol waa la, dɛ a ɛɛ ba anebɛlbwa. Belaa ba sie chaah ba nɛɛ kɛŋɔ ba fa teŋɛ Yeesu nɛɛ dɛɛ hwelu. An ɡela ba jemɛ waa dɛ dɔ bambile ɡɛ la.

1 Samoɛl 10:11

Nɛra ba fa aa jemɛ Sɔɔl, dɛ na kɛ o berɔ ja Korowii keamere nɛɛ o ne baa bol Korowii waa ɡɛ la bɔɔ dɔŋa ŋɔ, “Bɔkwa waa ba Kes bibaa nɔ nɛɔ? O ɡe berɔ ɛ Korowii keame la bɛl kɛɛ?”