Amanesoma Jɔn Aa Chwera Tɔn 6:51 - mzwDBL

⁵¹ Menee kondikwaa aa le nyundua ba dɛ dɔ mkpa la. Nomɛlbwa waa di ɡɛ kondikwaa nɔ la ɛɛ dɔ mkpa aa wola jaɡa dɔe. Asɛ kondikwaa maa kpɔ tɛ nɛwɛnyini bwa bá di dɛ́ dɔ mkpa laanee n bo-ol.”

Amanesoma Jɔn Aa Chwera Tɔn 6:51 ပူးပေါင်းရင်းမြစ်များ

Amanesoma Luk Aa Chwera Tɔn 22:19

Asɛ o berɛ kpɔ paanoo dɛ jam Korowii o wa, asɛ dɛ mɔne tɛɛ ba, dɛ ŋɔ, “Anɔ cheɡɔ tɛ n bo-ol maa kpɔa dɛ tɛ heya. Hɛ́ɛ ɛ ɡɛ dɛ́ kpɔ dɛɛ lii mɛ.”

Amanesoma Jɔn Aa Chwera Tɔn 6:33

Kondikwaa la Korowii aa tɛ yaa laanee nɛn waa le o ɡbaɡba be nyundua dɛ ba mkpa ne ba tɛ nɛwɛnyini bwa la.”

Amanesoma Jɔn Aa Chwera Tɔn 3:13

Dɛ Men Nɛn Bie laa aa, nomɛlbwa ta Korowii be nyundua laŋɛ mɔɔ. N ɡboo le o be nyundua dɛ tu ba harɛ.

Taetos 2:14

O koh ya waa dɛ sewɛ dɛ won lɛ yaa le wechɔɡa bɛlbwa ta, dɛ laa ya doŋa bwa kpɔ ya nɛ, dɛ kpɔ yaa ɛ o ɡbo nɛra yaa swɛɛ siwi wedɛɛɡa ɛɛ ta.

Matiu 20:28

Dɛ ŋɔ, “Men Nɛn Bie ta balɛ kɛ nɛ́ra tom mɛ. N te balɔ dɛ́ ba tomɛ nɛra, dɛ́ ɡarɛ kpɔ n nyu charɛ nɛndamanta mkpa.”

Hibru 10:20

Yeesu pili ŋwɛnɛfale mkpa aa lɔ o ta tɛ yaa, asɛ ya won jo Korowii Boɡoroŋ la ta. O bwadabii ɛo kɛŋɔ pateesanjen o fa aa tɔ Korowii Boɡoroŋ Tenten la ŋwɛnɛ la. Waa sewa la, ŋwɛnɛ pilo tɛ yaa.

2 Kɔrent 5:21

Dɛ wechɔɡa bɛlbwa toole Yeesu Kristo nɛ, kɛ ya kɛrɛdɛ nomanta, Korowii ɡelɔ o lɛ ya wechɔɡa che, ásɛ dɛ ya ne o pɛo waa, ya waa won su Korowii siwi ó lɛ yaa kɛ nɛndɛɛɡaa yan.

1 Pita 2:4

O te ɛ Bwe waa dɔ mkpa. Nɛwɛnyini liiru konsala dɛ vɛoh, kɛ onee Korowii te nyiŋi kɛ o ɛ Bwedɛɛɡe o wa aa hiah dɛɛ nyinu. Haa ba o be nɔ,

Ɛfesos 5:2

A wer kɛŋɔ he so dɔŋa nyina ne kɛŋɔ Yeesu Kristo aa nyin yaa dɛ sewɛ lɛ yaa a ɛ sarahadɛɛɡe dɛ tɛ Korowii la.

Amanesoma Jɔn Aa Chwera Tɔn 3:16

Korowii dɛ nyin nɛwɛnyini taeh. A waa o ɡel men maa ɛ o Bibeŋkpoŋ ɡbo waa dɔɔ la ba harɛ nɔ ta, ásɛ nomɛlbwa waa yarada n waa la bɛ sewɛ, kɛ ó dɔ o mkpa aa wola jaɡa dɔe bwa la.

Amanesoma Jɔn Aa Chwera Tɔn 1:29

Tɔ aa pera la, Jɔn na Yeesu kɛŋɔ waa dɛ ba o be. Belaa Jɔn ŋɔ nɛra o ne baa cheɡa la be ŋɔ, “Hé na Korowii Pebie waa dɛ ba nɛra bwa wechɔɡa laa dɛ́ kpɔ ba nɛɛ la!

1 Jɔn 4:14

Ya na o Bie la dɛ di danseɛ kɛŋɔ Korowiirii ɡela o ba harɛ nɔ ta dɛ ba ɛ nɛwɛnyini Lɛɛ.

1 Jɔn 4:10

Anɔɔ dɛɛ baɡle ɡɛ nyina tenten aa doa. Ya te nyina yaa dɛ nyin Korowii la aa bobɛlbwa tel, kɛ o ɡe ɡarɔ dɛɛ nyin yaa. Hé na ɡɛ Korowii aa ɡela o Bibeŋkpoŋ la koh ya wechɔɡa waa dɛ ba harɛ nɔ ta, dɛ sewɛ dɛ kwaa ya ne Korowii baah.

