Amanesoma Jɔn Aa Chwera Tɔn 4:22 - mzwDBL

²² He Samaria tena te, ɛɛ he ɡee ɛ te, kɛ haa kon haa dɛ tomɛ jemɛ. Kɛ ya Juu tena te jemɛ kon yaa dɛ tomɛ, dɛkalkɛ ya nɛɛ aa ba cheɡa ásɛ Korowii lɛ nɛwɛnyina bwa.

Amanesoma Jɔn Aa Chwera Tɔn 4:22 ပူးပေါင်းရင်းမြစ်များ

Mumpar 49:10

Koodaŋɡbala aa o nɔn ta lee ba, mmarare doe ɡe aa o habɔɔ le, ásɛ harɛre nɛra kpɔ koŋkɛɛla baa tɛo, dɛ́ ba ɡuŋi o sie dɛɛ duuru.

Ɛsra 4:2

Anomanta, ba ba Sɛrobabɛl ne deene nomonnyuune la be ŋɔ, “Hé ɡel ya ba cha heya Korowii Dea nɔ toma ta, dɛkalkɛŋɔ Korowii beŋkpoŋ nɔɔ ya bwa ɛɛ tomɛ, dɛ ɛ saraha dɛɛ tɛo dɛ le saŋ Asiiria koojen Esaahadon aa ba ya ne bonɔ ba so bwa.”

Yela 147:19

O pili o Mmarare ne o waa bini chaɡle Jekɔb naanar baa ɛ o nɛra Israel tena la.

Yela 68:20

Korowii yaa dɛ tomɔ ɛ Korowii waa dɛ lɛ yaa, Nemenɛ Korowii won yaa lɛɛ dɛ́ le seo nyoa.

Aesaya 12:2

Kasinteŋ, Korowiirii n Lɛɛ. Mɛɛ dɛɛ yaradao dɛ bɛ dɛɛ ɔmɛ. Korowii bee n bokpeɡa do, n yel maa ɡo bwa ɡee kɛŋɔ Korowii. Onee n Lɛɛ.”

Aesaya 12:6

Saayɔn tena, hé hɛɡre dɛ́ ɡo yela kohona. Israel Nɛŋɡoroŋ la kan kohona! O ne o nɛra so.”

Aesaya 2:3

Nɛra ɛɛ warɔɔ dɛ́ ka ŋɔ, “Hé ba ya kaa Korowii Saayɔn Bwejen la doa Jerusalam, Korowii Jekɔb aa tomɔ la Dea. Wɛɛ baɡle yaa o ŋwɛnɛree, ásɛ yaa valɛ o webaɡla ta.” Saayɔn Bwejen taa o Mmarare ɛɛ ba lee, bá bol baɡle o nɛra Jerusalam bela.

Aesaya 46:13

N dɛ ba n waa aa toɡra ne. A toole bojaŋ, aa biɡri kwaraa. Mɛɛ lɛ Jerusalam tenaa, dɛ́ ɡel ba dɔ n jirima.”

Sekaria 9:9

Saayɔn tena, hé hɛɡre kohona, Jerusalam tena, hé moo ɡa. Hé nyiŋi na! He kooro dɛ ba he be, o waa toɡrɔ dɛ won nɛra lɛɛ, o pwɛre, o soɡe keeɡo bie ta, keeɡo bale taa o so.

Amanesoma Luk Aa Chwera Tɔn 24:47

ásɛ ba che o sɔn ta dɛ́ bol Amanesoma la dɛ́ ŋɔ nɛ́ra charɛ ba liire dɛ́ le wechɔɡa ta, ásɛ Korowii kpɔ ba wechɔɡa kɛ ba, dɛ pa mun le Jerusalam dɛ baɡle ɡɛ waa nɔ harɛ bobɛlbwa.

We-ɛɛla 17:23

dɛkalkɛŋɔ maa dɛ ɡaaɡe he bwɛɛ nɔ ta dɛ na bɔra haa dɛ tomɛ la, n na kon haa dɛ ɛ saraha o ta, dɛ na kɛŋɔ baa chwerɛ bobɛl ŋɔ, ‘Ya dɛ tomɔ, kɛ yaa on jemɛ.’ Kon haa wola on jemɛ dɛ ɡee tomɔ la, o waa mɛɛ bol he be la. O sɔne Korowii.

We-ɛɛla 17:30

Saŋ la nɛwɛnyini fa aa wola Korowii ŋwɛnɛ jemɛ kɛrɛdɛ la, o laa sie kpɔ ba wechɔɡa ta. Kɛ taraken te, o ŋɔ hárɛ ta bobɛlbwa nɛra charɛ ba liire, dɛ́ le ba wechɔɡa ta,

We-ɛɛla 3:26

A waa Korowii le o Bonɔɔ la dɛ tɔ sie tomɔ he be, ásɛ o ba swee heyaa andɛɛɡa dɛ́ ɡel bɛlbwa charɛ o liire dɛ́ le o wechɔɡa ta la.”

Tɔn Pɔɔl Aa Chwerɛ Rom Tena 11:18

Anomanta, bɛ kena dɛɛ kpaɡri daa kpala la baa kɛa ta la nɛ. He mbarafo mun ɔ? Daa kpale laa hen kɛɛ? Hen ɡela daa la lune do le kɛɛ an ɡela he do le nɔ?

Hibru 7:14

Nomɛlbwa jemɔ kɛŋɔ Juda deaa o le. Mosis ɡe fa ta bolɛ ŋɔ Juda dea tena dɛ di sɔfore bwa.