Amanesoma Jɔn Aa Chwera Tɔn 3:29 - mzwDBL

²⁹ Hanfale jaaree dɔ o haah. Kɛ, dɛ hanfale jaa la dam lɔ hanfale la waa bɔr dɛ no o nyoa bela aa, dɛ o sie lɛo. Gɛɛ n ɡe bwara sɔɔh mɛ kohona.

Amanesoma Jɔn Aa Chwera Tɔn 3:29 ပူးပေါင်းရင်းမြစ်များ

Yelsom 3:11

Jerusalam haahna, hé le ba, dɛ́ ba na Kooro Solomɔn kooɡbɛrɛ o nya aa kpɔa piu, awola o sie aa lɛa kohona wɛɛ ɛ o hanfalwaa la.

Yelsom 5:1

N sɛnodɛɛɡe ne n hanfale, n ba bodɛɛɡe maa du daa. N boa n konsɔɔhsoma ne korobo bwa nyoa. N di n tohvaahna ne n tohno, dɛ nyɔ n sen ne na-elne. N daamanar, hé di kondikwa dɛ nyɔ sen. Hé nyɔ ɡɛ bɛlbwa ɡɛ haa won.

Aesaya 54:5

Naate waa tae laanee dɛ́ do kɛ he jaa, o sɔne Nemenɛ Korowii. Israel Nɛŋɡoroŋ laanee he Lɛɛ, onee harɛ nɔ bwa Dɔɔ.

Aesaya 66:11

Jerusalam ɛɛ dɛɛ heyaa hé dɔ o kondɔɔh la ane hé sie lɛ, kɛŋɔ haah elne yon bu o bie nɛɛ ó ɔr vaɡɛ la.

Jeremia 2:2

“Ir la ka bol n waa nɔ Jerusalam tena be ŋɔ, ‘N dɛ lii ɡɛ he waa fa aa dɔ kasinteŋ tɛ mɛ he toli saŋ, ɡɛ maa mo heyaa loɡla hɛɛ nyin mɛ, dɛ teŋɛ n nɛɛ pua hɛŋle ɡbo harɛ ta, harɛ baa wola komɛlbwa o ta due.

Ɛsekeɛl 16:8

A habɔɔ n berɔ fɛrɛ ba kaa, dɛ na kɛŋɔ namete he kpeɡo kohona kɛŋɔ he yalɛ, asɛ n paɡri n yal nyoa tɔ he nɛ, he ta mumɡbal cheɡɛ kpa. N ŋwɛɛrɔ baɡle asɛ n ne he fɔwɛ fɔo he berɛ n haah. Men Nemenɛ Korowiirii bola.

Hosia 2:19

Mɛɛ kpɔ hen Israelee ɛ kɛŋɔ n haah saŋ bɛlbwa dɛɛ la, mɛɛ di kasinteŋii, maa he habɔɔ le. N nyina aa wola jaɡa dɔe he nɛɛ aa tona ba bwa, mɛɛ dɔ tedomaa tɛɛ, ásɛ he ɛ n haah saŋ bɛlbwa.

Matiu 22:2

dɛ ŋɔ, “Kenii Korowii Kora ɛɛ ba doe. Kooro bɛlee lawɛ hanfale tɛ o bie, dɛ ɡel ba ɛ o hanfale kondikwa.

Matiu 25:1

Yeesu berɔ ŋɔ, “Men Nɛn Bie bala la telaa, kenii Korowii Kora ɛɛ ba doe. O dɛ ba doe kɛŋɔ toli fi bane baa ira dɛ kpɔ ba kandere dɛɛ la ká cheme hanfale jaa.

Matiu 9:15

Anee Yeesu sɛɡ ba ŋɔ, “Baa aa lawɛ hanfale dɛ yerɛ o daamanar ŋɔ bá ba lɛ ba sie nɔ, baa berɔɔ so lɔr aa? Baa lɔree so. Kɛ tɔpere bɛl ɛɛ bao kɛŋɔ baa lawɛ hanfale jaa laanee le ba bini. Gɛ saŋ la te, baa vɔwɛ nyoaa.

Amanesoma Luk Aa Chwera Tɔn 15:6

O ba dem aa, wɛɛ ŋɔ o daamanar ne nɛra o ne baa soɡa bwa bee ŋɔ, ‘N sie lɛo kohona kɛŋɔ maa na n pee waa nyoɡra nɔ. Anomanta, hé ba yá lɛ ya sie.’

Amanesoma Jɔn Aa Chwera Tɔn 15:11

N baɡle heyaa waa nɔ ásɛ he dɔ n silɛɛ dɔŋ, ásɛ he sie lɛ ka tonɛ.

Amanesoma Jɔn Aa Chwera Tɔn 16:24

He ta n sɔn kpɔe dɛ soŋe komɛlbwa bwa. Kɛ taraken te, hé kpɔ n sɔn soŋe, hɛɛ dɔɔ ásɛ he sie lɛ kohona.

Amanesoma Jɔn Aa Chwera Tɔn 17:13

Taraken n berɔ dɛɛ ba he be bela, kɛ n taa lɔ harɛ ta nɔ, n dɛ bol waa nɔ ásɛ ba won dɔ silɛɛ maa dɔa la kɛrɛdɛ ka tonɛ.

Amanesoma Jɔn Aa Chwera Tɔn 3:30

A chɛ kɛ o sɔn ɛɛ le kohona asɛ n te sɔn ɛɛ ba harɛ.

2 Kɔrent 11:2

He waa dɛ we n bwara kɛŋɔ he wa aa dɛ we Korowii nɛɛ la. He do kɛ haah waa wola baa jemɛ bwa, asɛ n kpɔɔ tɛ baa bɛl yal ken. Yeesu Kristo ɡbaɡbaa a ɡɛ baa nɔ, o ɡboo chɛ kɛ ó ɛ he jaa.

Felepae 2:2

amɔ hé ɛ waane dɛɛ ja, ásɛ n sie lɛ kohona ka tonɛ. N dɛ nyin kɛŋɔ he bwa dɔ nyopɛo, ásɛ he liire ne he dɔŋa nyina ne wobɛlbwa haa lii la bwa won ɛ beŋkpoŋ.

1 Jɔn 1:4

Ya dɛ nyin kɛ ya bwa bwara sɔɔh yaa kɛrɛdɛ. A waa ya chwerɛ tɔn nɔ baa tɛ heyaa la.

2 Jɔn 1:12

N dɔ waa taeh, dɛ́ bol he be, kɛ maa chwerɛ do tɔn ta. N dɛ nyin kɛ ń ba he be ya sie ɛ anɛ, ásɛ n bol he be. Belaa ya sie ɛɛ ba lɛɛ kohona.

Wepila 21:9

Belaa nyundua toroma banuanɛ la ba fa aa kpoŋe loɡa hɔhɔrɔwa bele anuanɛ aa ka mun la aa su a bwa la bɛl ba, dɛ ba ŋɔ n be ŋɔ, “Ba ń baɡle Pebie la hanfale la.”