Amanesoma Jɔn Aa Chwera Tɔn 6:63 - mzwDBL

⁶³ Hé jemɛ kɛŋɔ Korowii Domadɛɛɡe ɡbosoroo dɛɛ tɛ mkpa. Nɛwɛnyini bokpeɡa te ɛ pɛɛpɛɛ. Waa maa dɛ bol he be nɔ dɛ ba Korowii Domadɛɛɡe la ne, asɛ dɛɛ tɛ heyaa mkpa.

Amanesoma Jɔn Aa Chwera Tɔn 6:63 ပူးပေါင်းရင်းမြစ်များ

Mumpar 2:7

Asɛ Korowii kpɔ teera ma baa, dɛ hwee do o mebɔɔne bini, o dɔ mkpa dɛ so.

Yela 119:130

He waa la baɡla ɡelɔ nɛra liire bini ɛɛ chaah, dɛɛ tɛ nɛra baa wola wobɛlbwa jemɛ wejema.

Yela 119:50

Bolarawa maa dɔa dɛ le n wenaale bini laanee kɛŋɔ, he nyoa haa baɡ mɛ la ɡelɔ n dɔ mkpa.

Yela 119:93

Maa he waa laanee vɛh bwa, dɛkalkɛŋɔ maa dɛ teŋɛ a ta waa he ɡel n so le.

Sɛɡla 4:13

Lawɛ waa haa hwela la bini saŋ bɛlbwa, dɛ bɛ ɡel a le he nɔn ta, nyiŋi a ta kɛrɛdɛ, anee he mkpa.

Amanesoma Jɔn Aa Chwera Tɔn 5:21

Gɛ Korowii aa dɛ chum nɛra baa serewa asɛ dɛ ɡel baa dɔ mkpa la, ɡɛ tentenee o Bie la ɡe ɛɛ ba wona chum bɛlbwa waa dɛ nyin dɛ́ tɛo mkpa.

Amanesoma Jɔn Aa Chwera Tɔn 6:68

Asɛ Seemɔn Pita ŋɔ, “N Dɔɔ, dɛ ya le he be naa, ume bee yaa ba kaala ɔ? He wobol taa mkpa aa wola jaɡa dɔe do.

We-ɛɛla 5:20

“Hé la ka che Korowii Dea la bini dɛ́ ka bol Yeesu ŋwɛnɛfale nɔ waa bwa nɛra be.”

Tɔn Pɔɔl Aa Chwerɛ Rom Tena 10:17

He nyiŋo na naa, Yeesu Kristo waa la noe taa a che nɛra ɛɛ yaradaa, asɛ a bola ɡe taa a che nɛra ɛɛ noa.

Tɔn Pɔɔl Aa Chwerɛ Rom Tena 2:25

He dɛ teŋɛ Mmara la ta naa, dɛ he pena teŋa nɔ dɔ mun. Kɛ dɛ haa Mmara la ta teŋaa, ate he fe ɡel he pena teŋa bɔ.

Tɔn Pɔɔl Aa Chwerɛ Rom Tena 8:2

Maa dɛ ŋɔ nɔ, Korowii Domadɛɛɡe lɔɡa maa lole dɛ dɔ mkpa nɔ taa Yeesu Kristo che dɛ lɛɛ mɛ le wechɔɡa ne seo lɔɡa n fa aa lole la ta.

1 Kɔrent 15:45

Ba chwerɔ do Korowii Tɔn bini ŋɔ, “Korowii ta nɛnloɡle, dɛ yerɔ Adam, asɛ o dɔ mkpa dɛ do le.” Kɛ muŋkaa Adam la te ɛ Korowii doa nɛn dɛɛ tɛ mkpa. Onee Yeesu Kristo.

Galaasia 5:25

Taraken nɔ, ya jemɔ kɛŋɔ Korowii Domadɛɛɡe laanee tɛ yaa mkpa, anomanta, a chɛ kɛ ya kpɔ ya te tɛo, dɛ́ ɡel wɛɛ baɡle yaa ŋwɛnɛ ya soɡa bini.

Galaasia 5:6

Yeesu Kristo ŋwɛnɛ ta teŋa nɔ ta te, ba teŋe nɛn pen oo, ba ta o pen teŋoo, a laa ɛ wehiah. Waa aa hiah laanee kɛŋɔ nɛn aa dɛ yarada Yeesu Kristo, asɛ ɡɛ yarada nɔ won ɡel wɛɛ nyin o dɔŋa.

