Amanesoma Jɔn Aa Chwera Tɔn 4:48 - mzwDBL

⁴⁸ Belaa Yeesu ŋɔ o be ŋɔ, “He bɛlbwa ta nyokpowaa ne wekpeɡa ane nae yaa, haa men yarada bwa.”

Amanesoma Jɔn Aa Chwera Tɔn 4:48 ပူးပေါင်းရင်းမြစ်များ

Daneɛl 4:2

N sie lɛo kohona kɛŋɔ ń bol nyokpowaa ne we-ɛɛla Nemenɛ Korowii aa ɛa tɛ mɛ.

Daneɛl 6:27

Onee dɛɛ lɛ nɛn dɛ ɡel o dɔ o nyu dɛɛ di, dɛɛ ɛ nyokpowa, o we-ɛɛla ɡe do kan nyundua ne harɛ bwa. Onee lɛ Daneɛl nyujentena nɔn ta aa wola on kpoe.”

Nɛra Kura 14:11

Anee Korowii ŋɔ Mosis be ŋɔ, “Saŋ besoo nɛra nɔ ɛɛ ba n nyubaah nyiŋa ɡela ɔ? Ba teŋɔ dɛɛ vɛɛh mɛ ŋɔ baa men yarada, hale n nyokpowe-ɛɛla maa ɛa ba bini la bwa habɔɔ.

Matiu 16:1

Farisii tena bane ne Saduki tena bane ba Yeesu be dɛ ba daahno na dɛɛ nyin ó ɛ nyokpowaane bá na ásɛ dɛ won jemɛ kɛ Korowii bee o le kpela.

Matiu 24:24

dɛkalkɛ nɛra ɛɛ bao dɛ́ ba teŋe nyosone ŋɔ Kristo laanee ban, ásɛ bane ɡe teŋe nyosone ŋɔ Korowii keameree ban. Baa ɛ wejena ne nyokpowaa, dɛɛ nyin bɔr dɛ́ neɡre nɛra Korowii aa chal ba dɛ lɛɛ ba la kwara.

Matiu 27:42

dɛ ŋɔ, “Ao! O won bane te lɛɛ, kɛ waa won lɛ o te ɡbaɡba. Kɛ Israel tena kooroo yɔ. Hé ɡel ó tu le daɡaɡre la doa ba harɛ yá na ásɛ dɛ yaradao.

Amanesoma Mak Aa Chwera Tɔn 13:22

dɛkalkɛ nɛra ɛɛ bao dɛ́ ba teŋe nyosone ŋɔ Kristo laanee ban, ásɛ bane ɡe ŋɔ Korowii keameree ban. Baa ɛ bebeewaa ne nyokpowaa dɛɛ nyin bɔr dɛ́ neɡre nɛra Korowii aa chal ba dɛ lɛɛ ba la kwara.

Amanesoma Luk Aa Chwera Tɔn 10:18

Belaa Yeesu chaŋ ba ŋɔ, “He pɔ Bɔnsam nɛ. N nao kɛŋɔ waa le nyundua ba le harɛ kerabeŋkpoŋ kɛŋɔ bwaala aa nyɛɡla ken.

Amanesoma Luk Aa Chwera Tɔn 16:31

Anee Abraham ŋɔ, ‘Dɛ baa tɔne Mosis ne Korowii keamere la aa chwera la waa no aa, nomɛl iro le seo ta dɛ la ba be kwara noo, baa no.’ ”

Amanesoma Jɔn Aa Chwera Tɔn 12:37

O ɛ nyokpowaa kohona ba siwi ta, kɛ ane abwa, ba ta on yaradae.

Amanesoma Jɔn Aa Chwera Tɔn 15:24

Dɛ n fe ta waa nɛwɛnyini bɛlbwa aa wola ɛɛ ka ɛ ba siwi ta te naa, ba fe aa bolchɔɡee di. Kɛ ba na n nyokpowe-ɛɛla bwa, dɛ ɡarɛ hah n ne n Mɛɛ bwa.

Amanesoma Jɔn Aa Chwera Tɔn 2:18

Belaa Juu tena nomonome la ŋɔ o be ŋɔ, “Bɔkwa nyokpowaa hɛɛ ba wona ɛ dɛ́ chaɡle kɛŋɔ he dɔ ŋwɛnɛ dɛ́ won ɛ a ɡɛ waa nɔɔ?”

Amanesoma Jɔn Aa Chwera Tɔn 20:29

Belaa Yeesu ŋɔ o be ŋɔ, “Haa na mɛ nɔ waa he yarada mɛ nɔ kɛɛ? Nɛra baa wola men nae dɛ yarada mɛ la, ba na som.”

