Amanesoma Jɔn Aa Chwera Tɔn 21:25 - mzwDBL

²⁵ Waa Yeesu aa ɛa warɔ taeh. A bwa laa ba chwerɛ do tɔne ta. Dɛ ba fe wono chwerɛ a bwa do tɔne ta naa, a ɡɛ tɔne la fe aa bɔr dɔe ba dɛ́ jo harɛ nɔ ta.

Amanesoma Jɔn Aa Chwera Tɔn 21:25 ပူးပေါင်းရင်းမြစ်များ

Yela 40:5

N Naa Korowii yaa dɛ tomɛ, nyokpowe-ɛɛla haa ɛa la warɔ ɡa. Yaa won baɡle wejena haa vɔrɔwa bil tɛ yaa la, a warɔ kohona, yaa wola won kura.

Yela 71:15

Mɛɛ bol he wedɛɛɡa ɛɛ waa, dɛ́ bol lɛɛ haa dɛ lɛ nɛra tɔpebir bwa wa, a lole kɛ a ɡwaa n liire ta kɛ ń won jemɛ.

Job Tɔn 26:14

Waa waa ɛa la bini tamaa la, a bini wetama anee ya no. Umee dɛ́ won jemɛ kpela, ɡɛ Korowii kan ne o kpeɡri aa doa ɔ?”

Hibru 11:32

Too, ń baɡle ane ja aa? Maa bɔree dɔ baɡle Gedeɔn, ne Barak, ne Samsen, ne Jɛfta, ne Devid, ne Samoɛl, dɛ Korowii keamere la bwa wa.

We-ɛɛla 10:38

He jemɛ ɡɛ Korowii aa kpɔ o Domadɛɛɡe ne o kpeɡri tɛ Yeesu waa le Nasarɛt la wa. Dɛ Korowii teŋɛ Yeesu nɛ, asɛ o valɛ dɛɛ ɛ wedɛɛɡa dɛɛ chah nɛra Bɔnsam aa lɔ ba bil la.

We-ɛɛla 20:35

N cheɡɛ n we-ɛɛla ta dɛ baɡle heyaa kɛŋɔ a chɛ kɛ ya swɛɛ siwi ɛ toma ken, ásɛ dɛ won dɛɛ cha nɛra baa wola kpeɡe la. A chɛ kɛ yaa lii waa ya Dɔɔ Yeesu ɡbaɡba aa bola ŋɔ, ‘Nɛn waa dɛ kɛ nɛra kwaa la, o dɛ na som o bwara ɛɛ sɔɔhno, dɛ ɡwaa nɛn baa dɛ kɛo kwaa’ la.”

Matiu 11:5

Hé ŋɔ o be ŋɔ nyoŋa dɛ na bɔr, boobie ɛɛ valɛ, asɛ nɛra weechɔɡa aa chɔɡ ba bwadabii la ɡe bwara kwaa. Hé ŋɔ o be ŋɔ amumure dɛ no wa, lala ir seo ta, asɛ nyaara ɡe dɔ Amanesoma la dɛɛ no.

Wejereme 12:12

N bie, nyiŋi kɛrɛdɛ dɛ bɛ wobɛlbwa kpɔ ja a ta. Tɔne chwera ta jaɡa dɔe, kwaa hwela kohona ɡelɔ nɛn ɛɛ ɡwɛɡre.

Emɔs 7:10

Belaa sɔfo Amasea waa lɔ Bɛtel la kpɔ kala tɛ Israel Kooro Jɛroboam ŋɔ, “Emɔs dɛ vɔrɔwe he vɔrɔwa Israel harɛ ta bonɔ. O waa waa dɛ bol la ɡwaalɔ to.

Matiu 19:24

N dɛ ŋɔ he be ja kɛŋɔ, aa do pwɛree tɛ nyoɡma kɛŋɔ ó won jo tɔɔɡe bɔɔ ta, ɡwaa kɛŋɔ dɔɔh naa wona ja Korowii Kora la ta.”

Amanesoma Mak Aa Chwera Tɔn 5:16

Nɛra baa lɔ bela dɛ na la bol nɛra be waa aa chiɡ baa la ne parakooni la nɛ.