Galaasia 6:15

Penteŋa ne o bɛ teŋa te ta hiaih kwaraa. Waa aa hiah laanee kɛ Korowii aa charɛ ya liire ya ɛ nɛnfala.

Mmarare 32:47

Gɛ waa nɔ ta wepuu ɛɛ, a ɛ waa haa che a ta dɛ́ dɔ he nyu. Hé teŋɛ a ta, aa ɡeloo he dɔ mkpajaŋ harɛ waa lɔ Jɔɔdan Moo la baŋ hɛɛ la dɛ ka so o ta la ta.”

1 Tesalonika 2:13

Ya dɛ jam Korowii tɔpere bɛlbwa, dɛkalkɛŋɔ yaa bol Korowii Waa la he be la, he noa kɛŋɔ Korowii Wa. He ta an noɛ kɛŋɔ nɛn wa. Gɛɛ a do kpela. A ɡɛ waa nɔɔ dɛɛ ɛ toma he nɛra haa yaradaa nɔ bini la.

1 Timoti 4:8

Dɛ he swɛɛ siwi dɛɛ tɛɡre he pɔla bini naa, a dɔ tɔnɔ tama. Kɛ dɛ he swɛɛ siwi kɛ hɛɛ dɛɛ teŋɛ Korowii waa la taa yaa, anee dɔ tɔnɔ wobɛlbwa ta, dɛkalkɛ Korowii nɛɛ teŋa dɔ tɔnɔ tɛ nɛra fini ne seo habɔɔ bwa.

Hibru 13:9

He bɛ ɡel wefala chɔɡ he liire ásɛ he le Korowii ŋwɛnɛdɛɛɡe la ta. He dɛ nyin he do kpeɡri Korowii nɛɛ teŋa ta naa, hé kpɔ sie dawɛ chae Korowii aa sune nɛra nɛɛ dɛɛ cha ba la ta. He bɛ sie kpɔ dawɛ kondikwaare ane kii ne ane dii ta, dɛkalkɛŋɔ a ta wone cha nɛra baa kpɔ sie dawɛ a ta la.

Hibru 4:12

Korowii waa waa bola do kɛ kon o siwi aa lole, dɛɛ ɛ toma. A nyɛɡre ɡe ɡwaa naŋɡɔse bɛlbwa, hale dɛ́ fe won pere hweera le lileo ta, dɛ́ won jo sema bini, hale dɛ́ fe won pere hoɡa ne fɔɔla baah. A wono dɛɛ jemɛ nɛwɛnyini liire ne o wesɔɔhla bwa.

Jems 1:18

O ɡbaɡba tetooraa ya dɔ o waa aa ɛ kasinteŋ la dɛɛ no, dɛ che a ta ɛ o bii, ásɛ dɛ su o siwi kwaa waa taa la bwa bini.

1 Pita 1:23

dɛkalkɛ ba berɔ kwaa lolɛ heyaa nɛnfala. Nɛn waa dɛ sewɛ la dwee laa heyaa kpa, Korowii waa wola sewɛ bwa la dweee heya. Korowii Waa aa dɛ tɛ mkpa dɛ do le saŋ bɛlbwa la taa a che ba kwaa lolɛ heya.

1 Pita 3:18

Yeesu Kristo ɡbaɡba sewɔ tɛ heyaa dɛ bɔ wechɔɡa kem. Kerabeŋkpoŋii o sewɛ, waa wola berɛ sewɛ kpa. O ta wechɔɡa ɛɛ bwa, kɛ o sewɔ tɛ wechɔɡ-ɛɛra. Gɛ waa ɛ ya ne Korowii pɛ waa o ɛ ɡɛ. Baa kpoo la, o bwadabii sewa, kɛ o lileo te dɔ mkpafale.

1 Pita 3:21

A ɡɛ nee nɔ cheɡɔ tɛ Korowii nee baa dɛ sɔ yaa aa lɛ yaa la. Korowii nee sɔe ta bwara doŋa yaɡla ɛɛ. Korowii nee sɔe munii kɛ ya soŋe Korowii ó tɛ yaa tepoŋ. A cheɡɛ Yeesu Kristo seo ta ira ta, asɛ nee sɔe la won dɛɛ lɛ yaa.