Amanesoma Jɔn Aa Chwera Tɔn 5:39 - mzwDBL

³⁹ He swɛɛ siwi dɛɛ kure Korowii Tɔn la, ásɛ dɛɛ lii kɛŋɔ hɛɛ dɔ mkpa aa wola jaɡa dɔe le a ta. Asɛ ɡɛ tɔn nɔ bini waa ɡe ɛɛ di danseɛ dɛɛ tɛ mɛ.

Amanesoma Jɔn Aa Chwera Tɔn 5:39 ပူးပေါင်းရင်းမြစ်များ

Yela 1:2

Ba sie dɛ lɛ Korowii waa ta, dɛɛ hweli o Mmara la chɔɔ ne jwaana.

Yela 119:11

N kpɔ he waa do n bambile bini, dɛ bɛ hen wechɔɡa ɛ.

Yela 133:3

A wer kɛŋɔ mɛn aa le Hɛmɔn Bwejen ta, dɛɛ lee Saayɔn Bwejen doa ken. Belaa Korowii baɡɛ o nɛra nyoa ŋɔ, wɛɛ swee o nɛra andɛɛɡaa, bá dɔ mkpa saŋ bɛlbwa dɛɛ la.

Yela 16:11

Hɛɛ baɡ mɛ mkpa ŋwɛnɛɛ. N lɔ he sie naa, n sie dɛ lɛ, n bwara ɡe ɛɛ sɔɔh mɛ saŋ bɛlbwa.

Yela 21:4

O soŋe mkpa, asɛ he tɛo mkpajaŋ waa wola jaɡa dɔe.

Yela 36:9

He nɛɛ ya che dɛɛ dɔ mkpa, he nii laanee ɡela bɔr chaah yaa na.

Sɛɡla 6:23

Webaɡla nɔ do kɛŋɔ kandea dɛɛ chaahne, wejaala nɔ ɛɛ won baɡle ɡɛ haa dɛ ba wona so.

Aesaya 34:16

Hé nyiŋi Korowii tɔn bini dɛ́ kure na. Kwaa nɔ bɛlbwa toole dɛ́ nyoɡre, bɛlbwa aa belaa do waa wola o cheerii dɔ. Korowiirii bola ŋɔ á ɛ ɡɛ, o Doma la ɛɛ ba a ne Edom harɛ taa.

Aesaya 8:20

Báa teŋɛ me Mmara ne n webaɡla la ta! Dɛ ba ta ɡɛ waa la aa dɛ baɡle la bolaa, amɔ te a do kɛŋɔ baa soɡe biro ta ken.

Jeremia 8:9

Sihiih ɛɛ kpo wejerema la bwaa, baa wiluu á do kɛŋɔ bel aa laɡ ba. Baa vɛh n waa la nomanta, ba ta wejema bɛlbwa dɔe kpa.

Daneɛl 12:2

Nɛra ɡalɡa baa serewa ɛɛ berɔ ir, ásɛ bane kaa mkpa aa wola jaɡa dɔe bwa ta, bane ɡe kaa weweele aa wola jaɡa dɔe bwa ne sihiih ta.

Matiu 22:29

Anee Yeesu chaŋ ba ŋɔ, “He kono kwaraa! Haa wola Korowii Waa baa chwera ne o kpeɡri waa jemɛ la waa.

Amanesoma Mak Aa Chwera Tɔn 10:3

Anee o ɡe berɛ bɔɔ ba ŋɔ, “Ɛrɛɛ Mosis Mmara baɡle heyaa laɔ?”

Amanesoma Mak Aa Chwera Tɔn 12:10

Ba chwerɔ do Korowii Tɔn la bini ŋɔ, ‘Bwe la mamaala aa vɛoh dɛ liiru konsala laanee bera ba lawɛ dea la kpoŋe la.

Amanesoma Luk Aa Chwera Tɔn 16:29

Asɛ Abraham ŋɔ, ‘He nimanar la dɔ tɔne Mosis ne Korowii keamere la aa chwera la, á ja ba. A chɛ kɛ ba kura dɛ́ no waa baa dɛ bol.’

