Amanesoma Jɔn Aa Chwera Tɔn 3:31 - mzwDBL

³¹ Nɛn waa le nyundua la ɡwaa nomɛlbwa. Nɛn waa le harɛ bonɔ la, harɛ waa o jemɛ, a waa ɡee o won bola. Kɛ nɛn waa le Korowii be nyundua la te ɡwaa nomɛlbwa.

Amanesoma Jɔn Aa Chwera Tɔn 3:31 ပူးပေါင်းရင်းမြစ်များ

Matiu 28:18

Yeesu tel ba jwɛh dɛ ŋɔ, “Korowii kpɔ nyundua ne harɛ nɔ ta bwa kpeɡri do n nɔn ta.

Amanesoma Jɔn Aa Chwera Tɔn 1:15

O waa Jɔn faa bol kohona dɛɛ ŋɔ, “Nɛn n fa aa dɛ bol o waa dɛ ŋɔ men tɔ sie o nɛɛ kɛ o ɡwaa mɛ, dɛkalkɛŋɔ o lole mɔɔ ba lol mɛ la, on la.”

Amanesoma Jɔn Aa Chwera Tɔn 1:27

Men bala mɔɔ o ba, kɛ o ɡwaa mɛ. Maa o napaa tee kwaraa dɔ.”

Amanesoma Jɔn Aa Chwera Tɔn 1:30

O waa n faa bol ŋɔ, ‘Nomɛl lɔ n habɔɔ dɛɛ ba, dɛ ɡwaa mɛ, dɛkalkɛ o lole mɔɔ ba lol mɛ’ la.

Amanesoma Jɔn Aa Chwera Tɔn 3:30

A chɛ kɛ o sɔn ɛɛ le kohona asɛ n te sɔn ɛɛ ba harɛ.

Amanesoma Jɔn Aa Chwera Tɔn 6:33

Kondikwaa la Korowii aa tɛ yaa laanee nɛn waa le o ɡbaɡba be nyundua dɛ ba mkpa ne ba tɛ nɛwɛnyini bwa la.”

Amanesoma Jɔn Aa Chwera Tɔn 6:51

Menee kondikwaa aa le nyundua ba dɛ dɔ mkpa la. Nomɛlbwa waa di ɡɛ kondikwaa nɔ la ɛɛ dɔ mkpa aa wola jaɡa dɔe. Asɛ kondikwaa maa kpɔ tɛ nɛwɛnyini bwa bá di dɛ́ dɔ mkpa laanee n bo-ol.”

Amanesoma Jɔn Aa Chwera Tɔn 8:23

Belaa Yeesu chaŋ ba ŋɔ, “Harɛ nɔ ta nɛraa heya, asɛ n ɡe le nyundua. He le harɛ nɔ ta, kɛ n te, harɛ nɔ ta laa n le.

We-ɛɛla 10:36

He jemɛ waa waa ŋɔa bá ka bol Israel tena be dɛ baɡle Yeesu Amanesoma aa dɛ tɛ bosɔɔhna la. Yeesuu komɛlbwa Dɔɔ.

Tɔn Pɔɔl Aa Chwerɛ Rom Tena 9:5

Ba nabaala la nɛra bwa aa jemɛ ba waa la naanaree ban. Kristo la Korowii aa baɡɛ nyoa ŋɔ wɛɛ tomɔɔ ó ba lɛɛ ba la, o nɛwɛnyini ɛɛ be pera la, ba dwee on. Korowiirii dɛɛ nyiŋi nɛwɛnyini bwa nɛɛ saŋ bɛlbwa. Onee chɛ kpɛɛra. Aamen.

Hibru 9:1

Taraken, loɡle fɔo Korowii ne o nɛra fa aa fɔwa la ɡba fa dɔ mmara baa cheɡɛ o ta dɛɛ tomɛ Korowii, dɛ dɔ bela baa dɛ tomɛ Korowii harɛ nɔ ta,

1 Pita 3:22

O kaa Korowii be nyundua, dɛ ka so nomombɔr o diɡ ta, dɛɛ di kora nyundua toroma ne konchɔɡa aa bea yaa wola an na bwa soo siwi nɛ.

1 Jɔn 4:5

Keamere baa ɛ nyosonteŋna la te, nɛra baa dɔ harɛ nɔ ta ɡbo liire la bini banee ban. Harɛ nɔ ta waa baa bol. A waa ba won dɛɛ bol wa, asɛ nɛra baa dɔ harɛ nɔ ta ɡbo liire la sie ɛɛ lɛ ba nɛɛ dɛɛ no ba be la.

Wepila 19:16

Sɔn bɛl dawɛ o yal ne o hwii ta. Gɛ sɔn laanee koranar bwa kooro ne dɔɔranar bwa dɔɔ.