Amanesoma Jɔn Aa Chwera Tɔn 19:40 - mzwDBL

⁴⁰ Ba nɛra banɛ la kpɔ Yeesu lale la, dɛ kpɔ konsɔɔhsoma la fɔɡlo, dɛ kpɔ yapoŋ vɔrɔwo, ɡɛ Juu tena aa dɛ ɛ ba lala dɛɛ huɡ ba la.

Amanesoma Jɔn Aa Chwera Tɔn 19:40 ပူးပေါင်းရင်းမြစ်များ

Mumpar 50:2

Josef ɡelɔ ba kpɔ tɛɛɡa ka fɔɡle o mɛɛ bwara o bɛ pɔh warane.

2 Webena 16:14

asɛ ba huɡo Kooro Devid Bwɛjen Jerusalam, bwe bɛl waa komɔ kɛŋɔ dea o ɛ o ɡbaɡba huɡribɔr bini. Ba kpɔ konsɔɔhsoma ne nosɔɔhsoma fɔɡlo dɛ huɡo. Nɛra warɔ cheme dɛ mar nijena a fuh, a baɡle jirima baa kpɔa dɛɛ tɛo o seo la wa.

Matiu 26:12

Haah nɔ nosɔɔhsoma nɔ waa fuɡa do n nyu ta nɔ, n seo waa o ɛ ɡɛ la.

Amanesoma Mak Aa Chwera Tɔn 14:8

Anla waa won ɛ laanee o ɛ la. N huɡa laalee o pu sie dɛɛ kpɔ dɛ fuɡe nosɔɔhsoma dɛɛ ta n nɛɛ la.

Amanesoma Luk Aa Chwera Tɔn 24:12

Belaa Pita te kpɔ chwae dɛ la bwebɔɔ la ta, dɛ ka boŋɛ dɛ haah o bini dɛ na yapoŋ baa kpɔa baaɡe lale la ɡbo chɔe. Dɛ kpɔ nyokpoa kaa dem.

Amanesoma Jɔn Aa Chwera Tɔn 11:44

Asɛ o ir dɛ le bɔɔ la bini. Dɛ yal baa kpɔa vɔrɔwe o nakpale ne o nɔɔra la ta vɔwɔ ɡɛ, asɛ botire ɡe vɔwɛ o nyu. Anee Yeesu ŋɔ ba be ŋɔ, “Hé pur laala la bwa ásɛ o kaa.”

Amanesoma Jɔn Aa Chwera Tɔn 12:7

Asɛ Yeesu ŋɔ, “Hé ɡelo jeiih ken. Noo o kpɔ dɛɛ huɡ mɛ.

We-ɛɛla 5:6

Belaa bonɔɔna bane ir dɛ ba vɔrɔwo, dɛ cheo le buse, dɛ ka huɡo.