Amanesoma Jɔn Aa Chwera Tɔn 5:19 - mzwDBL

¹⁹ Belaa Yeesu chaŋ ba ŋɔ, “Kasinteŋ, n dɛ ŋɔ he be, toma Korowii aa dɛ ɛ laanee o Bie ɡe ɛɛ ɛ, dɛkalkɛ waa won kpɔ o ɡbo liire dɛɛ ɛ ɡɛ waa dɛ nyin. Anɔ la Korowii aa dɛ ɛ laanee o Bie ɡe nyiŋi dɛɛ ɛ.

Amanesoma Jɔn Aa Chwera Tɔn 5:19 ပူးပေါင်းရင်းမြစ်များ

Mumpar 1:1

Komɛlbwa mumpar la, Korowii ta nyundua ne harɛ.

Mumpar 1:26

Belaa Korowii ŋɔ, <>

Yela 138:3

Maa wia noe la, he noɔ dɛ chaŋ mɛ, he cheɡɛ he kpeɡri ta dɛ tɛ mɛ bokpeɡa.

Yela 27:14

A chɛ kɛ yá kpɔ ya te dawɛ hen Korowii nɛ, dɛ́ lawɛ bambile, dɛ́ che kiŋkiŋ, dɛ́ɛ nyiŋi he siwi ta.

Yela 50:6

Kwaa aa lɔ nyundua dɛ baɡle kɛŋɔ Korowii waa toɡrɔ, dɛkalkɛ onee bol nɛra waa dɛɛ pa bole.

Kaala 4:11

Belaa Korowii ŋɔ o be ŋɔ, “Umee tɛ nɛn nyoa o kpɔ dɛɛ bol waɔ? Kɛɛ umee dɛɛ ɛ nɛn amumu ne deŋneɡbeŋa te, kɛɛ nɛn waa dɛ na ne onɔ la waa wola na nɔ? Men Korowii laa aa?

Sɛɡla 2:6

Korowii bee wejema le, onee dɛɛ tɛ wejema ne waa mun noe.

Aesaya 44:24

Israel tena, Korowii waa ɛ he Lɛɛ, dɛ ta heyaa la ŋɔ, “Menee Korowii maa ta komɛlbwa. N ɡboo paɡri nyundua kɛŋɔ yal, nomɛlbwa ta n nɛɛ jae n ta harɛ.

Aesaya 45:24

Baa bol n waa ŋɔ, ‘O ɡbo bee waa aa toɡra ne kpeɡri do.’ Banɔ la ba baah aa di n nɛɛ la bwa, ɛɛ berɔɔ ba n be sihiih ne.

Jeremia 17:10

Men Korowii te, n dɛ nyiŋi nɛn liire bini, dɛ́ jemɛ anɔ la bwa aa lɔ o bambile ta. Dɛ́ che bɛlbwa we-ɛɛla ta tɛo, o kembɔr ɡɛ aa chɛo.”

Matiu 26:39

Yeesu la sie tama dɛ ka kpɔ sie pi harɛ dɛ soŋe Korowii ŋɔ, “N Mɛɛ, dɛ a fe ɛɛ maɡroo waa, he bɛ ɡel a ɡɛ wahala nɔ ba n nɛ. Kɛ anla aa too n tea laa mɛɛ nyin, kɛ ɛ he tetoowa.”

Amanesoma Luk Aa Chwera Tɔn 21:15

Menee dɛɛ ba n tɛ heyaa waa haa ka bol la, dɛ tɛ heyaa wejema ásɛ he dɔma bɛ won di bɔ heyaa kɛɛ dɛ́ tɔŋle heya.

Amanesoma Jɔn Aa Chwera Tɔn 10:18

Lao seo laa mɛɛ ba sewa nɔ. N tetoosewee mɛɛ ba sewa. N dɔ kpeɡri kɛ ń kpɔ n te tɛ dɛ́ sewɛ, dɛ́ berɛ dɔ kpeɡri kɛŋɔ ń ir seo ta. Gɛɛ n Mɛɛ ŋɔ ń ba ɛ.”

