Amanesoma Jɔn Aa Chwera Tɔn 21:17 - mzwDBL

¹⁷ Yeesu berɔ kwaa pɛɛro toorotena ŋɔ, “Jɔn bie Seemɔn, he dɛ nyin n waa aa?” Waa nɔ ɡelɔ Seemɔn Pita bambile chɔɡ kohona kɛ waa bera bɔɔro toorotena ŋɔ, “He dɛ nyin n waa” la. Asɛ o ŋɔ, “N Dɔɔ, he jemɛ wobɛlbwa, he ɡbabir jemɔ kɛ n dɛ nyin he wa.” Anee Yeesu ŋɔ o be ŋɔ, “Dɛɛ dɛɛ n peera.

Amanesoma Jɔn Aa Chwera Tɔn 21:17 ပူးပေါင်းရင်းမြစ်များ

2 Samoɛl 7:20

Bɔkwaa men Devid dɔ dɛ́ bol he be jaɔ? Nemenɛ Korowii, he ɡbabir jemɛ men maa ɛ he bonɔɔ wa.

1 Koranar 17:18

Anee luhaah la ŋɔ Elaeja be ŋɔ, “Korowii keame, bɔkwa waa he ɛɛ mɛ ken? He balɔ dɛ́ ba lii mɛ n wechɔɡa maa ɛa wa dɛ́ kpo n bie kɛɛ?”

1 Webena 17:18

Bɔkwaa men Devid dɔ dɛ́ bol he be jaɔ? He ɡbabir jemɛ men maa ɛ he bonɔɔ wa.

1 Webena 29:17

N jemɔ kɛŋɔ bambile binii hɛɛ nyiŋi, he sie ɛɛ lɛ nɛra ba wa aa toɡra ta. Anɔ bwa, n ta n bambile dɛ kpɔ tɛɛ. N berɔ na silɛɛ he nɛra baa lɔ bonɔ ɡe aa dɔa, dɛ le ba bambile ta, dɛ kpɔ kwaa ba tɛɛ.

Yela 17:3

He jemɛ n bambile bini wa, he ba n be jwaana, dɛ nyiŋi n waa bini, dɛ pese mɛ kɛrɛdɛ, he ta wechɔɡa nae n nɛ, n ɛ n liire kɛ, wechɔɡa aa n nyoa le.

Jeremia 17:10

Men Korowii te, n dɛ nyiŋi nɛn liire bini, dɛ́ jemɛ anɔ la bwa aa lɔ o bambile ta. Dɛ́ che bɛlbwa we-ɛɛla ta tɛo, o kembɔr ɡɛ aa chɛo.”

Wiile 3:33

O sie aa lɛ kɛŋɔ ó kpɔ wenaale kɛɛ suna dii ba ta nɛn nɛ.

Matiu 25:40

Ásɛ n ŋɔ ba be ŋɔ, ‘Kasinteŋ, ɡɛ haa cha n nimanar baa ɛ nɛŋɡwɛɡra waa nɔ dɔŋa puu ba la, menee he cha la.’

Amanesoma Mak Aa Chwera Tɔn 14:72

Buɡ la ta, dɛ jabal nɛɛtena sio, asɛ Pita lii ɡɛ Yeesu aa ŋɔ o be ŋɔ, “Jabala ne sii kera anɛ dɛ he tɔɔh kera atoro bwa ŋɔ haa men jemɛ bwa” la. Waa lii a ɡɛ waa nɔ la, dɛ o dɛ wi.

Amanesoma Jɔn Aa Chwera Tɔn 12:8

He ne nyaara ɛɛ do lee saŋ bɛlbwa. Kɛ n te, maa he bee so ka tonɛ.”

Amanesoma Jɔn Aa Chwera Tɔn 13:38

Anee Yeesu berɛ bɔɔ ŋɔ, “Kpelaa kɛŋɔ hɛɛ won koh n waa sewaa? Kasinteŋ, n dɛ ŋɔ he be, jabal loɡle ne sii dɛ he tɔɔh kera atoro ŋɔ haa men jemɛ kwaraa.”

Amanesoma Jɔn Aa Chwera Tɔn 14:15

Yeesu berɔ ŋɔ, “He dɛ nyin n wa aa, hɛ́ɛ dɛɛ teŋɛ n waa maa kpɔa tɛ heyaa la taa.

Amanesoma Jɔn Aa Chwera Tɔn 15:10

He dɛ teŋɛ waa maa kpɔa tɛ heyaa la ta naa, haa he tenee laa kpɔ n nyina maa dɛ nyin heyaa la ta, kɛŋɔ maa teŋɛ waa n Mɛɛ aa kpɔa tɛ mɛ la ta maa wola n te laa kpɔ o nyina ta la.