Amanesoma Luk Aa Chwera Tɔn 16:31

Anee Abraham ŋɔ, ‘Dɛ baa tɔne Mosis ne Korowii keamere la aa chwera la waa no aa, nomɛl iro le seo ta dɛ la ba be kwara noo, baa no.’ ”

Amanesoma Luk Aa Chwera Tɔn 24:25

Anee Yeesu ŋɔ ba be ŋɔ, “Nfɛrɛ nyaara! Ɛrɛɛ haa wola Korowii keamere waa baa bola la yarada nɔɔ?

Amanesoma Luk Aa Chwera Tɔn 24:27

Asɛ Yeesu baɡ ba o bwara waa aa lɔ Korowii Tɔn la bwa bini. O pa mun le anɔ la aa lɔ Mosis Tɔne la bini dɛ baɡle kaa anɔ la aa lɔ Korowii keamere kwaa la ta.

Amanesoma Luk Aa Chwera Tɔn 24:44

Ate, dɛ ŋɔ ba be ŋɔ, “Anɔ waa ɡɛ saŋ n ne haa lole la, n yon dɛɛ bol he be ŋɔ a chɛ kɛ n bwara wobɛlbwa baa chwera Mosis Mmara la bini ne Korowii keamere tɔne la bini ne Korowii Kpɛɛra Tɔn bini la ɛ kpela la.”

Amanesoma Jɔn Aa Chwera Tɔn 1:45

Felep ɡe kaa na Nataaneɛl, dɛ ŋɔ o be ŋɔ, “Ya na naate Mosis aa chwerɛ o waa Korowii Tɔn bini la. O waa Korowii keamere la ɡe chwerɛ la. O sɔne Yeesu. Josef waa le Nasarɛt la biee.”

Amanesoma Jɔn Aa Chwera Tɔn 5:32

Kɛ nomɛl lole dɛ di danseɛ dɛɛ tɛ mɛ, asɛ n jemɛ kɛŋɔ o danseɛ dii ɛ kpela.

Amanesoma Jɔn Aa Chwera Tɔn 5:36

Kɛ n dɔ danseɛ bɛl waa kpeɡa dɛ ɡwaa Jɔn danseɛ waa baa di tɛ mɛ la kwara. Anee kɛ toma n Mɛɛ Korowii aa kpɔa do n nɔn ta ŋɔ ń ɛ la. Anee dɛɛ baɡle kɛ onee tom mɛ.

Amanesoma Jɔn Aa Chwera Tɔn 5:40

Kɛ haa nyin kɛ he ba n be dɛ́ ba dɔ mkpa la.

Amanesoma Jɔn Aa Chwera Tɔn 5:46

He fe yaradao waa, he fe yarada n ɡe, dɛkalkɛ onee chwerɛ n waa o tɔn bini.

Amanesoma Jɔn Aa Chwera Tɔn 7:52

Anee ba bɔɔro ŋɔ, “Jamɔ he ɡe le Galilia harɛ kɛɛ? Dɛ he pese Korowii Tɔn la bini dɛ na naa, hɛɛ nao kɛŋɔ Korowii keame aa Galilia harɛ taa le ba bwa.”

We-ɛɛla 13:27

Jerusalam tena ne ba nomonome ta jemɛ kɛ Yeesuu nɛwɛnyini Lɛɛ la. Korowii waa o keamere aa chwera asɛ ba kure dɛɛ baɡ ba Ona Tɔpera bwa ta la, dɛ baa a mun no. A waa ba bol o waa dɛ pao bolchɔɡe, dɛ kpoo ɡɛ Korowii keamere aa baɡla ŋɔ baa ɛo la.

We-ɛɛla 17:11

Dɛ bela Juu tena la waa do kɛrɛdɛ ɡwaa Tesalonika Juu tena, dɛkalkɛŋɔ ba lɛ Yeesu waa la silɛɛ ne, dɛ won dɛɛ nyiŋi Korowii Tɔn bini tɔpere bɛlbwa dɛ́ɛ na, dɛ́ jemɛ kɛ waa Pɔɔl aa dɛ bol la, kpelaa kɛɛ nyosonee yɔ.

We-ɛɛla 26:27

N Naa kooro, he yarada waa Korowii aa ɡela o keamere la bol la aa? N jemɔ kɛŋɔ he yaradaa.”

