Amanesoma Jɔn Aa Chwera Tɔn 18:35 - mzwDBL

³⁵ Anee Paelet ŋɔ, “Haa na mɛ nɔ, Juu tee men aa? He ɡbaɡba bwɛɛ tena ne he Sɔfonomonomee ba he ne n be. Bɔkwa wechɔɡaa he ɛɔ?”

Amanesoma Jɔn Aa Chwera Tɔn 18:35 ပူးပေါင်းရင်းမြစ်များ

Ɛsra 4:12

N naa kooro, ya dɛ nyin he jemɛ kɛŋɔ Juu tena baa le he harɛre ta dɛ ba la kaa Jerusalam, dɛ berɛ ka kwaa dɛɛ ma deŋnekpeɡ ne nyubinikpeɡ tena bwɛjen la ja. Ba kwaarɔ dɛɛ ma o danjwɛɛre, dɛɛ kwaa a mune la ɡe.

Nehemia 4:2

O cheɡɛ o bala ne Samaria laa tena sie dɛ ŋɔ, “Bɔkwaa Juu tena baa wola wobɛlbwa jemɛ nɔ ɛɛ ɛ nɔɔ? Baa won berɛ kwaa ma ba danjwɛɛ nɔ cheɡ aa? Baa won ɛ sarahare aa? Baa won ɛ sarahare ásɛ dɛ won tonɔ tɔpebeŋkpoŋ ɡbo aa? Baa won berɛ dɔ bwea le anɔ la baa fuah a daŋɛ chɔ nɔ ta naa?”

Amanesoma Jɔn Aa Chwera Tɔn 18:28

Tomun aa dɛ kpɔ la, Juu tena nomonome la kpɔ Yeesu la Kaefas be, dɛ ba o ne Rom nomoa waa dɛ nyiŋi ba harɛ ta la be koodem. Dɛ Galekaa Tɔpejen dii telo, anomanta, Juu tena nomonome la te ta dem bela joɛ, dɛkalkɛ dɛ ba jo bela aa, baa kah doŋaa baa wola won di Galekaa kondikwaa la.

Amanesoma Jɔn Aa Chwera Tɔn 18:34

Belaa o chaŋo ŋɔ, “He ɡbaɡbaa na waa nɔ dɛɛ bɔɔ mɛ kɛɛ nɛra banee bol n waa he be nɔ?”

Amanesoma Jɔn Aa Chwera Tɔn 18:36

Asɛ Yeesu chaŋo ŋɔ, “Harɛ ta bonɔ laa mɛɛ di kora. Dɛ harɛ ta bonɔɔ mɛɛ di kora aa, n nɛra fe aa sɛh bá kpɔ mɛ tɛ Juu tena, ba fe ɛɛ yoo lɛɛ mɛ. Kɛ harɛ ta bonɔ kora laa mɛɛ di.”

Amanesoma Jɔn Aa Chwera Tɔn 19:11

Asɛ Yeesu ŋɔ, “Korowiirii sɛah dɛ ɡel he dɔ kpeɡri n nɛ. O fe ta sɛɛh yaa, he fe ta kpeɡri dɔe n nɛ. Nɛn waa lee mɛ tɛ dɛ ɡel he dɔɔ mɛ la wechɔɡa ɡwaa he kwa.”

Amanesoma Jɔn Aa Chwera Tɔn 19:6

Sɔfonomonome ne nɛra baa dɛ daah Korowii Dea la aa nao la, ba kpɔ takpeɡ ŋɔ, “Gel ba kpoo! Gel ba kpaaro pɛl daɡaɡre ta!” Anee Paelet chaŋ ba ŋɔ, “Hé ɡbaɡba ba kpɔɔ ka kpaa pɛl daɡaɡre ta. N te ta wobɛlbwa o nɛɛ nae dɛ́ che a ta dɛ́ ɡel ba kpoo.”

We-ɛɛla 21:38

Jamɔ Ijipt te la waa bala baah bɛl ta, dɛ ba wetɔŋla ne, dɛ yo Abane nomonome asɛ dɛ jo nɛŋkpoora kaɡboŋa banaarɛ baa kpoŋe dɔmkwaa la ne kpɔɡ bini laanee hen kɛɛ?”

We-ɛɛla 23:29

Belaa n na kɛŋɔ ba kii waa ba lawɔ. Waa baa kpɔa dawɔ la ta chɛ kɛŋɔ bá kpoo. A ta chɛ kɛ bá doo dea ɡba.

We-ɛɛla 3:13

Gɛ laa. Korowii ya nabaala Abraham ne Aesek dɛ Jekɔb aa tomɔ la, on tɛ o bonɔɔ Yeesu sɔn ɡɛ la. Onee he kpɔ tɛ nomonome ŋɔ bá bol o waa dɛ kpoo la. Harɛ nomoa Paelet aa ŋɔa ó tao la, he ta ŋɔe ŋɔ haa sɛah?