Amanesoma Jɔn Aa Chwera Tɔn 5:10 - mzwDBL

¹⁰ Asɛ Juu tena nomonome ŋɔ weela te la Yeesu aa chaoh la be ŋɔ, “Fini ɛ Ona Tɔpere, anomanta, he koni Mmara kɛŋɔ haa kpɔ he kalaŋ che la!”

Amanesoma Jɔn Aa Chwera Tɔn 5:10 ပူးပေါင်းရင်းမြစ်များ

Aesaya 58:13

Korowii berɔ ŋɔ, “Dɛ he nyiŋi Ona Tɔpere la ta o do ɡoroŋ tɛ heya, he ta he ɡbaɡba we-ɛɛla ɛɛ, dɛ liiru kɛŋɔ o ɛ men Korowii tɔpere baa dɛ onɛ o ta, haa wola kpɔe valɛ he ɡbaɡba ŋwɛnɛ, kɛɛ dɛ ɛ he toma dɛ bol wobochɔɡa aa,

Jeremia 17:21

Hé nyiŋi kɛrɛdɛ dɛ bɛ bone che Ona Tɔpere, kɛɛ dɛɛ che bone dɛɛ kpɔ Jerusalam doonyojena ta.

Jeremia 17:27

Kɛ dɛ he taŋ deŋne he ta Ona Tɔpere la dii o do ɡoroŋ, dɛ che bone dɛɛ jo Jerusalam doonyojena la ta naa, amɔ mɛɛ choŋi nii aa wola dime bwaa Jerusalam doonyojena bwa ta, ásɛ dekpeɡa bwa fuh.’ ”

Matiu 12:10

dɛ baa bɛl o nɔn aa sewa lɔ bela. Dɛ nɛra bane lɔ bela dɛɛ nyin dɛ́ kpɔ waa dawɛ Yeesu nɛ. Anomanta, ba pɛɛro ŋɔ, “Ya Mmara la dɛ tɛ yaa ŋwɛnɛ kɛ ya won chah weela Ona Tɔpere aa?”

Amanesoma Mak Aa Chwera Tɔn 2:24

Anee Farisii tena bane aa naa la, ba ŋɔ Yeesu be ŋɔ, “Nyiŋi na! He habɔteŋra la dɛ ɛ toma dɛɛ koni ya Ona Tɔpere Mmara la.”

Amanesoma Mak Aa Chwera Tɔn 3:4

Belaa Yeesu bɔɔ ba ŋɔ, “Ɛrɛɛ Korowii Mmara la ɛɛ baɡle yaa ŋɔ yá ɛ Ona Tɔpere ta laɔ? A ɛ aŋwɛnɛ ta kɛ yaa ɛ nɛra wedɛɛɡa kɛɛ yaa ɛ nɛra wechɔɡa ɔ? A ɛ aŋwɛnɛ ta kɛ ya lɛ nɛra mkpa kɛɛ yá chɔɡ baɔ?” Waa bɔɔ ba ɡɛ la, ba ta wone bol wobɛlbwa.

Amanesoma Luk Aa Chwera Tɔn 13:14

Cheremi dea bela nomoa la baah diu kɛ Yeesu aa chah nɛn Ona Tɔpere ta la, dɛ ŋɔ nɛra la aa lɔ bela la be ŋɔ, “Tɔpera anumɛlee chɛ kɛŋɔ yá kpɔ dɛɛ ɛ toma. Anomanta, a ɡɛ tɔpera la taa chɛ kɛ hé baa chah he weela, kɛ Ona Tɔpere te ta laa!”

Amanesoma Luk Aa Chwera Tɔn 23:56

Asɛ ba berɛ kaa dem, dɛ ka ɛ kwaane a sɔɔh aa soma dɛɛ ba kpɔe ka ɛ lale la. Ona Tɔpere la, ba onɔ ɡɛ Mmara la aa baɡla la.

Amanesoma Luk Aa Chwera Tɔn 6:2

Baa dɛ ɛ ɡɛ la, Farisii tena bane nao dɛ bɔɔ ba ŋɔ, “Ɛrɛɛ hɛɛ ɛ toma dɛɛ koni ya Ona Tɔpere Mmara nɔɔ?”

Amanesoma Jɔn Aa Chwera Tɔn 1:19

A wola bɛl, Juu tena nomonome baa lɔ Jerusalam la tomɛ ba sɔfore ne Lewi dea tena ŋɔ bá ka bɔɔ Jɔn o nɛnsoo. Waa waa bola dɛ kpɔ di Yeesu danseɛ laanee nɔ.

Amanesoma Jɔn Aa Chwera Tɔn 5:11

Asɛ o chaŋe ŋɔ, “Naate waa chaah mɛ laanee ŋɔa ŋɔ ń ir kpɔ n kalaŋ dɛ́ kaa.”

Amanesoma Jɔn Aa Chwera Tɔn 5:15

Belaa baa la aa le bela la, o la Juu tena nomonome la be dɛ ka chaɡle kɛŋɔ Yeesuu chaoh la.

Amanesoma Jɔn Aa Chwera Tɔn 5:16

Baa noa kɛŋɔ Yeesuu ɛ a ɡɛ waa nɔ Ona Tɔpere ta la, belaa ba pa mun haoh, dɛkalkɛ dɛ o chɔɡ ba Ona Tɔpere Mmara.

Amanesoma Jɔn Aa Chwera Tɔn 7:23

Dɛ he lolɛ bie o yawanyoa chiɡ Ona Tɔpere ta naa, he dɛ teŋe o pen, dɛkalkɛ haa nyin he chɔɡ Mosis Mmara la. Dɛ ɡɛɛ te naa, ɛrɛɛ he baah berɛ di n nɛɛ kɛ maa chah nɛn Ona Tɔpere ta nɔ?

Amanesoma Jɔn Aa Chwera Tɔn 9:16

Asɛ Farisii tena la bane ŋɔ, “Baa nɔ ta Korowii be leɛ, dɛkalkɛ o chɔɡ Ona Tɔpere.” Bane ɡe ŋɔ, “Ɛrɛɛ wechɔɡ-ɛɛ ɛɛ ba wona ɛ nyokpowaa nɔ dɔŋa baa nɔ aa ɛa nɔɔ?” A cheɡɛ a ta ba nyoa ta pɛɛ kpa.