Amanesoma Jɔn Aa Chwera Tɔn 20:28 - mzwDBL

²⁸ Asɛ Tɔmas ŋɔ, “N Dɔɔ, n Korowii!”

Amanesoma Jɔn Aa Chwera Tɔn 20:28 ပူးပေါင်းရင်းမြစ်များ

Amanesoma Jɔn Aa Chwera Tɔn 1:1

Wobɛlbwa mumpar Korowii aa wola nyundua ne harɛ tae mɔɔ la, dɛ Korowii Nyoa Wobol la lole. Dɛ o ne Korowiirii lole, asɛ o ne o bwa ɛ beŋkpoŋ.

Aesaya 9:6

Ba lolɛ bie tɛ yaa, bibaalee. Onee dɛɛ ba harɛ nɔ bwa kooro ɛɛ, baa yerɔ Nyokponɛn, ne Nomondɛɛɡe Waa Won Nɛra Jae, ne Nemenɛ Korowii, ne Saŋ Te Bɛlbwa Mɛɛ, dɛ Deŋnesɔɔhna Kooro.

1 Timoti 3:16

Ŋwɛnɛ yaa kpɔ o ta dɛɛ tomɛ Korowii nɔ, tɔŋla toole kɛ wesɔɔhla aa lɔ o ta, asɛ Korowii ɡel ya jemɛ la ɛ wejena kohona. Waa yaa lawɛ a bini kpoŋe laanee, Korowii baa berɛ o te nɛwɛnyini. O Domadɛɛɡe la ɡelɔ nɛra bwa jemɛ kɛ o waa toɡrɔ. Nyundua toroma nao. Nɛra bol o waa baɡle harɛ nɔ ta nɛra baa lɔ bobɛlbwa. Ba no o waa harɛ nɔ ta dɛ yaradao, asɛ Korowii kpɔɔ kaa nyundua o ka dɔ jirima.

Matiu 14:33

Yeesu habɔteŋra baa lɔ ɡbera la bini la ɡuŋu dɛ ŋɔ, “Kasinteŋ, henee Korowii Bie la kpela.”

Aesaya 7:14

Korowii ɡbabir ɛɛ ɡeloo he na waane, á baɡle waa nɔ kasinteŋ. Hé no! Bitolo waa wola baa jemɛ bwa ɛɛ kpoŋe teaa dɛ́ lolɛ bibaa, ásɛ ba yerɔ Imanoɛl.

Amanesoma Jɔn Aa Chwera Tɔn 5:23

Dɛ ŋɔ nómɛlbwa tɛ o Bie la jirima ɡɛ tenten baa dɛ tɛo jirima la. Anomanta, nomɛlbwa waa wola o Bie la jirima tɛ la, dɛ ɡɛɛ waa wola o Mɛɛ la waa tomɔ la jirima tɛ.

Amanesoma Luk Aa Chwera Tɔn 24:52

Ba duuru dɛ berɛ kpɔ silɛɛ kaa Jerusalam,

Aesaya 25:9

A ba ɡɛ naa, baa boloo ŋɔ, “Kasinteŋ, Korowii yaa dɛ tomɔ laanee la. Korowii yaa hwɛɡɛ o nɛɛ laanee la, o lɛ yaa. Hé ɡel ya hɛɡre ya sie lɛ, lɛɛ waa lɛ yaa la wa.”

Amanesoma Jɔn Aa Chwera Tɔn 20:16

Anee Yeesu yerɔ ŋɔ, “Mɛɛre.” Asɛ o berɛ sie o be dɛ kpɔ Aram tena wobol ŋɔ, “Raboni!” O munii Nomoa, dɛ ka lawɔ kpoŋe.

Amanesoma Jɔn Aa Chwera Tɔn 20:31

Kɛ n chwerɛ anɔ ásɛ he che a ta dɛ́ yarada kɛŋɔ Yeesuu Kristo Korowii aa baɡɛ nyoa ŋɔ wɛɛ bao la, onee Korowii Bie la, ásɛ a che he yarada haa dɛ yaradao la ta he dɔ Korowii mkpa.

Malakae 3:1

Koranar Bwa Kooro bolɔ ŋɔ, “Hé no, mɛɛ tomɛ n toromee ó tɔ n sie dɛ́ kwaa ŋwɛnɛ tɛ mɛ ń ba. Ásɛ Dɔɔ haa dɛ nyiŋu ŋwɛnɛ la ba piɡri heyaa o Dea, onee hɛɛ nyiŋi ŋwɛnɛ ó ba dɛ́ ba baɡle fɔo la wa.”

Yela 45:6

He kora Korowii aa lea cheɡe, ɛɛ cheo saŋ bɛlbwa dɛɛ la, kasinteŋii hɛɛ ba kpɔe, dɛ́ nyiŋi he nɛra nɛ.

Yela 45:11

He wer ɡelɔ kooro bambile do he nɛ, dɛɛ duuru, dɛkalkɛ he dɔɔree on.

Amanesoma Jɔn Aa Chwera Tɔn 20:27

Asɛ dɛ ŋɔ Tɔmas be ŋɔ, “Kpɔ he nonii ba do n nɔɔra bɔɔne la ta, dɛ́ kpɔ he nɔn do n loŋi bɔɔ la ɡe ta, dɛɛ yarada mɛ, dɛ́ ɡel aahna aahna la haa dɛ ɛ la.”

Amanesoma Jɔn Aa Chwera Tɔn 20:29

Belaa Yeesu ŋɔ o be ŋɔ, “Haa na mɛ nɔ waa he yarada mɛ nɔ kɛɛ? Nɛra baa wola men nae dɛ yarada mɛ la, ba na som.”