Amanesoma Jɔn Aa Chwera Tɔn 3:27 - mzwDBL

²⁷ Belaa Jɔn ŋɔ, “Nomɛlbwa toole dɛ́ won dɔ komɛl dɛ Korowii laa tɛo.

Amanesoma Jɔn Aa Chwera Tɔn 3:27 ပူးပေါင်းရင်းမြစ်များ

Jeremia 1:5

“N tɔ sie lee cheɡ dɛ tɛɛ mkpa, mɔɔ ba lolɛ la, dɛ n lee cheɡ, menee lee ŋɔ hé ɛ n keame harɛre nɛra bwa nɛ.”

Jeremia 17:16

N ta vɛɛh kɛŋɔ mɛɛ nyiŋi he nɛra nɛɛ kɛŋɔ peteɡre, maa nyin kɛ he kpɔ sibeɡra tɔpere bɛlbwa ba ba nɛ. Wobɛlbwa aa le n nyoa la chɔ he sie.

Emɔs 7:15

Kɛ Korowii ɡelɔ n ɡel peera teɡa, dɛ ŋɔ n be ŋɔ ń ba bol o waa la baɡle o nɛra Israel tena.

Nɛra Kura 17:5

Naate máa leo ó ɛ sɔfo la, o daŋɡbala la ɛɛ moɡɛ papoonii, ásɛ n teŋe saŋ bɛlbwa naɡra Israel tena aa dɛ naɡre he waa a pe mɛ la ta.”

Matiu 21:25

Umee tɛ Jɔn o fa aa dɛ sɔ nɛra Korowii nee la kpeɡri o kpɔ dɛɛ sɔ nɛra nee laɔ? Korowiirii tɛo waa, kɛ nɛnee tɛɔ?” Ate, dɛ ba ɡboɡbo berɔ kpoŋe dɔŋa dɛ ŋɔ, “Aah ɛrɛɛ yaa ba o chaŋa ɔ? Ya ŋɔ Korowiirii tɛo waa, wɛɛ berɔɔ pɛɛ yaa ɡɛ aa ɛa yaa wola o waa yaradae.

Matiu 25:15

Gɛ del ba bɛlbwa aa dɛ ba wona kpoŋe la taa o nyiŋi dɛ bɔne tɛɛ ba. O tɛ sitɔte la bɔre anue, dɛ tɛ nɛɛte la bɔre anɛ, asɛ dɛ tɛ toorote la ɡe bɔrbeŋkpoŋ, mɔɔ dɛ kaa o ŋwɛnɛ la.

Amanesoma Mak Aa Chwera Tɔn 13:34

Aa ɛo kɛŋɔ nomoa bɛl aa dɛ ba bobɛl kaala dɛ baɡle o bonɔɔna tomare, dɛ ŋɔ baa waa dɛ nyiŋi o dem ta la be ŋɔ wɛ́ɛ nyiŋi o ta kɛrɛdɛ la.

Amanesoma Jɔn Aa Chwera Tɔn 10:41

Nɛra ba o be pirim asɛ dɛ baa bol dɔŋa be ŋɔ, “Jɔn ta nyokpowaa bɛlbwa ɛɛ, kɛ baa nɔ bwara waa Jɔn aa baɡla la bwa ɛ kpela.”

Amanesoma Jɔn Aa Chwera Tɔn 6:65

Yeesu berɔ ŋɔ, “Anɔ waa n ŋɔ nomɛlbwa aa won ba n be nemenɛ n Mɛɛ Korowii leo tɛ mɛ la.”

Tɔn Pɔɔl Aa Chwerɛ Rom Tena 1:5

O nɛɛ Korowii che dɛ sune n nɛ, dɛ cha mɛ, dɛ ɡel mɛɛ ɛ Yeesu toma dɛɛ baɡle nɛwɛnyina te bwa o waa ásɛ ba yaradaa dɛɛ ɛa, ásɛ o dɔ sɔn.

