Amanesoma Jɔn Aa Chwera Tɔn 20:13 - mzwDBL

¹³ Belaa nyundua toroma la bɔɔro ŋɔ, “N nya, bɔkwa waa hɛɛ wi ken nɔ?” Asɛ o ŋɔ, “Ba kpɔ n Dɔɔ kaa. Maa jemɛ bela baa kpɔɔ ka bil.”

Amanesoma Jɔn Aa Chwera Tɔn 20:13 ပူးပေါင်းရင်းမြစ်များ

Wejereme 3:4

Wii tɔpere lole, mama ɡe dɔ o tɔpere, suna dii tɔpere lole, silɛɛ ne hɛɡra ɡe dɔ a tɔpera,

Jeremia 31:16

Kenii Korowii ɛɛ bol, “Hé ɡel wii haa dɛ wi la, dɛ́ fee he siniire. Anɔ la haa ɛa tɛ he bii aa pɛɛ ɛɛ ba, hɛɛ dɔ a kembɔree, ba bwa ɛɛ berɔɔ le ba dɔma harɛ taa ba.

Amanesoma Luk Aa Chwera Tɔn 24:17

Belaa Yeesu bɔɔ ba ŋɔ, “Bɔkwa waa he valɛ dɛɛ ba dɛɛ bol dɔŋa be nɔɔ?” Asɛ ba jaɡɛ che sum ne surumm ken.

Amanesoma Jɔn Aa Chwera Tɔn 19:26

Yeesu aa na o nya ne o habɔteŋre waa dɛ nyinu kohona la kɛŋɔ baa cheɡɛ dɔŋa jwɛh, asɛ o ŋɔ o nya be ŋɔ, “N nya, he biee la,”

Amanesoma Jɔn Aa Chwera Tɔn 2:4

Anee Yeesu bɔɔ o nya ŋɔ, “N nya, aah ɛrɛ waa he berɛ dɛɛ nyiŋi n te siwi ta nɔɔ? Gɛ saŋ maa dɛ ba n toma ɛɛ la ta tele mɔɔ.”

Amanesoma Jɔn Aa Chwera Tɔn 20:15

Belaa Yeesu ŋɔ, “N nya, bɔkwa waa bala hɛɛ wi ken nɔ? Ume bɔree hɛɛ nyin ɔ?” Dɛ Mɛɛre dɛ lii kɛŋɔ nɛn waa dɛ nyiŋi bodɛɛɡe baa du daa bela laanee, anomanta, o chaŋo ŋɔ, “Nomoa, dɛ henee baa kpɔ n Dɔɔ kaa laa, hé ɡel n jemɛ bela haa kpɔɔ ka bil, ásɛ dɛ la ka kpɔɔ.”

Amanesoma Jɔn Aa Chwera Tɔn 20:2

Waa na ɡɛ la, o chwao la Seemɔn Pita ne o dɔŋ Yeesu aa dɛ nyinu kohona la be dɛ ka ŋɔ ba be ŋɔ, “Ba laa ya Dɔɔ kpɔ lalbɔɔ la bini, yaa jemɛ bela baa kpɔɔ bil.”

We-ɛɛla 21:13

Belaa o ŋɔ, “Ɛrɛɛ hɛɛ wi ken dɛɛ nyin kɛŋɔ he do mɛ bɔhwaah nɔɔ? Baa vɔɡ mɛɛ Jerusalamee yaa, n sɛh ɡɛ. Baa kpo mɛɛ ɡe kwaraa naa, n sɛh ɡɛ. Baa koh n Dɔɔ Yeesu waa dɛ ɛɛ mɛ anɔ bɛlbwa naa, n waane laa. N sɛh ɡɛ waa nɔ wubwa bambile bwa ne.”

1 Samoɛl 1:8

O jaa yon bɔɔro ŋɔ, “Ɛrɛɛ hɛɛ wiɔ? Bɔkwa waa he ŋɔ haa kwaa diɔ? Saŋ bɛlbwa he bambile yon chɔɡ kohona ɡɛ nɔ wer aa? N ne he soɡa nɔ ta ɡwaalɛ kɛ he fe aa lolɛ bibaala fi aa?”