Amanesoma Jɔn Aa Chwera Tɔn 6:37 - mzwDBL

³⁷ Nomɛlbwa n Mɛɛ Korowii aa kpɔ tɛ mɛ la ɛɛ ba n bee dɛ́ ba teŋɛ n nɛ. Maa nomɛlbwa ɡe waa ba n be laanee doŋi ta bwa,

Amanesoma Jɔn Aa Chwera Tɔn 6:37 ပူးပေါင်းရင်းမြစ်များ

Yela 102:17

Wɛɛ no he nɛra baa vɛɛh ba la bee, dɛ́ no ba wesoŋa.

Yela 110:3

Awola haa yo he dɔma la, he nɛra ɛɛ sɛoh dɛ́ ba teŋɛ he nɛ. He bonɔɔna ɛɛ leo ba he be kɛŋɔ chɔɔlen mɛn ken, he bwe waa do ɡoroŋ la ta.

Aesaya 41:9

harɛ jaɡa lee n kpɔ heyaa le, o jaɡaa n yerɛ heyaa le, dɛ ŋɔ, ‘N bonɔɔnaa heya.’ N le heyaa tɛ n te, n ta heyaa tae.

Aesaya 42:3

Nɛn do kɛŋɔ daa waa ɡwɛɛna dɛɛ ba kui yaa, waa ɡel o ku. Dɛ o do kɛŋɔ kandea waa dɛ lawɛ kɛlll la ɡe aa, waa ɡel ó dime. Wɛɛ ɡeloo nɛra bwa jemɛ kasinteŋ la.

Aesaya 55:7

Nɛnchɔɡe ɡel wechɔɡa ɛɛ, dɛ́ charɛ o liire, dɛ́ berɛ ba Korowii yaa dɛ tomɔ be. O dɛ sune nɛn nɛ, dɛ kpɔ wechɔɡa dɛɛ kɛ o bambile bwa ne.

Matiu 11:28

He banɔ la he soɡa bini waa aa kana ɡwaa he nɛɛ la bwa, hé kpɔa ba n be ásɛ n lɛ heyaa he onɛ.

Matiu 24:24

dɛkalkɛ nɛra ɛɛ bao dɛ́ ba teŋe nyosone ŋɔ Kristo laanee ban, ásɛ bane ɡe teŋe nyosone ŋɔ Korowii keameree ban. Baa ɛ wejena ne nyokpowaa, dɛɛ nyin bɔr dɛ́ neɡre nɛra Korowii aa chal ba dɛ lɛɛ ba la kwara.

Amanesoma Jɔn Aa Chwera Tɔn 17:11

N dɛ ba he be bela. Maa harɛ nɔ taa biɡri, kɛ ba te ɛɛ ka harɛ nɔ taa. Anomanta, n Mɛdɛɛɡe, kpɔ sɔn haa tɛ mɛ la kpeɡri tɔ ba nɛɛ kɛrɛdɛ ásɛ ba ɛ beŋkpoŋ ɡɛ n ne haa ɛ beŋkpoŋ la.

Amanesoma Jɔn Aa Chwera Tɔn 17:2

He tɛ mɛ kpeɡri nɛra bwa nɛ, asɛ n won kpɔ mkpa aa wola jaɡa dɔe tɛ nɛra haa kpɔ ba tɛ mɛ la.

Amanesoma Jɔn Aa Chwera Tɔn 17:24

N Mɛɛ, henee kpɔ ba tɛ mɛ. N dɛ nyin kɛ ba ja n nɛɛ bela maa lole, ásɛ dɛ won na n jirima haa kpɔa tɛ mɛ. He tɔ sie nyin mɛ mɔɔ dɛ ta harɛ, a waa he tɛ mɛ jirima la.

Amanesoma Jɔn Aa Chwera Tɔn 17:6

Nɛra haa lee ba le harɛ nɔ ta nɛra bini dɛ kpɔ ba tɛ mɛ la, n ɡelɔ ba jemɛ kɛrɛdɛ. Henee dɔɔ ba dɛ kpɔ ba tɛ mɛ, asɛ ba sɛh dɛɛ teŋɛ he waa la ta.

