Amanesoma Jɔn Aa Chwera Tɔn 19:30 - mzwDBL

³⁰ Yeesu aa nyɔa tonɛ la, o ŋɔ, “A tonɔ,” asɛ dɛ ɡure o nyu dɛ ɡel o doma le, o sewɛ.

Amanesoma Jɔn Aa Chwera Tɔn 19:30 ပူးပေါင်းရင်းမြစ်များ

Mumpar 3:15

Mɛɛ kpɔ danchɔɡee ta he ne haah la baah ta, ásɛ he naanar ne o naanar hah dɔŋa dɛɛ la. Saŋ bɛlbwa waa nae la, wɛɛ paɡre he nyuu, ásɛ he ɡe choɡe o nalume.”

Yela 22:15

N ta bokpeɡa dɔe kɛŋɔ kaŋli ken, n nyondoŋe marɛ n nyoa, hé ɡel mɛ ń sewɛ ka chɔ lalabwɛ.

Aesaya 53:10

Korowii ŋɔ, “Men Korowii tetooraa ba doo bol, o na wahala. O seo la ɛ bolchɔɡe dii saraha, dɛ kpɔ nɛra wechɔɡa baa ɛa dɛɛ kɛ ba. Waa wona ɛ ɡɛ la, wɛɛ dɔ mkpajaŋee dɛ́ na o naanar, ásɛ a che o nɛɛ waa men Korowii aa maɡla bil la ɛ kɛrɛdɛ.

Aesaya 53:12

Anɔ waa mɛɛ ba on nomombɔr tɛɛ, dɛ́ tɛo kpeɡri, dɛkalkɛŋɔ o kpɔ o te tɛ ba kpoo, ba kuro ja wechɔɡ-ɛɛra nɛ. O kpɔ o te ɛ saraha, dɛ lɛ nɛndamanta bwa wechɔɡa che, dɛ soŋe ba wechɔɡa men Korowii be tɛɛ ba.”

Daneɛl 9:24

Korowii do bene fifraanuanɛ bele anuanɛ cheɡ kɛŋɔ he nɛra ne bwɛjen Jerusalam ɡel wechɔɡa ɛɛ. Baa kpɔ wechɔɡa bɛlbwaa kɛ, ásɛ waa aa toɡra do le saŋ bɛlbwa dɛɛ la. Gɛ aa ɛ ásɛ wepila ne Korowii waa aa dɛ ba bala ɛ kpela, ásɛ ba berɛ kpɔ Korowii Dea la do o nɔn ta.

Daneɛl 9:26

A ɡɛ bene la bwa habɔɔ la, baa kpo nomoa Korowii aa leo cheɡ laanee chɔɡre ŋwɛnɛ taa, ásɛ baa o wobɛlbwa waa lii kpa. Ásɛ kooro waa kpeɡa kpɔ o laa tena ba yo, dɛ́ chɔɡ bwɛjen la ne Korowii Dea la ɡe. Waa bwa jaɡa saŋ la ɛɛ bao kɛŋɔ nee yon su wɔrɔbe nɛɛ dɛ chɔɡ kwaa la ken, dɛ́ kpɔ laa ba chɔɡ waa Korowii aa ŋɔa aa ɛo la.

Sekaria 13:7

Koranar Bwa Kooro ŋɔ, “Mɛɛ ir n keree dɛ́ kpo n peteɡre waa dɛ tom mɛ la. Kpo peteɡre la ásɛ peera la lɔ peɡre ń dɔ bɔr kpoo a bii la.”

Matiu 20:28

Dɛ ŋɔ, “Men Nɛn Bie ta balɛ kɛ nɛ́ra tom mɛ. N te balɔ dɛ́ ba tomɛ nɛra, dɛ́ ɡarɛ kpɔ n nyu charɛ nɛndamanta mkpa.”

Matiu 27:50

Belaa Yeesu berɛ do lɔŋɔ kohona, asɛ dɛ ɡel o doma kaa, o den sewɛ.

Matiu 3:15

Anee Yeesu ŋɔ, “Taraken nɔ te, sɔ mɛ. He sɔ mɛ naa, ɡɛɛ yaa ba wona ɛ wedɛɛɡa aa dɛ su Korowii siwi la bwa.” Asɛ mɔɔ Jɔn sɛh dɛ sɔɔ nee la.

Amanesoma Mak Aa Chwera Tɔn 15:37

Belaa Yeesu do lɔŋɔ kohona, asɛ o doma le o sewɛ.

Amanesoma Luk Aa Chwera Tɔn 22:37

Ba chwerɛ Korowii Tɔn bini ŋɔ, ‘Ba kuro ja wechɔɡ-ɛɛra nɛ.’ N waa baa chwera la bwa dɛ ba chiɡa taraken.”

