Amanesoma Jɔn Aa Chwera Tɔn 20:21 - mzwDBL

²¹ Yeesu berɔ bol ja ŋɔ, “Kórowii tɛ heyaa bambisɔɔhna. Gɛ n Mɛɛ aa tom mɛ la, ɡɛɛ n ɡe ɛɛ tomɛ heya.”

Amanesoma Jɔn Aa Chwera Tɔn 20:21 ပူးပေါင်းရင်းမြစ်များ

Matiu 10:16

Yeesu berɔ ŋɔ, “Hɛ́ɛ no! N dɛ tomɛ heyaa kɛŋɔ peera hé ka koo he dɔma baa do kɛ ɡboli baah ta. Hé ɡel he sie pili hɛɛ do dɛɛɡɔ kɛ harɛkwa, ásɛ dɛ do pwɛre dɛ́ man kɛ borɔnomare.

Matiu 10:40

Nomɛlbwa waa nyiŋi he nɛɛ la, menee o nyiŋi la. Asɛ nomɛlbwa waa nyiŋi n nɛɛ la, naate waa tom mɛ laanee o nyiŋi la.

Amanesoma Luk Aa Chwera Tɔn 24:36

A ɡɛ saŋ nɛra banɛ la aa bol ɡɛ waa la dɛɛ baɡ ba la, buɡ la ta, dɛ Yeesu denɔ ba che ba baah ta dɛ ŋɔ, “Kórowii tɛ heyaa bosɔɔhna.”

Amanesoma Jɔn Aa Chwera Tɔn 13:20

Kasinteŋ, n dɛ ŋɔ he be, nomɛlbwa maa tomɔ ásɛ he lɛo la, dɛ menee he lɛ. Gɛɛ nomɛlbwa waa lɛɛ mɛ la ɡe, dɛ naate waa tom mɛ laanee o lɛ.”

Amanesoma Jɔn Aa Chwera Tɔn 14:27

Deŋnesɔɔhnaa n kpɔ dɛɛ tɛ heya, n ɡbabir deŋnesɔɔhnaa. Harɛ nɔ ta deŋnesɔɔhna laa, anomanta, he bɛ ɡel he bambile teŋe ásɛ hɛɛ ɔmɛ.

Amanesoma Jɔn Aa Chwera Tɔn 20:19

Awola Kwasiara la jwaana la, Yeesu habɔteŋra la cheme dea bɛl bini. Dɛ ba dɛ ɔmɛ Juu tena, anomanta, ba tɔɔɡe ɡbeni la dɛ laa karɛ ba nɛ. Belaa ba ŋɔ ba nyiŋi, dɛ Yeesu baa che ba baah dɛ ŋɔ, “Kórowii tɛ heyaa bosɔɔhna.”

Amanesoma Jɔn Aa Chwera Tɔn 20:22

Waa bol ɡɛ tonɛ la, o hweero ta ba nɛɛ dɛ ŋɔ, “Hé lɛ Korowii Domadɛɛɡe la.

Amanesoma Jɔn Aa Chwera Tɔn 20:26

A yawanyoa la, Yeesu habɔteŋra la berɔ ba cheme dea la bini ja, dɛ Tɔmas ja ba nɛ. Ba kaɡre dea la ɡbeni, kɛ Yeesu baa jo che ba baah, dɛ ŋɔ, “Kórowii tɛ heyaa bambisɔɔhna!”

Amanesoma Jɔn Aa Chwera Tɔn 3:17

Korowii aa tom mɛ harɛ la, o ta ŋɔe ŋɔ ń ba bol he waa dɛ́ pa heyaa bolchɔɡe. Kɛ o tom mɛ ŋɔ ń ba nyin ŋwɛnɛ tɛ heya, ásɛ o won lɛ heya.

We-ɛɛla 1:2

ka tel awola Korowii aa kpɔɔ kaa nyundua la. O cheɡɛ Korowii Domadɛɛɡe la kpeɡri ta dɛ baɡle baala la waa kpɔ ba ŋɔ bá ɛ o toroma la waa baa dɛ ba ɛɛ la, asɛ Korowii kpɔɔ kaa nyundua.

We-ɛɛla 1:8

Kɛ dɛ Korowii Domadɛɛɡe la baa so he nɛ aa, wɛɛ tɛ heyaa kpeɡrii ásɛ he di danseɛ tɛ mɛ Jerusalam fɔɡbaah, ne Juda harɛ kabora bwa ta, ne Samaria harɛ ta, ne harɛ jaɡa bwa.”

2 Timoti 2:2

Waa la nɛra aa chema warɛ asɛ n bol he be la, bola baɡle nɛra ba wa aa dɔ kasinteŋ dɛ jemɛ kɛ ba ɡe ɛɛ wonoo kpɔ bol baɡle nɛra bane ɡe la.

Hibru 3:1

Anomanta, n bala Korowii nɛra waa le ya ne he bwa tɛ o te, hé ta sie nyiŋi Yeesu na. Korowiirii tomɔ ŋɔ ó ba ɛ ya waa yaa dɛ yarada nɔ Sɔfonomoa.

3 Jɔn 1:14

N dɛ nyin kɛŋɔ n ba chɔɔre taraken bɔr, ásɛ ya sie ɡba dɔŋa ya bol wa.