Amanesoma Jɔn Aa Chwera Tɔn 5:23 - mzwDBL

²³ Dɛ ŋɔ nómɛlbwa tɛ o Bie la jirima ɡɛ tenten baa dɛ tɛo jirima la. Anomanta, nomɛlbwa waa wola o Bie la jirima tɛ la, dɛ ɡɛɛ waa wola o Mɛɛ la waa tomɔ la jirima tɛ.

Amanesoma Jɔn Aa Chwera Tɔn 5:23 ပူးပေါင်းရင်းမြစ်များ

Yela 2:12

Hé kpɔ he te tɛ Korowii bie la, ásɛ o baah bɛ di dɛ́ chɔɡ heya. O baah won dii saŋ bɛlbwa. Nɛra baa chwaa kaa marɔ la bwa, ba na som.

Aesaya 42:8

Menee Korowii, n sɔnee ɡɛ. Maa ɡel nɛra kpɔ jirima aa chɛ kɛ ba tɛ mɛ la tɛ nomɛl, maa ɡel bá kpɔ kpɛɛra aa chɛ mɛ la tɛ voɡa.

Aesaya 44:6

Nemenɛ Korowii waa ɛ Israel tena Kooro ne ba Lɛɛ la ŋɔ, “Menee komɛlbwa Sitɔɔ, ne a Muŋkaa bwa, n habɔɔ Dɔɔ bɛlbwa toole.

Aesaya 45:15

Korowii Israel tena aa dɛ tomɔ wɛɛ lɛɛ ba la, o ɛ Korowii waa kpɔ o te dɛɛ sɔh.

Aesaya 45:21

Hé cheme, dɛ́ bol he waa kɔɔto, ásɛ nɛra baa kpɔ waa daɡ ba la le jina dɛ́ kpɔ liire. Umee bol waa aa chiɡa taraken nɔ bil wubwa nɔ? Umee le saŋ la bwa dɛ bola ɔ? Men Korowii maa ɛ he Lɛɛ la laa aa? Dɔɔ bɛlbwa toole.

Sekaria 9:9

Saayɔn tena, hé hɛɡre kohona, Jerusalam tena, hé moo ɡa. Hé nyiŋi na! He kooro dɛ ba he be, o waa toɡrɔ dɛ won nɛra lɛɛ, o pwɛre, o soɡe keeɡo bie ta, keeɡo bale taa o so.

Matiu 10:37

He naate haa dɛ nyin he nya ne he mɛɛ waa ɡwaa mɛ la ta chɛɛ kɛŋɔ he teŋɛ n nɛ, asɛ he naate ɡe haa dɛ nyin he bihaah ne he bibaa waa ɡwaa mɛ la ta chɛɛ kɛŋɔ he teŋɛ n nɛ.

Matiu 11:27

Belaa Yeesu berɛ ŋɔ, “N Mɛɛ kpɔ wobɛlbwa do n nɔn ta. Nomɛlbwa aa men Korowii Bie jemɛ, nemenɛ n Mɛɛ la ɡbo. Gɛɛ nomɛlbwa ɡe aa wola n Mɛɛ la jemɛ, nemenɛ n ne nɛra maa dɛ nyin kɛ ń ɡel ba jemɔ la.

Matiu 12:21

ásɛ nɛra baa lɔ harɛ ta bwa kpɔ ba hwɛɡa dawɛ o nɛ.”

Matiu 15:8

‘Nɛra nɔ te, nyoa ɡbo nee baa duu mɛ, kɛ ba tea bini te ta toe.

Matiu 28:19

Anomanta, hé valɛ kaa harɛ nɔ ta bobɛlbwa, dɛ́ ka nyin nɛra bwa bini nɛra bá ba teŋɛ n nɛ, dɛ́ sɔ ba Korowii ne, ásɛ dɛ kpɔ ba do n Mɛɛ ne men o Bie ne o Domadɛɛɡe la nɔn ta,

Amanesoma Luk Aa Chwera Tɔn 10:16

Yeesu ŋɔ ba be ŋɔ, “Nomɛlbwa waa ka no he be la, n bee o no, asɛ nomɛlbwa waa ka vɛh he waa la, n waa o vɛh. Nomɛlbwa waa vɛh n waa la, naate waa tom mɛ la waa o vɛh.”