Amanesoma Luk Aa Chwera Tɔn 23:46

Yeesu kpɔ takpeɡ do lɔŋɔ dɛ ŋɔ, “N Mɛɛ, he nɔn taa n lileo do!” Waa bol ɡɛ tonɛ la, o doma le, o sewɛ.

Amanesoma Jɔn Aa Chwera Tɔn 10:11

Menee Peteɡredɛɛɡe la. Dɛ seo kwaraa yaa, mɛɛ kpɔ n nyuu charɛ n peera.

Amanesoma Jɔn Aa Chwera Tɔn 10:18

Lao seo laa mɛɛ ba sewa nɔ. N tetoosewee mɛɛ ba sewa. N dɔ kpeɡri kɛ ń kpɔ n te tɛ dɛ́ sewɛ, dɛ́ berɛ dɔ kpeɡri kɛŋɔ ń ir seo ta. Gɛɛ n Mɛɛ ŋɔ ń ba ɛ.”

Amanesoma Jɔn Aa Chwera Tɔn 17:4

N tɛɛ jirima harɛ nɔ ta kɛŋɔ maa tonɛ toma haa kpɔa do n nɔn ta ŋɔ ń ɛ la bwa.

Amanesoma Jɔn Aa Chwera Tɔn 19:28

A habɔɔ Yeesu aa naa kɛŋɔ o wobɛlbwa tonɔ la, o ŋɔ, “Nyɔɡre dɛ kpo mɛ,” ásɛ waa aa lɔ Korowii Tɔn bini la ɛ kpela.

Amanesoma Jɔn Aa Chwera Tɔn 4:34

Belaa Yeesu ŋɔ, “N kondikwaa kɛ maa dɛ ɛ n Mɛɛ waa tom mɛ la tetoora, ne kɛ maa ɛ o toma waa tɛ mɛ la bwa tonɛ.

Tɔn Pɔɔl Aa Chwerɛ Rom Tena 10:4

Yeesu Kristo bala la teŋe Mosis Mmara ta teŋa ta kɛŋɔ a taa nɛn che Korowii lɛo kɛ nɛndɛɛɡe o waa su o siwi la. Taraken nomɛlbwa waa yarada Yeesu Kristo waa la, Korowii ɛɛ lɛo kɛ nɛndɛɛɡee ásɛ o waa su o siwi.

Tɔn Pɔɔl Aa Chwerɛ Rom Tena 3:25

Korowiirii le Yeesu Kristo ŋɔ ó ba fuɡe o chal ta, dɛ́ soŋe ya wechɔɡa, ásɛ o bandia le nɛra baa yarada Yeesu Kristo seo waa la nɛ. Korowiirii fa saahna ɛ ɡɛ dɛ́ baɡle kɛ o waa toɡrɔ, dɛkalkɛŋɔ a saŋ la, nɛra aa dɛ ɛ wechɔɡa la, o laa sie kpɔ ba be. A fe chɛ kɛ ó tɛr nɛwɛnyini deŋne, kɛ o lawɛ bambile.

1 Kɔrent 5:7

Anomanta, hé laa ɡɛ wechɔɡ-ɛɛ la kpɔ he bini, ásɛ o wechɔɡa aa do kɛŋɔ iisi la bɛ heyaa bu, ásɛ he do wer kɛŋɔ paanoo baa wola iisi a ta doe, dɛ di Galekaa Tɔpejen la. He do ɡɛ kpela. Yeesu Kristo koh ya waa dɛ sewɛ kɛŋɔ baa kpo peebie Galekaa tɔpere ta la.

Felepae 2:8

Waa baa ɛ nɛwɛnyini la, o pwɛr o te dɛɛ no o Mɛɛ Korowii nyoa wobol, dɛ ɡel ba kpoo. Hale daɡaɡre ta kwaraa ba kpoo.

Hibru 12:2

Yáa nyiŋi Yeesu waa ɛ ya Korowii yaradae bwa nyu te, dɛ ɛ a mumpar ne a jaɡa la. On koh bosɔɔhna waa ba dɔ waa asɛ ba ɛo hɔhɔrɔwa daɡaɡre ta la. O ta sihiih waa koɛh dɛ vɛh. Taraken o soɡe nomombɔr Korowii diɡ ta.

Hibru 9:22

Mmara la ta la, chal nee baa fee doŋa waa ne kwaa kɛrɛdɛ ta. Dɛ chal ta fuɡaa, Korowii aa wechɔɡa kpɔe dɛɛ kɛ.