Amanesoma Jɔn Aa Chwera Tɔn 6:39

N Mɛɛ Korowii waa tom mɛ la tetoowaa kɛŋɔ nomɛlbwa waa kpɔa tɛ mɛ la bɛ n nɔn ta le, asɛ tɔpera bwa jaɡa wee la, ń iru seo ta.

Amanesoma Jɔn Aa Chwera Tɔn 6:65

Yeesu berɔ ŋɔ, “Anɔ waa n ŋɔ nomɛlbwa aa won ba n be nemenɛ n Mɛɛ Korowii leo tɛ mɛ la.”

Amanesoma Jɔn Aa Chwera Tɔn 9:34

Anee ba ŋɔ o be ŋɔ, “He ne he wechɔɡaa ba lolɛ. Gɛɛ he ŋɔ hé chaɡle yaa wa aa?” Asɛ ba doŋu cheremi dea bela bala kwara.

Tɔn Pɔɔl Aa Chwerɛ Rom Tena 5:20

Mmara balɔ dɛ ɡel wechɔɡa warɛ. Kɛ, wechɔɡa aa dɛ dawɛ la, a taa Korowii na nɛwɛnyina sum, dɛ cha yaa kohona.

Felepae 1:29

Korowii ɡelɔ he won yarada Yeesu Kristo, dɛ berɛ won koh o waa na hɔhɔrɔwa. Wejenaa o ɛ tɛ heyaa he won koh o waa na hɔhɔrɔwa la.

1 Timoti 1:16

Kɛ Korowii sune n nɛ, asɛ Yeesu Kristo dɔ bambile tɛ mɛ n wechɔɡa damanta nɔ bwa ta, ásɛ nɛra baa ba no Korowii waa dɛ yaradao la jemɛ ɡɛ Yeesu aa dɔ bambile kohona, dɛ́ won yaradao dɛ́ dɔ o mkpa aa wola jaɡa dɔe la.

2 Timoti 2:19

Kɛ a ɛ wobɛlbwa Korowii Dea waa pa o mun la cheɡɔ kiŋkiŋ ken. Ba chwerɛ o ta ŋɔ, “Korowii jemɛ nɛra baa ɛ o kwa,” dɛ berɛ chwerɛ ŋɔ, “Nomɛlbwa waa ŋɔa o ja Yeesu Kristo nɛra nɛɛ la chɛ kɛŋɔ ó laa o te kpɔ wechɔɡa ta.”

Hibru 4:15

Ya Sɔfonomonjen yaa dɔa la ta nɛn waa wola ya nɛɛ sune ya ɡwɛɡra nɔ ta ɛɛ. Daahna bɛlbwa soo siwi toole Bɔnsam aa wola on daahnɛ kɛŋɔ waa dɛ daah yaa nɔ. Kɛ o cheɡɔ kiŋkiŋ, o ta wechɔɡa ɛɛ.

Hibru 7:25

Nomɛlbwa waa cheɡɛ Yeesu nɛɛ dɛ tuuh dɛɛ tel Korowii la, Yeesu ɛɛ lɛo waa wola nyoɡre kpa bwa. O lole saŋ bɛlbwa dɛ soŋe Korowii dɛɛ tɛ nɛwɛnyina.

1 Jɔn 2:19

Dɛ bane fa ja ya nɛ, kɛ dɛ ba ta denɛ ɛ ya bini bane, dɛkalkɛ ba chwao. Dɛ ba fe ja ya nɛ aa, ya ne ba fe ta pɛo. Kɛ ba chwao, asɛ a den baɡle kɛŋɔ ba bini bɛlbwa ta ya nɛɛ jae.

Wepila 22:17

Korowii Domadɛɛɡe la ne hanfale la dɛ yerɛ ŋɔ, “Ba!” Nomɛlbwa waa no ɡɛ waa nɔ la, ó ɡe ŋɔ, “Ba!” Nomɛlbwa waa dɛ wi nyɔɡre la, wɛ́ɛ ba. Nomɛlbwa waa dɛ nyin nee aa dɛ tɛ mkpa la dɛ́ nyɔ la, wɛɛ dɔɔ nyɔ pɛɛpɛɛ.