Amanesoma Jɔn Aa Chwera Tɔn 14:1

Yeesu berɔ ŋɔ, “He bɛ ɡel he bambile chɔɡ! Hɛ́ɛ yarada Korowii ásɛ dɛɛ yarada n ɡe.

Amanesoma Jɔn Aa Chwera Tɔn 16:14

Onee dɛ́ tɛ mɛ jirima, dɛkalkɛ onee dɛ́ kpɔ n wobɛlbwa ba bol he be.

Amanesoma Jɔn Aa Chwera Tɔn 17:10

N komɛlbwa ɛ he kon, asɛ he ɡe komɛlbwa ɛ n kon. Ba waa n dɔ jirima.

Tɔn Pɔɔl Aa Chwerɛ Rom Tena 1:7

He Rom tena Korowii aa dɛ nyin heyaa dɛ le heyaa ŋɔ hé ba ɛ o nɛra he wa aa toɡra la, he bwaa mɛɛ chwerɛ tɔn nɔ. Ń Naa Korowii ne ya Dɔɔ Yeesu Kristo bwa na he sum, dɛ́ cha heya, dɛ́ tɛ heyaa bosɔɔhna.

Tɔn Pɔɔl Aa Chwerɛ Rom Tena 15:12

Asɛ Aesaya ɡe bol ja, dɛ ŋɔ, “Jese naa bɛl ɛɛ bao. On dɛ́ ir dɛ́ di kora nɛra baa wola Israel tena ɛɛ nɛ. O nɛɛ baa ba hwɛɡa dɔe.”

Tɔn Pɔɔl Aa Chwerɛ Rom Tena 6:22

Kɛ taraken nɔ, Korowii le heyaa wechɔɡa ta. On dɔ heya. He tɔnɔ haa dɔa laanee kɛŋɔ he soɡa bini aa toɡra Korowii be. A taa aa ba cheɡa ásɛ he dɔ mkpa aa wola jaɡa dɔe.

Tɔn Pɔɔl Aa Chwerɛ Rom Tena 8:9

He te la, he ta he nɛwɛnyini mar nɔ wechɔɡa aa suu nɔ som kpɔe ɡwaa wobɛlbwa. Dɛ Korowii Domadɛɛɡe lɔ he nɛ aa, ɡɛ waa dɛ baɡle heyaa laanee hɛɛ ba dɛɛ ɛɛ. Nomɛlbwa waa wola Domadɛɛɡe Yeesu Kristo aa dɛ tɛ la dɔe la, dɛ Yeesu nɛn laa on.

1 Kɔrent 1:3

N Naa Korowii ne ya Dɔɔ Yeesu Kristoo dɛ́ cha heya, dɛ́ tɛ heyaa bosɔɔhna.

1 Kɔrent 10:31

Anomanta, wobɛlbwaa hɛɛ ɛ oo, kwaa hɛɛ di oo, komɛlbwaa hɛɛ nyɔ oo, hé ɛ dɛ́ kpɔ jirima dɛɛ tɛ Korowii.

1 Kɔrent 16:22

Nomɛlbwa waa wola ya Dɔɔ nyin la, Korowii nyotaahna lɔ o nɛ. Ya Dɔɔ, ba!

1 Kɔrent 6:19

Haa jemɛ kɛŋɔ he bwadabii ɛ Korowii Domadɛɛɡe la sobɔr kɛɛ? Korowii kpɔɔ tɛ heya, o so he nɛ. Anomanta, he laa dɔ he te. Korowiirii dɔ heya,

2 Kɔrent 1:9

Ya te fe jemɔ kɛŋɔ yaa sewɔɔ, kɛ ya ta sewɛ. Korowiirii ɛa ɡɛ ásɛ ya bɛ ya ɡbaɡba bokpeɡa ta dɛɛ hwɛɡɛ, ásɛ dɛ kpɔ hwɛɡa do on waa dɛ ir nɛra seo ta la nɛ.

