Amanesoma Jɔn Aa Chwera Tɔn 18:37 - mzwDBL

³⁷ Yeesu aa ŋɔ ɡɛ la, anee Paelet bɔɔro ŋɔ, “Amɔ kooroo hen kpela kenɛ?” Asɛ o chaŋo ŋɔ, “Henee ŋɔa kooroo men. Kasinteŋ bola waa ba lol mɛ. A waa n ba harɛ nɔ ta dɛ ba bol kasinteŋ la nɛra bwa be. Nomɛlbwa waa dɛ nyin kasinteŋ la, on dɛɛ no n be.”

Amanesoma Jɔn Aa Chwera Tɔn 18:37 ပူးပေါင်းရင်းမြစ်များ

Amanesoma Jɔn Aa Chwera Tɔn 8:47

Nomɛlbwa waa ɛ Korowii bie la dɛ no o wa. Haa wola o bii ɛɛ la waa haa wola o waa nyin dɛ́ no la.”

1 Jɔn 4:6

Ya te ɛ Korowii bii. Nomɛlbwa waa jemɛ Korowii la dɛ no ya wa. Nomɛlbwa waa wola Korowii jemɛ la aa ya waa no. Anɔ taa yaa ba cheɡa dɛ́ jemɛ banɔ la baa dɔ kasinteŋ Doma waa ɛ Korowii kon ne banɔ la baa dɔ nyosone kon la.

Amanesoma Jɔn Aa Chwera Tɔn 8:14

Anee o ŋɔ, “Akai. A lole kɛ n dɛ di n ɡbaɡba danseɛ te, kɛ kasinteŋii mɛɛ bol, dɛkalkɛ n jemɛ bela maa lea ne bela maa dɛ kaa. Haa n leebɔr ne n kaabɔr jemɛ.

1 Jɔn 3:19

Anɔ taa yaa ba wona jemɛ kɛŋɔ ya cheɡɔ tɛ kasinteŋ la. Anɔ taa yaa ba bambisɔɔhna dɔe Korowii sie.

Amanesoma Jɔn Aa Chwera Tɔn 14:6

Belaa o chaŋo ŋɔ, “Menee ŋwɛnɛ, menee kasinteŋ, menee mkpa. Dɛ nomɛlbwa ɛɛ la n Mɛɛ la bee yaa, nemenɛ ó che n nɛ.

Aesaya 55:4

Menee ɛo harɛre nɛra sitɔɔ ne nomoa, ásɛ a che o nɛɛ ń baɡle n kpeɡri.

Amanesoma Jɔn Aa Chwera Tɔn 7:17

Dɛ nomɛlbwa sɛoh kɛ wɛɛ ɛ Korowii tetoowaa te naa, wɛɛ won jemɛ kɛŋɔ kasinteŋ waa aa le Korowii bee mɛɛ bol la. N ɡbaɡba webaɡla laa.

1 Pita 1:22

Taraken nɔ haa sɛh kasinteŋ la ta teŋa, asɛ a che a ta he doŋa le he nɛɛ hɛɛ nyin dɔŋa kɛrɛdɛ nɔ, hé den dɛɛ nyin dɔŋa kohona bambile bwa ne,

1 Timoti 6:13

Korowii waa tɛ komɛlbwa mkpa la, ne ya Dɔɔ Yeesu Kristo la waa wona dɛ che Pɔnteɔs Paelet sie dɛ bol kasinteŋ la sɔn taa n che dɛɛ jae

Amanesoma Luk Aa Chwera Tɔn 23:3

Anee Paelet bɔɔ Yeesu ŋɔ, “Henee Juu tena kooro ɛ?” O ŋɔ, “Anee he bol la.”

Amanesoma Mak Aa Chwera Tɔn 15:2

Belaa Paelet bɔɔro ŋɔ, “Henee Juu tena kooro ɛ?” Asɛ Yeesu ŋɔ, “Anee he bol la.”

1 Jɔn 5:20

Ya jemɔ kɛŋɔ Korowii Bie la balɔ, dɛ ba tɛ yaa liire yá kpɔ jemɛ Korowii tenten la. Korowii tenten la lawɛ yaa pɛl o nɛ, dɛkalkɛŋɔ o kpɔ ya te pɛl o Bie Yeesu Kristo la nɛ. O ɛ Korowii tenten, dɛ dɔ mkpa aa wola jaɡa dɔe bwa.

