Amanesoma Jɔn Aa Chwera Tɔn 7:1 - mzwDBL

¹ Anɔ habɔɔ la, dɛ Galilia harɛ ta ɡboo Yeesu do dɛɛ ɡaaɡe. Dɛ waa nyin kɛ o la Juda harɛ te ta, dɛkalkɛ dɛ bela nomonome la dɛ nyin o bɔr dɛ́ kpoo.

Amanesoma Jɔn Aa Chwera Tɔn 7:1 ပူးပေါင်းရင်းမြစ်များ

Amanesoma Jɔn Aa Chwera Tɔn 4:3

Yeesu aa no ɡɛ baa dɛ bol o waa la, o le Juda harɛ dɛ kaa Galilia harɛ ta.

Matiu 21:38

Nɛra la aa dena na o bie la, ba den ŋɔ, ‘Yoowa, koo te la ɡbaɡba biee la. Hé ɡel ya lawɔ dɛ́ kpoo, ásɛ o mɛɛ kapɛrɛ la bwa berɛ ya kwa.’

Amanesoma Jɔn Aa Chwera Tɔn 7:19

Mosis ta heyaa Korowii Mmara la tɛɛ yaa? Asɛ he bini bɛlbwa toole dɛ teŋɛ a ta. Aah dɛ ɛrɛɛ he berɛ dɛɛ nyin mɛ dɛ́ kpo nɔɔ?”

Matiu 10:23

Dɛ he la bwɛɛ bɛl ta baa ɛ heyaa hɔhɔrɔwa aa, hé chwa kaa bwɛfale ta. Kasinteŋ, haa won la Israel bwɛɛre nɔ bwa ta ka chiɡ mɔɔ Men Nɛn Bie ba.

We-ɛɛla 10:38

He jemɛ ɡɛ Korowii aa kpɔ o Domadɛɛɡe ne o kpeɡri tɛ Yeesu waa le Nasarɛt la wa. Dɛ Korowii teŋɛ Yeesu nɛ, asɛ o valɛ dɛɛ ɛ wedɛɛɡa dɛɛ chah nɛra Bɔnsam aa lɔ ba bil la.

Amanesoma Jɔn Aa Chwera Tɔn 4:54

Yeesu aa le Juda harɛ ba Galilia harɛ la, nyokpowaa nɔɔ jaa nɛɛ waa ɛa.

Amanesoma Jɔn Aa Chwera Tɔn 1:19

A wola bɛl, Juu tena nomonome baa lɔ Jerusalam la tomɛ ba sɔfore ne Lewi dea tena ŋɔ bá ka bɔɔ Jɔn o nɛnsoo. Waa waa bola dɛ kpɔ di Yeesu danseɛ laanee nɔ.

Amanesoma Jɔn Aa Chwera Tɔn 8:40

N waa maa dɛ bol saŋ bɛlbwa la ɛ kasinteŋ waa maa noa le Korowii be, kɛ he dɛ nyin mɛ dɛ́ kpo. Gɛɛ Abraham ɛ aa?

Amanesoma Jɔn Aa Chwera Tɔn 8:37

N ɡbabir jemɔ kɛŋɔ he ɛ Abraham naanar, kɛ he berɔ dɛɛ nyin mɛ dɛ́ kpo, dɛkalkɛ haa n webaɡla yarada.

Amanesoma Jɔn Aa Chwera Tɔn 7:25

Bela la, dɛ Jerusalam tena bane dɛ bol ŋɔ, “Baa nɔ laa baa nyin o bɔr dɛ́ kpo la kɛɛ?

Amanesoma Mak Aa Chwera Tɔn 11:18

Sɔfonomonome ne Tɔnjerema la aa no a ɡɛ waa nɔ la, belaa ba pa mun dɛɛ nyin ŋwɛnɛ dɛ́ kpo Yeesu. Dɛ ba dɛ ɔmɔ, dɛkalkɛŋɔ dɛ o webaɡla dɛ kpo nɛra bwa nyoa.

Amanesoma Jɔn Aa Chwera Tɔn 6:1

A habɔɔ la, Yeesu le Galilia Moo baa dɛ yerɔ Tibeerias Moo la.

Amanesoma Jɔn Aa Chwera Tɔn 7:11

Dɛ Juu tena nomonome la dɛ ɡaaɡe o bɔr tɔpejen la dii ta asɛ dɛɛ pɛɛ dɔŋa ŋɔ, “Leperaa baa la doɔ?”

Amanesoma Jɔn Aa Chwera Tɔn 7:13

Bɛlbwa ta bolɛ asɛ a le baŋ nɛra no, dɛkalkɛ dɛ ba dɛ ɔmɛ Juu tena nomonome la.

Amanesoma Jɔn Aa Chwera Tɔn 7:35

Anee Juu tena nomonome la bɔɔ dɔŋa ŋɔ, “Amɔ leperaa baa nɔ ɛɛ nyin kaala ásɛ yaa wola on ba na kpa nɔɔ? O ken ɛɛ kaa Juu tena baa jo pua ka so Grik tena harɛ ta la bee, dɛ́ kaa chaɡle Grik tena o waa la kɛɛ?