Amanesoma Jɔn Aa Chwera Tɔn 5:38 - mzwDBL

³⁸ he ta o waa la ɡe kpɔe do he bambile bini, dɛkalkɛ he ta nɛn waa tomɔ he be la yaradae.

Amanesoma Jɔn Aa Chwera Tɔn 5:38 ပူးပေါင်းရင်းမြစ်များ

Yela 119:11

N kpɔ he waa do n bambile bini, dɛ bɛ hen wechɔɡa ɛ.

Aesaya 26:10

A lole kɛŋɔ he ɛ wedɛɛɡa dɛɛ tɛ wechɔɡ-ɛɛra, kɛ baa waa aa toɡra hweli. Hale harɛ o nɛra wa aa toɡra ta teŋɔ dɛɛ ɛ wechɔɡa, ba sie aa he kan haa doa tɔɡɛ.

Aesaya 49:7

Israel tena Lɛɛ, ba Nɛŋɡoroŋ la ŋɔ nɛn harɛre nɛra aa haoh baa wola on kpɔe dɛɛ ɛ wobɛlbwa, ba nomonome ɛo yom la be ŋɔ, “Koranar ɛɛ nae dɛ́ ir che, koobii nae dɛ́ ɡuŋi harɛ. A nɔ bwa ɛɛ ɛo dɛkalkɛŋɔ, men Israel Nɛŋɡoroŋ n wa aa dɔ kasinteŋ la, menee lee.”

Amanesoma Jɔn Aa Chwera Tɔn 1:11

O ba o ɡbaɡba harɛ ta, asɛ o ɡbaɡba nɛra vɛoh.

Amanesoma Jɔn Aa Chwera Tɔn 15:7

Hé kpɔ he te pɛl mɛ asɛ n webaɡla ɡe do he liire bini naa, he dɛ soŋe komɛlbwa haa dɛ nyin aa, hɛɛ dɔɔ.

Amanesoma Jɔn Aa Chwera Tɔn 8:37

N ɡbabir jemɔ kɛŋɔ he ɛ Abraham naanar, kɛ he berɔ dɛɛ nyin mɛ dɛ́ kpo, dɛkalkɛ haa n webaɡla yarada.

Kolosi 3:16

Hé ɡel Yeesu Kristo waa la do he bambile bini kɛrɛdɛ hɛ́ɛ baɡle dɔŋa, dɛ́ɛ ja ba wejema bwa ne, dɛ́ ɡo wesoŋa yela ne kpɛɛra yela dɛ́ɛ jam Korowii he bambile bwa.

Josua 1:8

Nyiŋi kɛrɛdɛ dɛ bɛ ɡel waa aa lɔ mmarare tɔn la bini paŋɛ saŋ te bɛlbwa. Dɛɛ kuro chɔɔ ne jwaana dɛ́ nyiŋi kɛŋɔ hɛɛ dɛɛ teŋɛ wobɛlbwa aa lɔ o bini taa. Anee dɛ́ ɡel wobɛlbwa do wer tɛ heya, he won ka so harɛ la ta.

1 Jɔn 2:14

N bidɛɛɡa, n chwerɔ dɛɛ tɛ heya, dɛkalkɛ he jemɛ ya Mɛɛ waa lɔ nyundua la. Nomonome, n chwerɔ dɛɛ tɛ heya, dɛkalkɛ he jemɛ naate waa lole le mumpar bwa la. Bonɔɔna, n chwerɔ dɛɛ tɛ heya, dɛkalkɛ he bwaraa kpeɡa, Korowii waa la do he bambile bini. Heyaa wona pɔ Bɔnsam nɛ.