Amanesoma Jɔn Aa Chwera Tɔn 3:32

Waa o siwi aa naa ne waa waa noa Korowii be laanee wɛɛ bol, kɛ nɛwɛnyini aa o be no.

Matiu 26:64

Anee Yeesu chaŋo ŋɔ, “Anee he bol la. Kɛ n berɔ dɛɛ ŋɔ he bwa be ŋɔ, tɔpebɛl hɛɛ ba na Men Nɛn Bie laanee kɛŋɔ maa soɡe Korowii Waa Ɛ Kpeɡnɛn la diɡ ta, ásɛ dɛ na ɡɛ n ne baama aa le nyundua dɛɛ ba!”

Matiu 27:11

Dɛ Yeesu ɡe cheɡɛ nomoa Paelet sie. Asɛ Paelet bɔɔro ŋɔ, “Henee Juu tena kooro ɛ?” Asɛ Yeesu ŋɔ, “Anee he bol la.”

Wepila 3:14

Tɔn nɔ dɛ kaa nyundua torome waa cheɡa tɛ asɔre tena baa lɔ Laodisia la be. “Kenii men maa ɛ Aamen, dɛ che tɛ Korowii, n waa dɔ kasinteŋ, Korowii che n nɛɛ ta komɛlbwa la ŋɔ,

Wepila 1:4

Men Jɔnee chwerɛ waa nɔ dɛɛ tɛ asɔrere bele anuanɛ aa lɔ Eesia harɛ ta la. Korowii waa lole saŋ la dɛ ba le fini, dɛɛ ba le doe saŋ bɛlbwa la, o ne o Domare anuanɛ aa lɔ o kookara mun la,

1 Jɔn 3:14

Ya jemɔ kɛŋɔ ya le seo nɔn ta dɛ ba dɔ mkpa, dɛkalkɛ ya dɛ nyin dɔŋa. Nomɛlbwa waa wola o dɔŋ nyin la ta lɔ seo nɔn ta.

Amanesoma Luk Aa Chwera Tɔn 22:70

Asɛ ba bwa ŋɔ, “Amɔ he ɛ Korowii Bie kɛɛ?” Anee Yeesu ŋɔ, “Anee he bol la.”

Amanesoma Mak Aa Chwera Tɔn 14:62

Asɛ Yeesu ŋɔ, “Menee, hɛɛ ba na Men Nɛn Bie laanee kɛŋɔ maa soɡe Korowii Waa Ɛ Kpeɡnɛn la diɡ ta, ásɛ dɛ na ɡɛ n ne baama aa le nyundua dɛɛ ba!”

Amanesoma Jɔn Aa Chwera Tɔn 1:14

Korowii Nyoa Wobol la baa berɛ nɛwɛnyini, dɛ ba so ya be. Ya na o jirima waa dɔa, dɛ jemɛ kɛŋɔ Korowii Bibeŋkpoŋ laanee on. Dɛ o wobɛlbwa wer, asɛ o dɔ kasinteŋ ɡe kohona.

Amanesoma Jɔn Aa Chwera Tɔn 1:17

Mosis nɛɛ Korowii che dɛ ba Mmara la ne. Yeesu Kristo ɡe nɛɛ nɛn nɛɛ suna ne kasinteŋ bwa che dɛ ba harɛ ta.

Amanesoma Jɔn Aa Chwera Tɔn 8:45

Kɛ n te maa dɛ bol kasinteŋ la waa haa wola men yarada la.

Amanesoma Jɔn Aa Chwera Tɔn 8:46

He bini umee dɛ́ won chaɡle kɛ n ɛ wechɔɡa kaɔ? Aah dɛ n dɛ bol kasinteŋ aa, ɛrɛɛ haa wola men yarada ɔ?

1 Jɔn 2:21

Kasinteŋ bɛ jema waa laa n chwerɛ tɔn nɔ baa tɛ heya. He jemɛ kasinteŋ la, dɛ jemɛ kɛŋɔ nyosone ne kasinteŋ aa valɛ bwa.