Amanesoma Jɔn Aa Chwera Tɔn 4:50 - mzwDBL

⁵⁰ Anee Yeesu ŋɔ o be ŋɔ, “Dɛɛ la he bwɛ, he bie la ɛɛ ɡbaŋroo!” Baa la yarada Yeesu waa waa bola la, dɛ berɛ kaa o bwɛ.

Amanesoma Jɔn Aa Chwera Tɔn 4:50 ပူးပေါင်းရင်းမြစ်များ

1 Koranar 17:16

Gɛ Korowii aa bol Elaeja be la, men la ta vii la bini tonɛ bwa, ɡɛɛ noo la ɡe aa wola tonɛ.

Matiu 8:13

Anee Yeesu ŋɔ sooja nomoa la be ŋɔ, “Kaa dem. Gɛ haa yaradaa nɔ, á ɛ ɡɛ tɛɛ.” Buɡ la taa, nomoa la bonɔɔ la dɔ bokpeɡa.

Amanesoma Luk Aa Chwera Tɔn 17:14

Belaa Yeesu aa na ba la, o ŋɔ ba be ŋɔ, “Hé kpɔ he te ka baɡle sɔfore la ásɛ ba nyiŋi heyaa na.” Baa chiɡ ŋwɛnɛ ta dɛɛ kaa la, ba weela la kaalɔ, ba bwara kwaa.

Amanesoma Jɔn Aa Chwera Tɔn 11:40

Anee Yeesu ŋɔ o be ŋɔ, “N ta ŋɔe ŋɔ dɛ he yarada mɛ naa, hɛɛ na ɡɛ Korowii aa dɔ jirimaa yaa?”

Amanesoma Jɔn Aa Chwera Tɔn 4:49

Asɛ nomoa la soŋo ŋɔ, “Nomoa, yá kaa. A waa laa aa, n bie la ɛɛ sewɔɔ.”

Amanesoma Jɔn Aa Chwera Tɔn 4:51

Waa dɛ kaa la, o bonɔɔna chemo ŋwɛnɛ ta, dɛ ŋɔ o be ŋɔ, “He bie la ɡbaŋrɔ!”

Hibru 11:19

Dɛ Abraham jemɔ kɛŋɔ hale dɛ Aesek sewɔ kwaraa naa, Korowii dɔ kpeɡri kɛŋɔ ó won iru seo ta. Yaa wonoo ŋɔ sewaa Aesek sewɛ dɛ berɛ ba Abraham nɔn ta ja.