Amanesoma Jɔn Aa Chwera Tɔn 16:30

Ya nao name kɛŋɔ he jemɛ wobɛlbwa aa lɔ nɛn nyu bini mɔɔ wɛɛ pɛɛre. A ta chɛ kɛŋɔ bɛlbwa pɛɛre waane kpa. A ɡelɔ ya yarada kɛŋɔ Korowii bee he le.”

Amanesoma Jɔn Aa Chwera Tɔn 18:27

Anee o tɔh ja ŋɔ, “Akai!” Buɡ la taa, jabal si.

Amanesoma Jɔn Aa Chwera Tɔn 18:4

Dɛ Yeesu jemɛ waa aa dɛ ba o nɛɛ chiɡa bwa, anomanta, o leɔ ka chem ba, asɛ dɛ bɔɔ ba ŋɔ, “Ume bɔree hɛɛ nyin ɔ?”

Amanesoma Jɔn Aa Chwera Tɔn 21:18

Kasinteŋ, n dɛ ŋɔ he be, he fa aa ɛ bonɔɔ la, he won kiriso vɔwa dɛ́ kaa bela bwa haa dɛ nyin. Kɛ dɛ he baa hwɛɛhraa, hɛɛ tɛr nɔɔraa ásɛ nomɛl vɔrɔwe dɛ́ kaa he ne bela haa wola nyin laŋa.”

Amanesoma Jɔn Aa Chwera Tɔn 4:16

Anee Yeesu ŋɔ o be ŋɔ ó ka yerɛ o jaa ba.

We-ɛɛla 1:24

dɛ soŋe Korowii ŋɔ, “Ya Dɔɔ, hen jemɛ nomɛlbwa nyu bini. Anomanta, baɡle yaa nɛra banɛ nɔ bini onɔ la haa dɛ nyin

We-ɛɛla 11:10

A ɡɛ waa nɔ ɛo kera atoro, asɛ kon la berɛ kaa nyundua kwaraa.

We-ɛɛla 15:8

Korowiirii jemɛ nomɛlbwa nyu bini, dɛ tɛɛ ba o Domadɛɛɡe ɡɛ waa tɛ yaa la, dɛ baɡle kɛ o nɛraa ba ɡe.

2 Kɔrent 1:12

Webeŋkpoŋii ɡela ya baŋa pa. Anee kɛŋɔ yaa wonoo ŋɔ bambile bwa ne kɛŋɔ wobɛlbwa yaa ɛa harɛ bonɔ la, tepoŋ ne bambile bwa nee ya ɛa Korowii ŋwɛnɛ ta, a laa kɛ waa yaa ɛa he be la. Korowiirii sune ya nɛɛ dɛ cha yaa ya ɛa. Harɛ bonɔ wejema ne laa ya ɛa.

Ɛfesos 4:30

He bɛ ɡel Korowii Domadɛɛɡe la tea bini chɔɡ. Korowiirii kpɔɔ do heyaa nso dɛ́ won jemɛ he banɔ la waa dɛ ba lɛɛ o lɛɛ tɔpere la.

Josua 22:22

“Ya dɛ soŋe Nemenɛ Korowii waa do kpeɡri, ásɛ o ɛ ya danseɛ, ásɛ Israel tena jemɛ kɛŋɔ saraha kon yaa mao tɛ ya te nɔ ɛ deŋnekpeɡ, kɛɛ dɛ vɛɛh ya vɛoh waa, ó bɛ yaa ɡel fini.

1 Pita 1:6

Anomanta, he dɔ silɛɛ kohona, kɛ he tea bini ɛɛ chɔɡoo tama te, dɛkalkɛŋɔ Bɔnsam ɛɛ daah heyaa daahna bwa soo siwii na.

2 Pita 3:1

N dandɛɛɡa, tɔn nɔɔ n tɔn nɛɛte maa chwerɛ heya. N tɔne anɛ nɔ bwa bini la, n dɛ lii heyaa ásɛ he do wɔrɔbe waa nɔ ta, dɛ́ dɔ tepoŋ.

Wepila 2:23

Mɛɛ kpoo o habɔteŋraa, ásɛ asɔre tena bwa jemɛ kɛŋɔ menee jemɛ nɛwɛnyini nyu bini ne ba weliira bwa. Mɛɛ bɔ he bɛlbwa kemee ɡɛ o we-ɛɛla aa doa.

Wepila 3:19

Nɛra maa dɛ nyin ba la, n dɛ ja ba, dɛɛ tɛr ba deŋne. Anomanta, hé swɛɛ siwi dɛ́ charɛ he liire le he wechɔɡa ta.