Amanesoma Jɔn Aa Chwera Tɔn 5:42 - mzwDBL

⁴² He te, n jemɛ heyaa dɛ jemɛ kɛŋɔ he bambile ta Korowii waa lawɛ.

Amanesoma Jɔn Aa Chwera Tɔn 5:42 ပူးပေါင်းရင်းမြစ်များ

1 Jɔn 4:20

Dɛ nomɛl hah o dɔŋ dɛ ŋɔ o dɛ nyin Korowii aa, dɛ o teŋe nyosone. Dɛ nomɛl aa o dɔŋ o ne waa pɛa wɛɛ nao la nyin aa, ɛrɛɛ ó ɛ dɛ won nyin Korowii waa wola on na nɔ?

1 Jɔn 3:17

Dɛ nomɛl dɔ harɛ nɔ ta kwaa bwa, dɛ na o dɔŋ waa nyaa, dɛ laa sie kpɔ o nɛ aa, amɔ dɛ o dɛ nyin Korowii aa?

1 Jɔn 2:15

He bɛ ɡel he sie lɛ waa aa dɛ lɛ nɛra baa dɔ harɛ nɔ ta ɡbo liire sie la, ne harɛ nɔ ta kwaa ta. Dɛ he sie dɛ lɛ a ɡɛ kwaa la ta naa, dɛ haa he Mɛɛ waa lɔ nyundua la waa nyin.

Amanesoma Jɔn Aa Chwera Tɔn 2:25

A ta hiaih kɛ nɛn baɡlo ɡɛ nɛwɛnyini aa doa, dɛkalkɛŋɔ o ɡbaɡba jemɛ waa aa lɔ nɛn bambile bini.

Wepila 2:23

Mɛɛ kpoo o habɔteŋraa, ásɛ asɔre tena bwa jemɛ kɛŋɔ menee jemɛ nɛwɛnyini nyu bini ne ba weliira bwa. Mɛɛ bɔ he bɛlbwa kemee ɡɛ o we-ɛɛla aa doa.

Tɔn Pɔɔl Aa Chwerɛ Rom Tena 8:7

Nomɛlbwa waa kpɔ o liire do bwadabii waa ta dɛ ɡwaa wobɛlbwa la, o som laa Korowii, waa Korowii Mmara ta teŋɛ. Waa won teŋɛ Korowii Mmara ta ɡe bwa.

Amanesoma Jɔn Aa Chwera Tɔn 21:17

Yeesu berɔ kwaa pɛɛro toorotena ŋɔ, “Jɔn bie Seemɔn, he dɛ nyin n waa aa?” Waa nɔ ɡelɔ Seemɔn Pita bambile chɔɡ kohona kɛ waa bera bɔɔro toorotena ŋɔ, “He dɛ nyin n waa” la. Asɛ o ŋɔ, “N Dɔɔ, he jemɛ wobɛlbwa, he ɡbabir jemɔ kɛ n dɛ nyin he wa.” Anee Yeesu ŋɔ o be ŋɔ, “Dɛɛ dɛɛ n peera.

Amanesoma Jɔn Aa Chwera Tɔn 8:55

Haa on jemɛ, kɛ n te jemɔ. Dɛ n ŋɔ maa on jemaa, dɛ n ɛ nyosonteŋni kɛ heya. N jemɔ asɛ dɛɛ no o deŋna wa.

Amanesoma Jɔn Aa Chwera Tɔn 8:47

Nomɛlbwa waa ɛ Korowii bie la dɛ no o wa. Haa wola o bii ɛɛ la waa haa wola o waa nyin dɛ́ no la.”

Amanesoma Jɔn Aa Chwera Tɔn 8:42

Yeesu ŋɔ ba be ŋɔ, “Dɛ he Mɛɛ Korowii kpela aa, he fe dɛ nyin n wa, dɛkalkɛ o bee n le ba, dɛ do bonɔ taraken nɔ. N ɡbaɡba kpeɡri ne laa n ba, onee tom mɛ.

Amanesoma Jɔn Aa Chwera Tɔn 5:44

He dɛ nyin sɔn dɔŋa be, kɛ a ta wehiah ɛɛ tɛ heyaa kɛŋɔ hé nyin sɔn Korowii te be. He do ken aa, ɛrɛɛ hɛɛ ba wona dɛ yarada mɛ nɔ?

Amanesoma Luk Aa Chwera Tɔn 16:15

Anee Yeesu ŋɔ ba be ŋɔ, “He dɛ ɛ he te kɛ he ɛ nɛndɛɛɡa he waa aa dɛ su Korowii siwi, kɛ Korowii jemɛ ɡɛ he liire aa doa. Kon waa ɛ konjen nɛwɛnyini sie ta la, Korowii te aa on komɛlbwa bu.

Amanesoma Jɔn Aa Chwera Tɔn 5:41

Maa sɔn nyin nɛwɛnyini be.

Amanesoma Jɔn Aa Chwera Tɔn 5:43

N Mɛɛ Korowii sɔn nee n ba he vɛɛh mɛ, kɛ dɛ nomɛlee fe bala o ɡbaɡba sɔn ta naa, he fe ɛɛ no o bee.