Amanesoma Jɔn Aa Chwera Tɔn 21:12 - mzwDBL

¹² Asɛ Yeesu ŋɔ, “Hé ba chɔɔ nyoa.” O habɔteŋra la bɛlbwa ta wone lɔ bambile dɛ pɛɛro o nɛnsoo, dɛkalkɛ dɛ ba jemɔ kɛŋɔ ba Dɔɔree.

Amanesoma Jɔn Aa Chwera Tɔn 21:12 ပူးပေါင်းရင်းမြစ်များ

We-ɛɛla 10:41

Korowii ta ɡelɛ o kpɔ o te chaɡle nomɛlbwa ka ja ya nɛra waa le yaa ŋɔ yá di o danseɛ nɔ nɛ. Ya ɡɛ nɛra nɔ ne o pɛ nɔn di kwaa o seo ta ira la habɔɔ.

Amanesoma Jɔn Aa Chwera Tɔn 16:19

Belaa Yeesu aa jema kɛŋɔ ba dɛ nyin ba bɔɔro ɡɛ wobol la mun la, o ŋɔ, “Amɔ maa ŋɔa ŋɔ a ka tama haa men na, ásɛ a berɔ ɛ tama ɡe aa, he na mɛ ja nɔ, a waa hɛɛ bɔɔ dɔŋa a mun nɔ naa?

Amanesoma Jɔn Aa Chwera Tɔn 21:15

Belaa baa di kwaa tonɛ la, o bɔɔ Seemɔn Pita ŋɔ, “Jɔn bie Seemɔn, he dɛ nyin mɛ dɛ ɡwaa banɔ nɔ naa?” Anee Pita ŋɔ, “Ɔɔh, n Dɔɔ, he jemɔ kɛŋɔ n dɛ nyin he wa.” Anee Yeesu berɛ ŋɔ, “Dɛɛ nyiŋi n pebiiri nɛ.”

Amanesoma Mak Aa Chwera Tɔn 9:32

Dɛ ba ta Yeesu waa waa bola la mun noɛ, kɛ dɛ ba dɛ ɔmɛ kɛŋɔ bá bɔɔro a mun.

Amanesoma Jɔn Aa Chwera Tɔn 4:27

Belaa Yeesu habɔteŋra la ba. Baa baa na o ne haah naa cheɡa dɛɛ bol waa la, a ɛɛ ba anebɛlbwa. Kɛ ba bɛlbwa ɡe ta berɛ won bɔɔ haah la kon la waa dɛ nyin Yeesu be. Bɛlbwa ta wone bɔɔ Yeesu waa aa bala o ne haah la ɛɛ bol waa la.

Amanesoma Luk Aa Chwera Tɔn 9:45

O habɔteŋra la ta waa la mun noɛ, dɛkalkɛŋɔ Korowii kpɔɔ sɔɔh ba. Dɛ ba ɡe dɛ ɔmɛ, anomanta, ba bɔɔro waa la mun kahonɛ.

Matiu 22:46

Nomɛlbwa ta wone chaŋe waa Yeesu aa pɛɛra la, anomanta, le awola tɔpere la dɛɛ kaa la, nomɛlbwa ta wone ba che o sie, dɛ pɛɛro waane kpa.

Amanesoma Jɔn Aa Chwera Tɔn 21:11

Belaa Seemɔn Pita ka jo ɡbera la bini dɛ tɛr asau la le baŋ, dɛ pɛŋejena su o bwa. A lɔ lafa fifraanue dɛ atoro, kɛ a ne a wara bwa, asau la bobɛlbwa ta kɛɛrɛ.