Amanesoma Jɔn Aa Chwera Tɔn 5:14 - mzwDBL

¹⁴ A habɔɔ la, Yeesu na baa la Korowii Dea asɛ dɛ ŋɔ o be ŋɔ, “He nao kenɛ, taraken haa dɔ bokpeɡa nɔ, ɡel wechɔɡa ɛɛ, ásɛ anɔ la aa ɡwaa loɡla kwaa la bɛ he nɛɛ ba chiɡ kpa.”

Amanesoma Jɔn Aa Chwera Tɔn 5:14 ပူးပေါင်းရင်းမြစ်များ

2 Webena 28:22

Kooro Ahas wenaale aa baa ɡwaa o nɛɛ bwa habɔɔ la, dɛ o ta teŋɔ ɛ wechɔɡa dɛɛ jo Korowii nɛɛ kohona.

Nehemia 9:28

Deŋnesɔɔhna aa bala la, ba berɔ ɛ wechɔɡa ja, asɛ he ɡel ba dɔma ba yoo ba dɛ pɔ ba nɛɛ ja. Kɛ baa charɛ ba liire dɛ wi noe ŋɔ hé lɛɛ ba la, he dɔ tedoma dɛ no le nyundua, dɛ teŋɛ no ba be, dɛ lɛɛ ba.

Yela 118:18

Korowii tɛr n deŋne kohona, kɛ o ta ɡelɛ n sewɛ.

Yela 18:22

N teŋɛ o Mmarare bwa ta, n ta waa waa do mɛ a ta la ta leɛ.

Yela 27:6

Anee dɛ́ ɡel n baŋa pa, n dɔma baa bar mɛ cheme la nɛ. Mɛɛ kpoo kwaa ɛ sarahare tɛɛ he Dea bela silɛɛ lɔŋɔre ne, dɛ́ ɡo yela kpɛɛre.

Yela 9:13

N Naa Korowii, na ɡɛ n dɔma aa cheɡɛ n nɛ, dɛ ɡel n bwara ɛɛ nyɛɡ! Sune n nɛ, dɛ́ lɛɛ mɛ le seo ta,

Aesaya 38:20

Korowii ɛɛ lɛɛ mɛɛ, ásɛ ya lɔ janjela dɛɛ ɡo yela o Dea, ya soɡa bini bwa.”

Aesaya 38:22

Kooro Hɛsɛkea bɔɔrɔ ŋɔ, “Bɔkwa waa dɛ́ baɡle kɛ mɛɛ la Korowii Dea nyundua belaa yɔ?”

Lewi Dea Tena 13:20

Sɔfo la nyiŋu dɛ́ na kɛŋɔ o buɡ la kaa bini asɛ pona aa lɔ o bini ɡe to aa, ó ŋɔ o be ŋɔ o kah doŋa. A ɛ weebuula dɛ ba ɛ ɔr la buɡ ta.

Lewi Dea Tena 26:27

Anɔ bwa habɔɔ, he ta teŋɔ dɛɛ ɛ deŋnekpeɡ haa n waa ta teŋaa,

Lewi Dea Tena 7:12

Dɛ jam sarahaa yaa, naate kpɔ men baa kpɔ noo koo a ta iisi aa wola toole a ta dɛ́ wɔɔra. Dɛ biskeeti ɡee yaa, bɛ iisi a ta do dɛ́ kpɔ noo fɔɡa, dɛ́ kpɔ men baa nama a kper kɛrɛdɛ noo koo a ta, dɛ́ charama kɛrɛdɛ dɛ́ kpɔ a bwa ba jam saraha kon la ta.

Matiu 12:45

dɛ berɛ ka na kɛ baa la liire chaahnɔ kɛŋɔ dea baa chaaro dɛ kwaaro kɛrɛdɛ, kɛ dɛ ɡel o chɔ pɛɛ. Gɛɛ o yon la ka kpɔ o bala banuanɛ aa ɡwaalo kwara. A bwa yon ba so naate la nɛ, dɛ́ chɔɡ o da ɡwaa ɡɛ o fa aa doa wubwa la. Gɛɛ aa ba doe fini nɔ nɛra baa ɛ nɛnchɔɡa nɔ nɛ.”

Amanesoma Mak Aa Chwera Tɔn 2:5

Belaa Yeesu aa naa kɛ ba yaradao kɛrɛdɛ la, o ŋɔ baa la waa kuuɡa la be ŋɔ, “N bie, n kpɔ he wechɔɡa kɛɛ.”

Amanesoma Jɔn Aa Chwera Tɔn 5:13

Baa la ta wone jemɛ naate la nɛnsoo waa chaoh la, dɛkalkɛ dɛ nɛnlaa tentenee lɔ bela asɛ Yeesu koo ba bini kaa.

Amanesoma Jɔn Aa Chwera Tɔn 5:5

Dɛ baa bɛl ja weela tena la nɛɛ o weela do o nɛɛ bene fifraatoro dɛ anuatoro dɛ o ta chaeh dɔe.

Amanesoma Jɔn Aa Chwera Tɔn 8:11

Anee o ŋɔ, “Ɔɔh, n Dɔɔ, bɛlbwa toole.” Asɛ Yeesu ŋɔ, “Ate, n ɡe aa hen bolchɔɡee pa kpa. Kaa, kɛ bɛ wechɔɡa ka ɛ kpa.”

1 Pita 4:3

Waa nɛra baa wola Korowii tomɛ aa dɛ ɛa asɛ he fa aa ɛa la, he ta a nyoa nae yaa? Dɛ he sie dɛ lɛ jwamane ne pɛlchɔɡa we-ɛɛla ta. Dɛ he dɛ sɔ sen, dɛɛ ɛ saɡasaɡa, dɛ lawɛ dɔŋa dɛɛ nyɔ sennyɔbala. Dɛ he dɛ tomɛ voɡa dɛɛ jo Korowii kii nɛ.