Amanesoma Jɔn Aa Chwera Tɔn 19:4 - mzwDBL

⁴ Baa ɛo ɡɛ la, Paelet le buse ja dɛ ba ŋɔ Juu tena la be ŋɔ, “Hɛ́ɛ no bonɔ, mɛɛ le o ne busee tɛ heya, ásɛ he jemɛ kɛ n ta wobɛlbwa o nɛɛ nae dɛ́ che a ta dɛ́ pao bolchɔɡe.”

Amanesoma Jɔn Aa Chwera Tɔn 19:4 ပူးပေါင်းရင်းမြစ်များ

Matiu 27:19

Nomoa Paelet aa soɡe o kara ta dɛɛ bol waa la, o haah tomɛ nɛn o be ŋɔ, “Nyiŋi kɛrɛdɛ dɛ bɛ baa la wobɛlbwa ɛ. Nɛndɛɛɡe tentenee. Gɛ maa dee o waa fini nɔ la, a we n nɛɛ taeh.”

Matiu 27:24

Nomoa Paelet aa naa kɛ dɛ o ŋɔ o saɡɛ waa la ta naa, waa aa ba la aa wer doe ba la, o ɛ nee dɛ samɛ o nɔɔra nɛnlaa la bwa sie dɛ ŋɔ, “N laa dɛɛ do heyaa ŋɔ hé kpo nɛndɛɛɡe nɔ. He ɡbaɡbaa dɛɛ ɛ he wa!”

Matiu 27:4

“N ɛ wechɔɡa kɛ maa le nɛn waa wola wechɔɡa bɛlbwa ɛɛ tɛ heyaa ŋɔ hé ka kpoo nɔ.” Anee nɛra la ŋɔ, “Ya te waane laa, a bwa do kɛ hen.”

Matiu 27:54

Sooja nomoa ne o soojare baa dɛ daah Yeesu la aa na ɡɛ harɛ aa jiɡra ne waa aa chiɡa la, ba ɔmɔ, asɛ ba ŋɔ, “Korowii Biee baa nɔ kpela!”

Amanesoma Luk Aa Chwera Tɔn 23:4

Asɛ Paelet ŋɔ Sɔfonomonome ne nɛnlaa baa cheme o sie la be ŋɔ, “N ta wechɔɡa baa nɔ aa ɛa nae.”

Amanesoma Luk Aa Chwera Tɔn 23:41

O te kwara wechɔɡa bɛlbwa toole o nɛ. Kɛ ya te, waa yaa ɛa la, kenii a chɛ kɛ ya na.”

Amanesoma Luk Aa Chwera Tɔn 23:47

Sooja nomoa waa lɔ bela dɛ na waa aa chiɡa la, o ŋɔ, “Kpelaa, wechɔɡa toole baa nɔ nɛ,” dɛ kpɛɛ Korowii.

Amanesoma Jɔn Aa Chwera Tɔn 18:33

Asɛ Paelet berɛ jo o koodem bela, dɛ yerɛ Yeesu ba o be, dɛ bɔɔro ŋɔ, “Henee Juu tena kooro ɛ?”

Amanesoma Jɔn Aa Chwera Tɔn 18:38

Anee Paelet ŋɔ, “Bɔkwa ɡee kasinteŋ nɔɔ?” Waa bol ɡɛ la, o berɔ le dɛ ka ŋɔ Juu tena la be ŋɔ, “N ta waa maa che a ta pao bolchɔɡe nae,

Amanesoma Jɔn Aa Chwera Tɔn 19:6

Sɔfonomonome ne nɛra baa dɛ daah Korowii Dea la aa nao la, ba kpɔ takpeɡ ŋɔ, “Gel ba kpoo! Gel ba kpaaro pɛl daɡaɡre ta!” Anee Paelet chaŋ ba ŋɔ, “Hé ɡbaɡba ba kpɔɔ ka kpaa pɛl daɡaɡre ta. N te ta wobɛlbwa o nɛɛ nae dɛ́ che a ta dɛ́ ɡel ba kpoo.”

2 Kɔrent 5:21

Dɛ wechɔɡa bɛlbwa toole Yeesu Kristo nɛ, kɛ ya kɛrɛdɛ nomanta, Korowii ɡelɔ o lɛ ya wechɔɡa che, ásɛ dɛ ya ne o pɛo waa, ya waa won su Korowii siwi ó lɛ yaa kɛ nɛndɛɛɡaa yan.

Hibru 7:26

Maɡraa a den maɡre kɛŋɔ yaa dɔ Sɔfonomoa waa do kɛ Yeesu dɛɛ cha yaa. Doŋa bɛlbwa toole o nɛ, o tea too, o ne wechɔɡ-ɛɛra ta pɛɛ. Korowii tɛo nomonome dɛ keeru kaa o be nyundujaɡla.

1 Pita 1:19

Yeesu Kristo waa do kɛ saraha pebie doŋa bɛlbwa aa wola toole o nɛ, waa wola kirihiah bobɛlbwa dii la, o ɡbaɡba chal nee Korowii yawɛ heya.

1 Pita 2:22

“O ta wechɔɡa ɛɛ bwa. Nyosonwaa ta o nyoa leɛ bwa.”

1 Pita 3:18

Yeesu Kristo ɡbaɡba sewɔ tɛ heyaa dɛ bɔ wechɔɡa kem. Kerabeŋkpoŋii o sewɛ, waa wola berɛ sewɛ kpa. O ta wechɔɡa ɛɛ bwa, kɛ o sewɔ tɛ wechɔɡ-ɛɛra. Gɛ waa ɛ ya ne Korowii pɛ waa o ɛ ɡɛ. Baa kpoo la, o bwadabii sewa, kɛ o lileo te dɔ mkpafale.

1 Jɔn 3:5

He jemɔ kɛŋɔ Yeesu Kristo ba harɛ nɔ ta, ásɛ dɛ ba laa wechɔɡa kpɔ, dɛ́ tɔ a ŋwɛnɛ. O te, dɛ wechɔɡa toole o nɛ.