Tɔn Pɔɔl Aa Chwerɛ Rom Tena 1:2

A ɡɛ Amanesoma nɔ waa o che o keamere waa lee ba nɛɛ dɛ baɡɛ nɛwɛnyina nyoa a saŋ la. A waa ba chwerɛ Korowii Tɔn bini la.

Tɔn Pɔɔl Aa Chwerɛ Rom Tena 3:2

Ya Juu tena na som taeh dɛ ɡwaa nɛra baa kaa la ŋwɛnɛ bɛlbwa ta. Anɔ la aa tɔ sie laanee kɛŋɔ yanee Korowii tɔ sie kpɔ o waa do ya nɔn ŋɔ ya baɡle nɛra.

Mmarare 18:15

Korowii haa dɛ tomɔ nɔ ɛɛ tomɛ o keamee ó ba bol o waa dɛɛ tɛ heya ɡɛ waa tom mɛ nɔ. He ɡbaɡba dwee binii wɛɛ ba o lee. A chɛ kɛŋɔ hé cheɡ deŋne dɛ́ no o wobol.

Mmarare 18:18

Mɛɛ tomɛ n keamee ó ba bol n waa dɛɛ tɛɛ ba ɡɛ maa tomɛ nɔ. Ba ɡbaɡba dwee binii wɛɛ ba lee. Mɛɛ kpɔ n waa tɛo, ásɛ o bol anɔ la bwa maa doo bwa baɡ ba.

Mmarare 29:29

Waane lole Korowii yaa dɛ tomɔ aa wola yaa baɡlɛ dɛ kpɔ sɔh yaa, kɛ o pili o Mmara waa bini ásɛ ya ne ya naanar baa ka ba la ɛɛ teŋɛ a ta saŋ bɛlbwa dɛɛ la.”

Mmarare 32:47

Gɛ waa nɔ ta wepuu ɛɛ, a ɛ waa haa che a ta dɛ́ dɔ he nyu. Hé teŋɛ a ta, aa ɡeloo he dɔ mkpajaŋ harɛ waa lɔ Jɔɔdan Moo la baŋ hɛɛ la dɛ ka so o ta la ta.”

Kolosi 3:16

Hé ɡel Yeesu Kristo waa la do he bambile bini kɛrɛdɛ hɛ́ɛ baɡle dɔŋa, dɛ́ɛ ja ba wejema bwa ne, dɛ́ ɡo wesoŋa yela ne kpɛɛra yela dɛ́ɛ jam Korowii he bambile bwa.

Hibru 11:16

Kɛ ɡɛ laa a do. Harɛdɛɛɡe waa wera ɡwaa bela baa lea la waa baa lii. Harɛ waa lɔ nyundua waa baa lii. Anomanta, a ta Korowii sihiih ɛɛ kɛŋɔ baa dɛ yerɔ ba Korowii, dɛkalkɛŋɔ o kwaa bwɛɛ bɛl cheɡ ba.

Hibru 11:35

Korowii yaradae nomanta, ba wono chum haahna bane nɛra baa serewa. Nɛra bane ɛ ba bini bane ɡe hɔhɔrɔwa kɛŋɔ bá fe vɛh Korowii nɛɛ teŋa, kɛ ba ta ba nyu dɔe waa koɛh dɛ vɛh, ɡɛ aa ɛ ásɛ ba won ba ir seo ta dɛ́ dɔ bodɛɛɡe do.

Josua 1:8

Nyiŋi kɛrɛdɛ dɛ bɛ ɡel waa aa lɔ mmarare tɔn la bini paŋɛ saŋ te bɛlbwa. Dɛɛ kuro chɔɔ ne jwaana dɛ́ nyiŋi kɛŋɔ hɛɛ dɛɛ teŋɛ wobɛlbwa aa lɔ o bini taa. Anee dɛ́ ɡel wobɛlbwa do wer tɛ heya, he won ka so harɛ la ta.

Wepila 19:10

Belaa n ɡuŋi o sie, dɛ fee ŋɔ n duuru, asɛ o ŋɔ n be ŋɔ, “Bɛ ɡɛ ɛ. N ne hen ne he bala la baa lawɛ Yeesu waa bini la bwa ɛ o bonɔɔna. Korowiirii chɛ kɛ he duu. Yeesu waa waa baɡla laanee ɛ keamere la bwa wobol.”