Amanesoma Jɔn Aa Chwera Tɔn 12:49

Dɛkalkɛ n ɡbabir kpeɡri ne laa mɛɛ bol waa nɔ. N Mɛɛ waa tom mɛ laanee do mɛ dɛ chaɡ mɛ ɡɛ maa bol o wa.

Amanesoma Jɔn Aa Chwera Tɔn 12:50

N jemɔ kɛŋɔ o waa la dɛ́ tɛ mkpa aa wola jaɡa dɔe, anomanta, anɔ la waa bol n be laanee n ɡee bol.”

Amanesoma Jɔn Aa Chwera Tɔn 14:10

Haa yarada kɛŋɔ n ne n Mɛɛ la pɛo dɛ ɛ beŋkpoŋ, o joo mɛ n ɡe joo kɛɛ? N waa maa bol la bwa ta n ɡbabir be leɛ. N Mɛɛ laanee joo mɛ asɛ mɛɛ ɛ o toma.

Amanesoma Jɔn Aa Chwera Tɔn 2:19

Anee Yeesu ŋɔ, “He kuuɡi Korowii Dea nɔ naa, n ɡe ɛɛ kpɔ tɔpera atoroo doo.”

Amanesoma Jɔn Aa Chwera Tɔn 3:3

Belaa Yeesu chaŋo ŋɔ, “Kasinteŋ, n dɛ ŋɔ he be, nomɛlbwa waa dɛ nyin Korowii Kora la ta dɛ́ ja la, nemenɛ bá berɛ lolɔ ja.”

Amanesoma Jɔn Aa Chwera Tɔn 5:21

Gɛ Korowii aa dɛ chum nɛra baa serewa asɛ dɛ ɡel baa dɔ mkpa la, ɡɛ tentenee o Bie la ɡe ɛɛ ba wona chum bɛlbwa waa dɛ nyin dɛ́ tɛo mkpa.

Amanesoma Jɔn Aa Chwera Tɔn 6:38

dɛkalkɛŋɔ n ɡbaɡba tetoowa waa laa n le nyundua ba. Naate waa tom mɛ la tetoowa waa n ba.

Amanesoma Jɔn Aa Chwera Tɔn 8:28

Anomanta, o ŋɔ ba be ŋɔ, “Awola haa ɡɔɔ Men Nɛn Bie nyundua la, belaa hɛɛ ba n nae kɛŋɔ Menee Men kpela, ásɛ dɛ jemɛ kɛŋɔ n ɡbaɡba kpeɡri ne laa mɛɛ ɛ wa, kɛ anɔ la n Mɛɛ la aa ŋɔ n be laanee mɛɛ bol.

Amanesoma Jɔn Aa Chwera Tɔn 9:4

A wer kɛŋɔ bɔr aa chaahna nɔ, ya swɛɛ siwi dɛɛ ɛ Naate waa tom mɛ la toma, dɛkalkɛ bɔr dɛ ba bira nomɛlbwa aa wola won ɛ toma bɛlbwa kpa.

We-ɛɛla 2:24

Asɛ Korowii lɛo seo nɔn ta dɛ iru seo ta, dɛkalkɛŋɔ seo ta kpeɡri dɔe o nɛɛ dɛ́ lawɔ o bɛ won ir.

Tɔn Pɔɔl Aa Chwerɛ Rom Tena 6:4

Baa sɔ yaa Korowii nee la nomanta, a kaa ɛ kɛŋɔ ya ne Yeesu Kristoo ba pɛ huɡe. Ya ne waa pɛa sewɛ la nomanta, ɡɛ Korowii aa cheɡɛ o kpeɡri a dɔŋ aa wola toole la ta dɛ iru seo ta la, ɡɛɛ wɛɛ ba ya ɡe chae ya kwaa so sofale waa wera, dɛ́ charɛ dofale waa wera.

Tɔn Pɔɔl Aa Chwerɛ Rom Tena 8:11

Korowii waa ir Yeesu Kristo seo ta la, dɛ o Domadɛɛɡe lɔ he nɛ aa, ɡɛ Korowii aa iru seo ta la, wɛɛ che o Domadɛɛɡe la taa, dɛ́ tɛ he bwadabii aa dɛ ba pɔeh kerekere nɔ mkpa.

