Amanesoma Jɔn Aa Chwera Tɔn 5:28 - mzwDBL

²⁸ He bɛ ɡel anɔ ɛ heyaa nyokpoa, dɛkalkɛ tɔpere bɛl dɛ́ ba ásɛ nɛra baa serewa la no n taa,

Amanesoma Jɔn Aa Chwera Tɔn 5:28 ပူးပေါင်းရင်းမြစ်များ

Wepila 20:12

Belaa n na nɛra baa serewa bwa, ba bini nomonjena ne bechale bwa, asɛ ba che kookara la sie. Ba pili tɔne ane, asɛ dɛ berɛ pili onɔ la waa ɛ Mkpa Tɔn la. Belaa Korowii che toma nɛra la aa ɛa mɔɔ dɛ serewe a do tɔne la bini la ta, dɛ bol ba waa dɛ pa bole.

Aesaya 26:19

Kɛ he nɛra baa serewa la ɛɛ iruu, dɛ́ berɛ dɔ bwadabii ja. He banɔ la haa lɔ lalbɔɔne bini, hé ir, dɛ́ ɡo silɛɛ yela! Gɛ mɛn yon ta kwaa ta aa do wer chɔɔbɔr la, ɡɛɛ Korowii ɛɛ ba banɔ la baa serewa la mkpa tɛɛ.

Felepae 3:21

Dɛ o balaa, wɛɛ beɡre ya bwadabisale aa won pɔeh nɔɔ á do wer kɛŋɔ o ɡbaɡba bwadabii aa do wer kohona ɡɛ la. O kpeɡri taa wɛɛ ba ɡɛ ɛɛ. O dɔ kpeɡri kɛŋɔ o won ɡel komɛlbwa no o be.

1 Kɔrent 15:22

Ya ne Adam bwa aa ɛ beŋkpoŋ la waa yaa serewe la. Gɛɛ a do ya banɔ la ɡe ne Yeesu Kristo aa ɛ beŋkpoŋ la ɛɛ ir seo taa dɛ́ dɔ mkpa.

Hosia 13:14

Mɛɛ lɛɛ ba le lalbɔɔ bini, dɛ́ lɛɛ ba le seo nyoa. Seo, leperaa he weechɔɡa dɔɔ jaɔ? Lalbɔɔ, leperaa chɔɡa haa dɛ ba yaa chɔɡa dɔɔ? Maa tedomaa dɔ tɛ he Israel tena,

Amanesoma Jɔn Aa Chwera Tɔn 3:7

He bɛ ɡel waa maa bola ŋɔ a chɛ kɛ ba berɛ lolɛ heyaa la kpo he nyoa.

Amanesoma Jɔn Aa Chwera Tɔn 5:20

Dɛkalkɛ Korowii dɛ nyin o bie asɛ dɛɛ baɡlo o we-ɛɛla dɔŋa wɛɛ ɛ. Anomanta, wɛɛ baɡloo wɛɛ ɛ wejena aa ɡwaa anɔ kwara ásɛ a ɛ heyaa nyokpoa.

Amanesoma Jɔn Aa Chwera Tɔn 4:21

Belaa Yeesu ŋɔ o be ŋɔ, “Kasinteŋ, aa ba tel saŋ bɛlee nɛra aa wola Korowii tomɛ bwe nɔ ta, baa on tomɛ Jerusalam ɡe.

We-ɛɛla 3:12

Pita aa na nɛra la, o bɔɔ ba ŋɔ, “Yabala Israel tena, ɛrɛɛ waa nɔ kpo he nyoa hɛɛ nyiŋi yaa ɡɛ nɔɔ? He dɛ lii ŋɔ ya ɡbaɡba kpeɡri ta kɛɛ ya nɛndɛɛɡa ɛɛ kohona waa baa nɔ won ir che dɛɛ valɛ nɔ kɛɛ?

Daneɛl 12:2

Nɛra ɡalɡa baa serewa ɛɛ berɔ ir, ásɛ bane kaa mkpa aa wola jaɡa dɔe bwa ta, bane ɡe kaa weweele aa wola jaɡa dɔe bwa ne sihiih ta.

Amanesoma Jɔn Aa Chwera Tɔn 4:23

Korowii toma te lɔ bambile bini. Aa ba tel saŋ bɛlee, ásɛ nɛra baa dɛ tomɛ Korowii kpela kpela la che o Domadɛɛɡe la ta dɛɛ tomɔ bambile bini, dɛɛ tomɔ kasinteŋ ne, dɛkalkɛ ɡɛɛ wɛɛ nyin kɛ baa tomɔ. A ɡɛ tɔpere la telo tonɛ.

Amanesoma Jɔn Aa Chwera Tɔn 5:25

Kasinteŋ, n dɛ ŋɔ he be ja kɛŋɔ saŋ bɛl ɛɛ bao ásɛ nɛra baa serewa no men Korowii Bie la taa, ásɛ banɔ la baa dɛ no la dɔ Korowii mkpa. Tɔpere la dɔɔ tel kwara.

We-ɛɛla 24:15

N dɛ hwɛɡɛ kɛŋɔ nɛndɛɛɡa ne nɛnchɔɡa bwa ɛɛ berɔɔ ir seo ta. Nɛra nɔ ɡba dɔ ɡɛ hwɛɡa nɔ.