Amanesoma Jɔn Aa Chwera Tɔn 5:45 - mzwDBL

⁴⁵ He bɛ dɛɛ lii kɛŋɔ menee dɛ che Korowii sie dɛɛ baɡle he wechɔɡa haa ɛa. Me laa. Mosis haa kpɔ he hwɛɡa bwa do o nɛɛ la, on dɛɛ baɡla.

Amanesoma Jɔn Aa Chwera Tɔn 5:45 ပူးပေါင်းရင်းမြစ်များ

Amanesoma Luk Aa Chwera Tɔn 16:29

Asɛ Abraham ŋɔ, ‘He nimanar la dɔ tɔne Mosis ne Korowii keamere la aa chwera la, á ja ba. A chɛ kɛ ba kura dɛ́ no waa baa dɛ bol.’

Amanesoma Jɔn Aa Chwera Tɔn 12:48

Kɛ nɛn waa vɛh n ne n waa maa dɛ bol la ɛɛ di bolchɔɡee. N waa maa dɛ bol nɔɔ dɛ́ pao bolchɔɡe tɔpere bwa jaɡa wee.

Amanesoma Jɔn Aa Chwera Tɔn 7:19

Mosis ta heyaa Korowii Mmara la tɛɛ yaa? Asɛ he bini bɛlbwa toole dɛ teŋɛ a ta. Aah dɛ ɛrɛɛ he berɛ dɛɛ nyin mɛ dɛ́ kpo nɔɔ?”

Amanesoma Jɔn Aa Chwera Tɔn 8:9

Waa ŋɔ ɡɛ la, bɛlbwa lii o wechɔɡa waa ɛa. Bɛlbwa ta wone kpɔ kon forɔ kpa, dɛ bwa peɡre. Ba nomonomee tɔ sie dɛ kaa beŋkpoŋa beŋkpoŋa a ba tel bechale nɛɛ dɛ ba tonɛ, a ba ka Yeesu ne haah la o ta che bela ɡɛ.

Tɔn Pɔɔl Aa Chwerɛ Rom Tena 2:12

Nɛra baa wola Mmara Korowii aa kpɔa tɛ Mosis la jemɛ dɛɛ ɛ wechɔɡa la, baa sewɔɔ. Kɛ Mosis Mmara la ta laa Korowii ɛɛ ba nyiŋa, dɛ́ bol ba waa dɛ́ pa bole. Banɔ la baa jemɛ Mmara la, Mmara la taa Korowii ɛɛ ba nyiŋa dɛ́ bol ba waa dɛ́ pa bole.

Galaasia 3:10

Nɛra baa kpɔ sie dawɛ Mosis Mmara ɡbo ta kɛŋɔ a taa ba che Kórowii lɛɛ ba la, bá bwɛɛlɛ, dɛkalkɛŋɔ a lɔ Korowii Tɔn bini kɛŋɔ, “Nomɛlbwa waa koni Mosis Mmara la bɛlbwa saŋ bɛlbwa wee la, ó bwɛɛlɛ.”