1 Kɔrent 15:12

Dɛ ya baɡle Yeesu Kristo waa ŋɔ Korowiirii iru seo ta naa, ɛrɛɛ he bini bane berɛ dɛɛ ŋɔ Korowii aa nɛraa ir seo ta nɔɔ?

2 Kɔrent 4:14

Ya jemɔ kɛŋɔ Korowii waa ir ya Dɔɔ Yeesu seo ta la, onee dɛɛ ba ya banɔ la ya ne Yeesu aa pɛa la seo ta ira, dɛ́ kpɔ ya ne heyaa kaa o be.

2 Kɔrent 5:10

dɛkalkɛŋɔ ya bwa ɛɛ ba che Yeesu Kristo sie o bol ya waa dɛ́ pa bole, ásɛ bɛlbwa dɔ waa o fa aa soɡe le dɛɛ ɛ la kembɔr. Dɛ bɛlbwa we-ɛɛla wer oo, aa were oo, wɛɛ dɔ a kembɔree.

Ɛfesos 2:5

o ir yaa seo la ya wechɔɡa nomanta yaa sewa la ta, dɛ berɛ koh pɛɛ ya ne Yeesu Kristo aa pɛa la waa dɛ tɛ yaa mkpafale. Korowii suna waa sune he nɛɛ la taa a che dɛ lɛ heya.

Ɛfesos 3:16

N dɛ soŋo kɛ, chae waa dɛ cha yaa kohona a dɔ jirima nɔ nomanta, ó ɡel o Domadɛɛɡe tɛ heyaa kpeɡri, ásɛ he won lawɛ o waa bini kiŋkiŋ he bambile bwa ne,

Felepae 3:21

Dɛ o balaa, wɛɛ beɡre ya bwadabisale aa won pɔeh nɔɔ á do wer kɛŋɔ o ɡbaɡba bwadabii aa do wer kohona ɡɛ la. O kpeɡri taa wɛɛ ba ɡɛ ɛɛ. O dɔ kpeɡri kɛŋɔ o won ɡel komɛlbwa no o be.

Felepae 4:13

N won Yeesu Kristo waa dɛ cha mɛ la kpeɡri ta cheɡa dɛ́ ɛ wobɛlbwa.

Kolosi 1:11

dɛ́ won dɔ kpeɡri kɛrɛdɛ dɛ́ le o ɡbaɡba kpeɡri waa do kan dɛ dɔ jirima kɛrɛdɛ la ta. N dɛ soŋe Korowii ó cha heyaa ɡɛ hé won lawɛ bambile wobɛlbwa ta,

Kolosi 1:16

O Bie la nɛɛ o che dɛ ta komɛlbwa waa lɔ harɛ ta ne komɛlbwa waa lɔ nyundua, anɔ la yaa dɛ naa ne anɔ la yaa wola an na kɛŋɔ nyundua toroma ne konchɔɡa aa dɛ di kpeɡri bwa soo siwi. O Bie la nɛɛ o che dɛ taa, asɛ a do le tɛo.

1 Tesalonika 4:14

Ya yaradao kɛ Yeesu sewɔ dɛ ir. Gɛ tentenee yaa yarada kɛŋɔ Korowii dɛ ba banɔ la baa yarada Yeesu mɔɔ dɛ serewe la kpɔe dɛ́ ja Yeesu nɛɛ ba ne o ba ɡɛ saŋ waa ba la.

1 Pita 3:18

Yeesu Kristo ɡbaɡba sewɔ tɛ heyaa dɛ bɔ wechɔɡa kem. Kerabeŋkpoŋii o sewɛ, waa wola berɛ sewɛ kpa. O ta wechɔɡa ɛɛ bwa, kɛ o sewɔ tɛ wechɔɡ-ɛɛra. Gɛ waa ɛ ya ne Korowii pɛ waa o ɛ ɡɛ. Baa kpoo la, o bwadabii sewa, kɛ o lileo te dɔ mkpafale.

Wepila 2:23

Mɛɛ kpoo o habɔteŋraa, ásɛ asɔre tena bwa jemɛ kɛŋɔ menee jemɛ nɛwɛnyini nyu bini ne ba weliira bwa. Mɛɛ bɔ he bɛlbwa kemee ɡɛ o we-ɛɛla aa doa.