Tɔn Pɔɔl Aa Chwerɛ Rom Tena 12:6

Kpeɡri Korowii aa cha ya bwa ya dɔ kokoɡrɔ. A chɛ kɛ ya bɛlbwa kpɔ kpeɡri Korowii aa sune o nɛɛ dɛ tɛo la ɛ toma. Dɛ Korowii Waa bola kpeɡrii o kpɔ tɛɛ naa, a chɛ kɛ hɛɛ bola ɡɛ del he yarada aa doa.

1 Kɔrent 1:1

Menee Pɔɔl aa too Korowii tea asɛ o lee mɛ ŋɔ ń ba ɛ Yeesu Kristo torome la. N ne n dɔŋ Sɔɔstenes bwaa chwerɛ tɔn nɔ dɛɛ tɛ he asɔre tena haa lɔ Kɔrent dɛɛ tomɛ Korowii la.

1 Kɔrent 12:11

A ɡɛ waa nɔ bwa, Korowii Domadɛɛɡe beŋkpoŋ laanee tɛ nomɛlbwa kpeɡri o kpɔ dɛɛ ɛ ɡɛ la. Gɛ aa too o teaa o tɛ nomɛlbwa.

1 Kɔrent 15:10

Kɛ Korowii sune n nɛ, dɛ cha mɛ. Chae waa cha mɛ laanee ɡela n do ɡɛ maa doa nɔ la. O suna waa sune n nɛɛ la ta pɛɛ ɛɛ. N iro, asɛ dɛɛ ɛ o toma la kohona hale dɛ ɡwaa n bala toroma la kwara. N ɡbaɡba kpeɡri ne laa mɛɛ ɛ toma nɔ. Korowiirii sune n nɛɛ dɛ cha mɛ, asɛ mɛɛ ɛa ɡɛ la.

1 Kɔrent 3:5

Bamewaa Apolos ne Pɔɔl hɛɛ maŋkura ba ɡɛ nɔɔ? Tom-ɛɛra ɡboo yaa. Korowiirii tomɛ yaa he be, ásɛ he no Yeesu waa dɛ́ yaradaa dɛ́ kpɔ he te tɛo. Toma Korowii aa kpɔa tɛ ya bini bɛlbwa laanee yaa ɛ.

1 Kɔrent 4:7

Umee ŋɔ he be ŋɔ he ɡwaa bane ɔ? Wobɛlbwa haa jema la, Korowiirii tɛɛ. Bɛ nyoa dɛɛ ta a do kɛŋɔ Korowii laa kpɔ waa haa jema la kɛɛ.

Galaasia 1:1

Men Pɔɔl maa ɛ Yeesu torome la, men chwerɛ tɔn nɔ. Nɛwɛnyini laa lee mɛ dɛ tɛ mɛ toma nɔ. Yeesu Kristo ne o Mɛɛ Korowii waa iru seo ta laanee lee mɛ.

Ɛfesos 1:1

Men Pɔɔl aa too n tea asɛ o lee mɛ ŋɔ ń ɛ Yeesu Kristo torome la, menee chwerɛ tɔn nɔ. N chwerɔ dɛɛ tɛ Korowii nɛra ba wa aa toɡra dɛ do Ɛfesos, he ne Yeesu Kristo aa pɛa dɛɛ teŋɛ o waa ta kasinteŋ ne la.

1 Timoti 2:7

Anɔ waa Korowii lee mɛ ŋɔ ń lɔ a dawuro baɡle nɛra, dɛ́ berɛ ɛ Yeesu torome ɡe la. Kasinteŋii mɛɛ bol la, maa nyosone teŋe. Onee ɡela mɛɛ baɡle nɛra baa wola Juu tena ɛɛ la, ásɛ ba yarada Yeesu dɛ́ jemɛ kasinteŋ la.

Jems 1:17

Komɛlbwa waa wera la le Korowii be. Komɛlbwa waa ɛ kondɛɛɡe la, Korowiirii kpɔa kɛ yaa. Onee ya Mɛɛ waa ta kwaa bwa aa lɔ nyundua dɛɛ chaah harɛ. Gɛ kwaa nɔ dɛ chaah, ane ta ɡe aa chaah, kɛ Korowii te aa beɡre bwa.