Amanesoma Jɔn Aa Chwera Tɔn 18:4 - mzwDBL

⁴ Dɛ Yeesu jemɛ waa aa dɛ ba o nɛɛ chiɡa bwa, anomanta, o leɔ ka chem ba, asɛ dɛ bɔɔ ba ŋɔ, “Ume bɔree hɛɛ nyin ɔ?”

Amanesoma Jɔn Aa Chwera Tɔn 18:4 ပူးပေါင်းရင်းမြစ်များ

1 Koranar 18:10

N ŋwɛɛ Korowii haa dɛ tomɔ o do le nɔ kɛŋɔ, kooro ɡelɔ ba ka ɡaaɡe he bɔr harɛre bwa ta. Bobɛlbwa toole baa wola he bɔr ɡaaɡɛ. Bobɛlbwa nomoa ŋɔ o ta hen nae o harɛ ta naa, Kooro Ahab yon ɡel o ŋwɛɛ ntam kɛŋɔ o ta hen nae.

Nehemia 6:11

Anee n chaŋe ŋɔ, “N do ken dɛ́ chwa aa? Nɛn waa do kɛ men koh n nyu lɛɛ waa dɛ́ chwa ka sɔh Korowii Dea aa? Akai, maa la!”

Yela 27:3

Dɛ laa tena bar mɛ cheme aa, n bambile aa teŋe. Hale n dɔma ba dɛ yoo mɛ kwaraa naa, hen Korowii nɛɛ n hwɛɡa ta do.

Yela 3:6

N dɔma warɔ ɡɛ bɛlbwa kwaraa naa, maa ɔmɛ.

Sɛɡla 28:1

Nɛnchɔɡe dɛ chwa dɛ nomɛl aa on doŋi, kɛ nɛn o wa aa toɡra baah suu kɛŋɔ nyujente ken.

Matiu 16:21

Le ɡɛ saŋ la, Yeesu bol waa chasee ken dɛɛ baɡle o habɔteŋra la, dɛ ŋɔ, “A chɛ kɛŋɔ ń kaa Jerusalam, dɛ́ ka na wahala bela nomonome ne Sɔfonomonome ne Tɔnjerema nɔn ta, ásɛ ba kpo mɛ, ásɛ a tɔpetooro wee la, ń ir seo ta.”

Matiu 26:2

“Gɛ haa jema la, kerele ɡbosoroo baa di Galekaa Tɔpejen kondikwaa la. A taa baa ba Men Nɛn Bie lee tɛ nɛra bá kpaa mɛ pɛl daɡaɡre ta, dɛ́ kpo mɛ.”

Matiu 26:21

Baa dɛ di kwaa la, Yeesu ŋɔ ba be ŋɔ, “Kasinteŋ, he bini bɛlee dɛɛ ba n lee tɛ bá kpo mɛ.”

Matiu 26:31

Yeesu ŋɔ ba be ŋɔ, “Jwaana nɔ ne he bwa ɛɛ chwao kaa ɡel mɛ, ɡɛ baa chwera Korowii Tɔn bini ŋɔ, ‘Korowii ɛɛ kpo peteɡre laanee, ásɛ peera la bwa lɔ peɡre’ la.

Amanesoma Luk Aa Chwera Tɔn 24:44

Ate, dɛ ŋɔ ba be ŋɔ, “Anɔ waa ɡɛ saŋ n ne haa lole la, n yon dɛɛ bol he be ŋɔ a chɛ kɛ n bwara wobɛlbwa baa chwera Mosis Mmara la bini ne Korowii keamere tɔne la bini ne Korowii Kpɛɛra Tɔn bini la ɛ kpela la.”

Amanesoma Jɔn Aa Chwera Tɔn 13:1

Aa ka tama ba di Galekaa Tɔpejen la, dɛ Yeesu jemɔ kɛŋɔ tɔpere telo kɛ ó le harɛ nɔ ta dɛ́ berɛ kaa o Mɛɛ be. Dɛ o dɛ nyin o nɛra baa teŋɛ o nɛɛ harɛ nɔ ta la kɛrɛdɛ dɛ ka tonɛ.

Amanesoma Jɔn Aa Chwera Tɔn 13:11

Dɛ Yeesu te jemɛ naate waa dɛ nyin ó leo tɛ. A waa o tɔ sie ŋɔ doŋa toole ba bɛlbwa nɛ, nemenɛ ba bini beŋkpoŋ la.

Amanesoma Jɔn Aa Chwera Tɔn 18:5

Anee ba ŋɔ, “Yeesu waa le Nasarɛt la bɔree yaa nyin.” Belaa Yeesu ŋɔ, “Menee nɔ!” Dɛ Judas waa le Yeesu tɛ la ja soojare la ne nɛra la nɛɛ ba che bela.

Amanesoma Jɔn Aa Chwera Tɔn 18:7

Belaa o berɛ kwaa pɛɛ ba ŋɔ, “Ume bɔree hɛɛ nyin ɔ?” Asɛ ba ŋɔ, “Yeesu waa le Nasarɛt la.”

Amanesoma Jɔn Aa Chwera Tɔn 19:28

A habɔɔ Yeesu aa naa kɛŋɔ o wobɛlbwa tonɔ la, o ŋɔ, “Nyɔɡre dɛ kpo mɛ,” ásɛ waa aa lɔ Korowii Tɔn bini la ɛ kpela.

Amanesoma Jɔn Aa Chwera Tɔn 6:64

Kɛ he bini bane ta yaradae.” Mumpar la bwa dɛ Yeesu te jemɛ ba bini banɔ la baa wola yaradae dɛ kpɔ ba te tɛo, ne naate waa leo tɛ bá kpoo la.

We-ɛɛla 2:28

He baɡ mɛ ŋwɛnɛ maa kpɔ dɛ́ dɔ mkpa saŋ bɛlbwa maa na he siwi la, n bwara ɛɛ sɔɔh mɛɛ.’

1 Pita 4:1

Yeesu Kristo aa baa ɛ nɛwɛnyini la, o na bonyɛɡa. Anomanta, a chɛ kɛ he kpɔ he te, dɛ́ jemɛ kɛ ɡɛɛ he ɡe bwara ɛɛ ba nyɛɡa. Nomɛlbwa waa wona lawɛ bambile dɛ na bonyɛɡa ka la, waa wechɔɡa ɛ.