Amanesoma Jɔn Aa Chwera Tɔn 3:30 - mzwDBL

³⁰ A chɛ kɛ o sɔn ɛɛ le kohona asɛ n te sɔn ɛɛ ba harɛ.

Amanesoma Jɔn Aa Chwera Tɔn 3:30 ပူးပေါင်းရင်းမြစ်များ

Aesaya 53:12

Anɔ waa mɛɛ ba on nomombɔr tɛɛ, dɛ́ tɛo kpeɡri, dɛkalkɛŋɔ o kpɔ o te tɛ ba kpoo, ba kuro ja wechɔɡ-ɛɛra nɛ. O kpɔ o te ɛ saraha, dɛ lɛ nɛndamanta bwa wechɔɡa che, dɛ soŋe ba wechɔɡa men Korowii be tɛɛ ba.”

Aesaya 9:7

O kora ɛɛ do kanee dɛɛ ja saŋ bɛlbwa, ásɛ deŋnesɔɔhna aa wola jaɡa dɔe do le saŋ bɛlbwa dɛɛ la. Wɛɛ chiɡ Kooro Devid naa taa, dɛ́ di kora. O kora ɛɛ che kasinteŋ ne waa aa toɡra taa dɛ́ do kpeɡri, dɛ́ le saŋ nɔ ka tel waa bwa jaɡa saŋ. Koranar Bwa Kooro ɛɛ do siee dɛ́ ɛ anɔ bwa.

Amanesoma Jɔn Aa Chwera Tɔn 3:29

Hanfale jaaree dɔ o haah. Kɛ, dɛ hanfale jaa la dam lɔ hanfale la waa bɔr dɛ no o nyoa bela aa, dɛ o sie lɛo. Gɛɛ n ɡe bwara sɔɔh mɛ kohona.

Amanesoma Jɔn Aa Chwera Tɔn 3:31

Nɛn waa le nyundua la ɡwaa nomɛlbwa. Nɛn waa le harɛ bonɔ la, harɛ waa o jemɛ, a waa ɡee o won bola. Kɛ nɛn waa le Korowii be nyundua la te ɡwaa nomɛlbwa.

1 Kɔrent 3:5

Bamewaa Apolos ne Pɔɔl hɛɛ maŋkura ba ɡɛ nɔɔ? Tom-ɛɛra ɡboo yaa. Korowiirii tomɛ yaa he be, ásɛ he no Yeesu waa dɛ́ yaradaa dɛ́ kpɔ he te tɛo. Toma Korowii aa kpɔa tɛ ya bini bɛlbwa laanee yaa ɛ.

Kolosi 1:18

Onee asɔre tena bwa nyu, ba ɡee o bwadabi. Onee tɔ sie komɛlbwa nɛ, dɛ tɔ sie ir seo ta nomɛlbwa nɛ, dɛkalkɛŋɔ on chɛ kɛ ó ɛ nomoa komɛlbwa nɛ.

Wepila 11:15

Nyundua torome waa teŋa nuanɛ la hoh o bɛla. Waa hoah la, asɛ n no takpeɡa kohona nyundua o ŋɔ, “Harɛ nɔ ta kora bwa berɛ N Naa Korowii ne o Kristo waa tomɔ la kora. Wɛɛ di koraa saŋ bɛlbwa.”