1 Jɔn 2:2

Onee koh ya wechɔɡa waa dɛ sewɛ tɛ yaa dɛ kwaa ya ne Korowii baah. Ya ɡbo wechɔɡa waa laa o sewɛ. Nomɛlbwa waa lɔ harɛ nɔ ta bwa jao.

Amanesoma Jɔn Aa Chwera Tɔn 1:14

Korowii Nyoa Wobol la baa berɛ nɛwɛnyini, dɛ ba so ya be. Ya na o jirima waa dɔa, dɛ jemɛ kɛŋɔ Korowii Bibeŋkpoŋ laanee on. Dɛ o wobɛlbwa wer, asɛ o dɔ kasinteŋ ɡe kohona.

Ɛfesos 5:25

Baala, hɛ́ɛ nyin he haahna kɛrɛdɛ kɛŋɔ ɡɛ Yeesu Kristo aa dɛ nyin asɔre tena dɛ koh ba waa sewɛ la.

2 Kɔrent 5:19

Korowii cheɡɛ Yeesu Kristo nɛɛ dɛ kwaa o ne nɛwɛnyina baah, dɛ laɡ ba dɛɛ pɛl o te, waa wola ba wechɔɡa nyiŋi. Yanee o kpɔ o waa tɛ ŋɔ yá baɡle ɡɛ waa kwaa o ne ba baah, dɛ́ laɡ ba ásɛ o ne ba pɛ.

Amanesoma Jɔn Aa Chwera Tɔn 7:38

Nomɛlbwa waa dɛ yarada mɛ la, mɛɛ ɛo ɡɛ Korowii Tɔn aa baɡla laanee. Dɛ, ‘Nee waa dɔ mkpa la ɛɛ dɛɛ le o nɛɛ saŋ bɛlbwaa kɛŋɔ moo aa dɛ palɛ la.’ ”

Amanesoma Jɔn Aa Chwera Tɔn 3:14

Gɛ saŋ ya naawa aa lɔ pua hɛŋle ɡbo harɛ ta la, Korowii keame Mosis la fa kpɔ buni dɛ loɡɛ harɛkon dɛ kpɔ do daa ta dɛ ɡɔɔro ásɛ nɛra nyiŋu dɛ bɛ dɛɛ sewɛ. Gɛɛ a chɛ kɛ ba ɡɔɔ Men Nɛn Bie la.

Amanesoma Jɔn Aa Chwera Tɔn 3:36

Nomɛlbwa waa yarada Korowii Bie la waa la, wɛɛ dɔ mkpa aa wola jaɡa dɔe bwaa. Nomɛlbwa waa wola Korowii Bie la waa yaradae la, waa mkpa dɔe ba. Korowii bandia ɛɛ do o nɛɛ saŋ bɛlbwaa.”

Amanesoma Jɔn Aa Chwera Tɔn 5:24

Kasinteŋ, n dɛ ŋɔ he be, nomɛlbwa waa no n waa dɛɛ teŋɛ a ta asɛ dɛ yarada n Mɛɛ waa tom mɛ la, onee dɔ mkpa aa wola jaɡa dɔe la. Maa naate waa bol dɛ́ pa bole kpa, dɛkalkɛ o le seo nɔn ta dɛ berɛ dɔ Korowii mkpa.

Amanesoma Jɔn Aa Chwera Tɔn 6:35

Asɛ Yeesu ŋɔ, “Menee kondikwaa aa dɛ tɛ Korowii mkpa la. Nomɛlbwa waa ba n be la, lɔr aa on kpo. Asɛ nomɛlbwa ɡe waa yarada mɛ dɛ́ kpɔ o te tɛ mɛ la, nyɔɡre ɡba aa o kpoe ba bwa.

Amanesoma Jɔn Aa Chwera Tɔn 6:41

Belaa Juu tena la ɛɛ naɡre o waa kɛŋɔ o ŋɔ onee kondikwaa tenten aa le nyundua ba la.

Amanesoma Jɔn Aa Chwera Tɔn 6:47

Kasinteŋ, n dɛ ŋɔ he be, nomɛlbwa waa yarada mɛ la dɔ mkpa aa wola jaɡa dɔe.

Amanesoma Jɔn Aa Chwera Tɔn 6:48

Menee kondikwaa waa dɛ tɛ Korowii mkpa la.

Amanesoma Jɔn Aa Chwera Tɔn 6:50

Kondikwaa nɔ maa dɛ bol o waa nɔ, nyunduaa o ɡe le, kɛ nomɛlbwa waa di a ɡɛ kondikwaa nɔ soo la waa sewɛ.

Amanesoma Jɔn Aa Chwera Tɔn 11:26

Asɛ nomɛlbwa waa soɡe le dɛɛ yarada mɛ la, wɛɛ dɔ mkpaa, waa sewɛ bwa. He dɛ yarada ɡɛ waa nɔ naa?”