Amanesoma Jɔn Aa Chwera Tɔn 20:1 - mzwDBL

¹ Tomun aa dɛ kpɔ Kwasiara waa ɛ tɔpeloɡle la, Mɛɛre waa le Maɡdala la la bela baa huɡe Yeesu la, dɛ ka na kɛŋɔ bwe baa kpɔa tɔ bɔɔ la nyoa la le o nyoa.

Amanesoma Jɔn Aa Chwera Tɔn 20:1 ပူးပေါင်းရင်းမြစ်များ

Matiu 27:56

Ba bini banee Mɛɛre waa le Maɡdala la, ne Jems ne Josef nya Mɛɛre, dɛ Sebedii bii la nya.

Matiu 27:60

dɛ kpɔɔ ka huɡe lalbɔɔ o ɡbaɡba aa forɛ bwe bɛl ta o do kɛŋɔ dea ken baa wola nomɛlbwa o bini huɡe mɔɔ la, dɛ ɡbili bwejen bɛl tɔ o nyoa, asɛ dɛ le bela kaa.

Matiu 27:64

Anomanta, do nɛra bá kaa daah lalbɔɔ la mɔɔ tɔpetooro wee la tel. A waa laa aa, o habɔteŋra la ɛɛ ka ŋwɛ lale laanee le bɔɔ la bini, dɛ́ ka teŋe nyosone baɡle nɛra bwa ŋɔ iraa ba Dɔɔ la ir. Dɛ ɡɛ laa aa, neɡra baa dɛ ba ŋwɛnɛ dɔe ka neɡre nɛra nɔ ɛɛ dɔ bɔree che ɡwaa ɡɛ baa tɔ sie neɡre nɛra la bwa.”

Matiu 27:66

Anee ba ka ɛ ɡɛ baa ɛ bwa nɛn bɛ won ka ŋwɛ lale la. Ba kaa maa lalbɔɔ la ne bwe la baa kpɔa tɔ o nyoa la bobɛl pɛ ɡɛ aa ɛ dɛ nomɛl ŋwɛo jo bɔɔ la bini naa, ba won jemɛ, asɛ dɛ berɛ kpɔ soojare so bela ŋɔ báa daah bela.

Matiu 28:1

Ona Tɔpere la aa ɡara, asɛ tɔɔ ɛɛ ba pera Kwasiara waa ɛ tɔpeloɡle la, Mɛɛre waa le Maɡdala la ne o dɔŋ Mɛɛre la iro ŋɔ ba dɛ la ka nyiŋi bela baa huɡe Yeesu la.

Matiu 28:2

Kerabeŋkpoŋ dɛ Korowii nyundua torome bɛl le nyundua tu harɛ, asɛ harɛ jiɡri kohona. O la bɔɔ la ta dɛ ka ɡbili bwejen la le o nyoa, dɛ so o ta.

Amanesoma Mak Aa Chwera Tɔn 15:46

Asɛ Josef yawɛ yapoŋ dɛ ka laa Yeesu kpɔ daɡaɡre la doa dɛ kpɔ yapoŋ la fɔrɔwo dɛ huɡo. Bwebɔɔ bɛl baa kwiu kɛŋɔ dea binii ba huɡo, dɛ ɡbili bwe tɔ bɔɔ la nyoa.

Amanesoma Mak Aa Chwera Tɔn 16:9

Kwasiara waa ɛ tɔpeloɡle tomun aa dɛ kpɔ Yeesu aa ir seo ta la, o tɔ sie kpɔ o te baɡle Mɛɛre waa le Maɡdala la. Yeesu fa doŋi kwaa aa dɛ ir nɛra nɛɛ anuanɛ le ɡɛ haah nɔ nɛ.

Amanesoma Jɔn Aa Chwera Tɔn 11:38

Belaa Yeesu loo ku, chal valɛ o bwara bini ja, asɛ ba la bela Lasorɔs aa chɔa la. O bɔɔ la, bwee ba komɛ dɛ ɡbili bwe tɔ o nyoa.

Amanesoma Jɔn Aa Chwera Tɔn 11:41

Ba laa bwe la ɡbili le bɔɔ la nyoa, asɛ Yeesu ha sie nyundua dɛ ŋɔ, “N Mɛɛ, n dɛ jaame kɛ haa dɛ no n wa.

Amanesoma Jɔn Aa Chwera Tɔn 19:25

Dɛ Yeesu nya ne Yeesu nyajen ne Klopas haah Mɛɛre ne Mɛɛre waa le Maɡdala la cheɡɛ Yeesu daɡaɡre la jwɛɛh bela.

Amanesoma Jɔn Aa Chwera Tɔn 20:26

A yawanyoa la, Yeesu habɔteŋra la berɔ ba cheme dea la bini ja, dɛ Tɔmas ja ba nɛ. Ba kaɡre dea la ɡbeni, kɛ Yeesu baa jo che ba baah, dɛ ŋɔ, “Kórowii tɛ heyaa bambisɔɔhna!”

We-ɛɛla 20:7

Memene wee jɔmɔra ne la, ya asɔre tena la chemo dɛ di kondikwaa ya Dɔɔ aa kpɔa ja yaa ŋɔ yá kpɔ dɛɛ lii o waa la, asɛ Pɔɔl bol Korowii Waa dɛɛ baɡle yaa. Dɛ o fe dɛ nyin kɛŋɔ tɔɔ peraa ó kaa, anomanta, o bol waa ka tel harambaŋa.

1 Kɔrent 16:2

Kwasiara bɛlbwa, hé bini bɛlbwa ɛɛ kpɔ suuɡa, ɡɛ bɛlbwa waa wona dɛ le anɔ la Korowii aa chao o dɔ la ta, dɛ́ kpɔ cheɡ. Hɛ́ɛ ɛ ɡɛ, ásɛ n balaa, he bɛ suuɡa dɛɛ ta kpa.

Wepila 1:10

Awola bɛl, ya Dɔɔ Tɔpere ta, Korowii Domadɛɛɡe ir n nɛ, n no takpeɡ bɛl n habɔɔ kɛŋɔ bɛla aa dɛ si ken.