2 Kɔrent 13:14

Yá Dɔɔ Yeesu Kristo na he sum dɛɛ cha heya, Kórowii baɡle o nyina he nɛ, ásɛ Kórowii Domadɛɛɡe la ne he bwa pɛ.

2 Kɔrent 5:14

Yeesu Kristo nyina waa dɛ nyin yaa laanee dɛɛ do yaa ya we-ɛɛla bwa ta. Gɛ yaa naa laanee kɛŋɔ dɛ nɛmbeŋkpoŋ lɛ nɛra bwa seo sewaa, a kaa chaa kɛ nɛra la bwa sewɔ.

2 Kɔrent 5:19

Korowii cheɡɛ Yeesu Kristo nɛɛ dɛ kwaa o ne nɛwɛnyina baah, dɛ laɡ ba dɛɛ pɛl o te, waa wola ba wechɔɡa nyiŋi. Yanee o kpɔ o waa tɛ ŋɔ yá baɡle ɡɛ waa kwaa o ne ba baah, dɛ́ laɡ ba ásɛ o ne ba pɛ.

Ɛfesos 6:24

dɛ́ sune he nɛ, dɛ́ cha he banɔ la bwa haa dɛ nyin ya Dɔɔ Yeesu Kristo bambile bwa ne aa wola jaɡa dɔe la.

2 Timoti 1:12

A waa mɛɛ na waa maa dɛ na nɔ la. Sihiih ɡe aa men kpo, dɛkalkɛ n jemɛ naate maa yaradao dɛ kpɔ n te tɛo, asɛ dɛ jemɛ kɛŋɔ wɛɛ wonoo kpoŋe n ne toma waa kpɔa do n nɔn ta la sɔnɔnɔɔ ken dɛ́ ka tel o bala tɔpere.

Hibru 1:6

Korowii aa dɛ ba o Bie waa lɔ o be loɡla la harɛ ta toma la, o bolɔ ŋɔ, “A chɛ kɛ nyundua toroma bwa ɛɛ tomɔ.”

2 Pita 1:1

Men Seemɔn Pita maa ɛ Yeesu Kristo bonɔɔ dɛ ɛ o torome la, men chwerɛ tɔn nɔ dɛɛ tɛ he nɛra haa dɛ yarada Yeesu Kristo waa ɛ ya Korowii ne ya Lɛɛ la. O wa aa toɡra nomanta, o tɛ heyaa ya yarada waa wera nɔ dɔŋ.

2 Pita 3:18

Kɛ hé swɛɛ siwi ásɛ ya Dɔɔ waa ɛ ya Lɛɛ Yeesu Kristo suna waa sune he nɛɛ dɛɛ cha heyaa la ɛɛ ja kohona. Hé swɛɛ siwi dɛɛ dɔ wejema o waa ta kohona. Hé ɡel ya tɛo jirima taraken ne saŋ bɛlbwa. Aamen.

1 Jɔn 2:23

Nomɛlbwa waa dɛ tɔŋle kɛŋɔ Yeesu Kristo laa Korowii Bie la, waa won yerɛ Korowii o Mɛɛ. Gɛɛ a do, nomɛlbwa waa sɛah ŋɔ Yeesuu Korowii Bie la, o Mɛɛɛ Korowii.

2 Jɔn 1:9

Nomɛlbwa waa dɛ baɡle Yeesu Kristo waa la dɛ kpɔ o ɡbabir nyu bini liire dɛɛ ja la, amɔ dɛ Korowii ta naate nɛɛ teŋɛ. Nomɛlbwa waa jemɛ Yeesu Kristo webaɡla la dɛɛ baɡla ɡɛ aa doa la, dɛ Korowii ne o Bie la teŋɛ o nɛɛ kɛrɛdɛ.