Amanesoma Jɔn Aa Chwera Tɔn 4:49

Asɛ nomoa la soŋo ŋɔ, “Nomoa, yá kaa. A waa laa aa, n bie la ɛɛ sewɔɔ.”

We-ɛɛla 14:3

Pɔɔl ne Banabas soɡe bela biɡri. Baa lɔ bela la, dɛ ba dɛ bol Yeesu waa bansua ne, dɛɛ baɡle ɡɛ waa dɛ sune nɛwɛnyini nɛɛ dɛɛ cha ba. O cha ba asɛ ba won dɛɛ ɛ nyokpowaa ne wekpeɡa, asɛ nɛra na dɛ jemɛ kɛ o waa baa dɛ bol la ɛ kpela.

We-ɛɛla 15:12

Nɛra baa cheme bela la bɛlbwa ta berɛ tɔŋle kpa, dɛ tɔ nyoa dɛɛ no Pɔɔl ne Banabas be. Pɔɔl ne Banabas baɡle nyokpowaa ne wekpeɡa Korowii aa kpɔ ba ɛ nɛra baa wola Juu tena ɛɛ la bini.

We-ɛɛla 2:19

Mɛɛ ɛ nyokpowaa nyundua ne harɛ taa, ásɛ nɛra na chal ne nii ne ninchuu kohona.

We-ɛɛla 2:22

N bala Israel tena, hé no waa nɔ. Yeesu waa le Nasarɛt la fa ɛ nɛn bɛl Korowii aa ɡela o won dɛɛ ɛ nyokpowa, asɛ he na dɛ won jemɛ kɛŋɔ Korowii kpeɡri nee wɛɛ ɛ o toma kpela. A ɡɛ waa nɔ ta heyaa wehɔɔhra ɛɛ.

We-ɛɛla 2:43

Dɛ Korowii cheɡɛ Yeesu toroma la nɛɛ dɛɛ ɛ tomkpeɡa, asɛ nɛra bwa nyoa kpo baa ɔmɛ.

We-ɛɛla 4:30

Tɛɛ ba kpeɡri bá won dɛɛ chah weela, dɛ́ ɡel ba che he ɡbaɡba bonɔndɛɛɡe Yeesu nɛɛ dɛ́ ɛ wekpeɡa ne nyokpowa.”

We-ɛɛla 5:12

Dɛ Yeesu toroma la dɛ ɛ wekpeɡa ne nyokpowaa nɛra la bini. Dɛ asɔre tena la dɛ cheme Korowii Dea la dahara bobɛl baa dɛ yerɛ bela Solomɔn Pato la ta.

We-ɛɛla 6:8

Dɛ Korowii cha Steeven kohona, dɛ tɛo kpeɡri o won dɛɛ ɛ nyokpowa, ne waa aa kpeɡa nɛra baah ta.

We-ɛɛla 7:36

Mosis ɛ nyokpowaa Ijipt harɛ ta mɔɔ dɛ kpɔ o nɛra le bela, dɛ ɛ nyokpowaa Mposwɛm la ta bene fifraanaarɛ baa dia pua hɛŋle ɡbo harɛ ta la bwa ta.

Tɔn Pɔɔl Aa Chwerɛ Rom Tena 15:19

ne wekpeɡa ne nyokpowaa Korowii Domadɛɛɡe la kpeɡri aa ɡela mɛɛ ɛ la bwa ɡelɔ he yarada Korowii waa nɔ. Taraken nɔ, le Jerusalam ka le Ilirikum le bwa, n bol Yeesu Kristo Amanesoma nɔ bela.

1 Kɔrent 1:22

Juu tena dɛ nyin ya ɛ nyokpowaa baɡ ba, Grik tena ɡe ɛɛ nyin kɛ ya baɡ ba wejema mɔɔ ba yarada.

2 Kɔrent 12:12

N fa aa lɔ he be la, n lawɛ bambile kɛrɛdɛ dɛɛ ɛ waa aa chaɡla kɛŋɔ Yeesu toroma la bɛlee men. Wekpeɡa ne nyokpowaa bwaa n ɛ.

2 Tesalonika 2:9

Gɛ saŋ waa ba mɔɔ Yeesu ba kpoo la, Bɔnsam ɛɛ do o nɛɛ dɛɛ chao kɛrɛdɛ o won dɔ kpeɡri kohona, dɛ́ won dɛɛ ɛ nyokpowaa ne wejena, dɛɛ neɡre nɛra kɛŋɔ Korowiirii tɛo kpeɡri ken,

Hibru 2:4

Korowii ɡbaɡba cheɡɛ nyokpowaa ne wekpeɡa ɛɛ ta, ne o Domadɛɛɡe waa kpɔa bɔne nɛra ɡɛ waa dɛ nyin la ta dɛ di a danseɛ.