Amanesoma Jɔn Aa Chwera Tɔn 4:34 - mzwDBL

³⁴ Belaa Yeesu ŋɔ, “N kondikwaa kɛ maa dɛ ɛ n Mɛɛ waa tom mɛ la tetoora, ne kɛ maa ɛ o toma waa tɛ mɛ la bwa tonɛ.

Amanesoma Jɔn Aa Chwera Tɔn 4:34 ပူးပေါင်းရင်းမြစ်များ

Job Tɔn 23:12

N dɛ teŋɛ o Mmarare waa do mɛ ta, n kpoŋe o nyoa wobol bini, dɛ ɡwaa n wenyina.

Yela 40:8

N Naa Korowii, na ɡɛ maa dɛ nyin he waa ɛɛ, n kpɔ he webaɡla la do n bambile bini.”

Matiu 26:39

Yeesu la sie tama dɛ ka kpɔ sie pi harɛ dɛ soŋe Korowii ŋɔ, “N Mɛɛ, dɛ a fe ɛɛ maɡroo waa, he bɛ ɡel a ɡɛ wahala nɔ ba n nɛ. Kɛ anla aa too n tea laa mɛɛ nyin, kɛ ɛ he tetoowa.”

Matiu 3:15

Anee Yeesu ŋɔ, “Taraken nɔ te, sɔ mɛ. He sɔ mɛ naa, ɡɛɛ yaa ba wona ɛ wedɛɛɡa aa dɛ su Korowii siwi la bwa.” Asɛ mɔɔ Jɔn sɛh dɛ sɔɔ nee la.

Matiu 9:19

Anee Yeesu ne o habɔteŋra la bwa ir teŋɛ o nɛ.

Amanesoma Luk Aa Chwera Tɔn 15:10

Kasinteŋ, ɡɛɛ aa ba Korowii doa ɡe doe. Wechɔɡ-ɛɛ beŋkpoŋ charɛ o liire dɛ le o wechɔɡa ta naa, Korowii ne o nyundua toroma sie ɛɛ lɛ o nɛɛ taeh.”

Amanesoma Luk Aa Chwera Tɔn 19:10

Nɛra baa nyoɡra waa Men Nɛn Bie ba dɛ́ ba nyin ba bɔr dɛ́ lɛɛ ba.”

Amanesoma Luk Aa Chwera Tɔn 2:49

Belaa o ŋɔ ba be ŋɔ, “Ɛrɛɛ he ɡaaɡe dɛɛ nyin n bɔr nɔɔ? He ta wone jemɛ kɛŋɔ n Mɛɛ Korowii deemii n do kɛɛ?”

Amanesoma Jɔn Aa Chwera Tɔn 17:4

N tɛɛ jirima harɛ nɔ ta kɛŋɔ maa tonɛ toma haa kpɔa do n nɔn ta ŋɔ ń ɛ la bwa.

Amanesoma Jɔn Aa Chwera Tɔn 19:28

A habɔɔ Yeesu aa naa kɛŋɔ o wobɛlbwa tonɔ la, o ŋɔ, “Nyɔɡre dɛ kpo mɛ,” ásɛ waa aa lɔ Korowii Tɔn bini la ɛ kpela.

Amanesoma Jɔn Aa Chwera Tɔn 19:30

Yeesu aa nyɔa tonɛ la, o ŋɔ, “A tonɔ,” asɛ dɛ ɡure o nyu dɛ ɡel o doma le, o sewɛ.

Amanesoma Jɔn Aa Chwera Tɔn 4:32

Belaa Yeesu ŋɔ, “N dɔ kondikwaa ane haa wola a waa jemɛ.”

Amanesoma Jɔn Aa Chwera Tɔn 5:30

Yeesu berɔ ŋɔ, “N ɡbo aa won ɛ wobɛlbwa n bambile ta, nemenɛ anɔ la Korowii aa chaɡ mɛ la. A taa n che dɛ bol nɛra waa dɛɛ pa bole. An ɡela n bole pae toɡre nɔ, dɛkalkɛ waa n Mɛɛ waa tom mɛ la aa kpɔa tɛ mɛ la ɡboo mɛɛ ɛ dɛ ɡel n bambile wa.

Amanesoma Jɔn Aa Chwera Tɔn 5:36

Kɛ n dɔ danseɛ bɛl waa kpeɡa dɛ ɡwaa Jɔn danseɛ waa baa di tɛ mɛ la kwara. Anee kɛ toma n Mɛɛ Korowii aa kpɔa do n nɔn ta ŋɔ ń ɛ la. Anee dɛɛ baɡle kɛ onee tom mɛ.

Amanesoma Jɔn Aa Chwera Tɔn 6:33

Kondikwaa la Korowii aa tɛ yaa laanee nɛn waa le o ɡbaɡba be nyundua dɛ ba mkpa ne ba tɛ nɛwɛnyini bwa la.”

Amanesoma Jɔn Aa Chwera Tɔn 6:38

dɛkalkɛŋɔ n ɡbaɡba tetoowa waa laa n le nyundua ba. Naate waa tom mɛ la tetoowa waa n ba.

Amanesoma Jɔn Aa Chwera Tɔn 8:29

Naate waa tom mɛ la ja n nɛ, o ta men tae, dɛkalkɛ n dɛ ɛ anɔ la aa dɛ too o tea.”

We-ɛɛla 20:35

N cheɡɛ n we-ɛɛla ta dɛ baɡle heyaa kɛŋɔ a chɛ kɛ ya swɛɛ siwi ɛ toma ken, ásɛ dɛ won dɛɛ cha nɛra baa wola kpeɡe la. A chɛ kɛ yaa lii waa ya Dɔɔ Yeesu ɡbaɡba aa bola ŋɔ, ‘Nɛn waa dɛ kɛ nɛra kwaa la, o dɛ na som o bwara ɛɛ sɔɔhno, dɛ ɡwaa nɛn baa dɛ kɛo kwaa’ la.”

Hibru 12:2

Yáa nyiŋi Yeesu waa ɛ ya Korowii yaradae bwa nyu te, dɛ ɛ a mumpar ne a jaɡa la. On koh bosɔɔhna waa ba dɔ waa asɛ ba ɛo hɔhɔrɔwa daɡaɡre ta la. O ta sihiih waa koɛh dɛ vɛh. Taraken o soɡe nomombɔr Korowii diɡ ta.