Amanesoma Jɔn Aa Chwera Tɔn 18:33 - mzwDBL

³³ Asɛ Paelet berɛ jo o koodem bela, dɛ yerɛ Yeesu ba o be, dɛ bɔɔro ŋɔ, “Henee Juu tena kooro ɛ?”

Amanesoma Jɔn Aa Chwera Tɔn 18:33 ပူးပေါင်းရင်းမြစ်များ

Jeremia 23:5

Korowii ŋɔ, “Tɔpera ane dɛ ba ásɛ n ɡel Kooro Devid naa o wa aa toɡra, dɛ do kɛŋɔ Daa Kpale ba, dɛ́ ba di kora. O balaa, wɛɛ che wejema taa nyiŋi ba nɛ, dɛɛ ɛ waa aa wera harɛ la bwa ta.

Sefania 3:15

Korowii ɡel he deŋne tɛra, dɛ le he dɔma bwa ne. Korowii waa ɛ Israel kooro la ja he nɛ. Komɛlbwa toole he ɔmɛ kpa.

Sekaria 9:9

Saayɔn tena, hé hɛɡre kohona, Jerusalam tena, hé moo ɡa. Hé nyiŋi na! He kooro dɛ ba he be, o waa toɡrɔ dɛ won nɛra lɛɛ, o pwɛre, o soɡe keeɡo bie ta, keeɡo bale taa o so.

Matiu 27:11

Dɛ Yeesu ɡe cheɡɛ nomoa Paelet sie. Asɛ Paelet bɔɔro ŋɔ, “Henee Juu tena kooro ɛ?” Asɛ Yeesu ŋɔ, “Anee he bol la.”

Matiu 27:27

Asɛ soojare la kpɔ Yeesu le kaa nomoa Paelet dem, dɛ yerɛ ba bala soojare la bwa ba ba baro cheme,

Amanesoma Mak Aa Chwera Tɔn 15:2

Belaa Paelet bɔɔro ŋɔ, “Henee Juu tena kooro ɛ?” Asɛ Yeesu ŋɔ, “Anee he bol la.”

Amanesoma Luk Aa Chwera Tɔn 23:2

dɛ ka haŋɛ o nyoa ŋɔ, “Ya lawɛ baa nɔ kɛ waa dɛ chɔɡ ya harɛ. O dɛ do nɛra dochɔɡa ŋɔ ba bɛ toɔ bɔ dɛɛ tɛ Rom Koojen Siisa kpa, dɛ berɛ dɛɛ ɛ o te ya Juu tena kooro Kristo la Korowii aa baɡɛ yaa nyoa ŋɔ wɛɛ ɡeloo o ba ba lɛ yaa la.”

Amanesoma Jɔn Aa Chwera Tɔn 1:49

Anee Nataaneɛl ŋɔ, “Nomoa, Korowii Biee hen. Henee Israel tena Kooro la.”

Amanesoma Jɔn Aa Chwera Tɔn 12:13

Belaa ba nyin bambie papooni dɛ kpɔ le bwɛɛ bini ka chemo ŋwɛnɛ ta silɛɛ ne dɛɛ ŋɔ, “Woowo! Korowii swee Israel tena Kooro waa valɛ o sɔn ta dɛɛ ba nɔ andɛɛɡa.”

Amanesoma Jɔn Aa Chwera Tɔn 12:15

“Saayɔn tena, he bɛ ɔmɛ! Hé nyiŋi na! He Kooroo soɡe keeɡo bie ta dɛɛ ba la.”

Amanesoma Jɔn Aa Chwera Tɔn 18:34

Belaa o chaŋo ŋɔ, “He ɡbaɡbaa na waa nɔ dɛɛ bɔɔ mɛ kɛɛ nɛra banee bol n waa he be nɔ?”

Amanesoma Jɔn Aa Chwera Tɔn 18:37

Yeesu aa ŋɔ ɡɛ la, anee Paelet bɔɔro ŋɔ, “Amɔ kooroo hen kpela kenɛ?” Asɛ o chaŋo ŋɔ, “Henee ŋɔa kooroo men. Kasinteŋ bola waa ba lol mɛ. A waa n ba harɛ nɔ ta dɛ ba bol kasinteŋ la nɛra bwa be. Nomɛlbwa waa dɛ nyin kasinteŋ la, on dɛɛ no n be.”

Amanesoma Jɔn Aa Chwera Tɔn 18:38

Anee Paelet ŋɔ, “Bɔkwa ɡee kasinteŋ nɔɔ?” Waa bol ɡɛ la, o berɔ le dɛ ka ŋɔ Juu tena la be ŋɔ, “N ta waa maa che a ta pao bolchɔɡe nae,

Amanesoma Jɔn Aa Chwera Tɔn 19:12

Paelet aa no ɡɛ la, dɛ o dɛ nyin ŋwɛnɛ bɛl dɛ́ fee kpɔ Yeesu ta ó kaa. Ate, nɛnlaa la kpɔ takpeɡ dɛɛ ŋɔ, “Nomɛlbwa waa dɛ yerɛ o te kooro la ɛ Rom Koojen Siisa dɔm! Anomanta, dɛ he kpɔ baa nɔ ta aa, amɔ dɛ Rom Koojen la dɔmee hen!”

Amanesoma Jɔn Aa Chwera Tɔn 19:3

Dɛ ba dɛ ba o be dɛɛ si, “Woowo, Juu tena kooro!” dɛɛ kpaa o lwɛrɛme.

Amanesoma Jɔn Aa Chwera Tɔn 19:4

Baa ɛo ɡɛ la, Paelet le buse ja dɛ ba ŋɔ Juu tena la be ŋɔ, “Hɛ́ɛ no bonɔ, mɛɛ le o ne busee tɛ heya, ásɛ he jemɛ kɛ n ta wobɛlbwa o nɛɛ nae dɛ́ che a ta dɛ́ pao bolchɔɡe.”

Amanesoma Jɔn Aa Chwera Tɔn 19:9

Anomanta, o berɔ jo koodem bela, asɛ dɛ ka bɔɔ Yeesu ŋɔ, “Lepetenee he leɔ?” Kɛ o ta on chaŋɛ.

1 Timoti 6:13

Korowii waa tɛ komɛlbwa mkpa la, ne ya Dɔɔ Yeesu Kristo la waa wona dɛ che Pɔnteɔs Paelet sie dɛ bol kasinteŋ la sɔn taa n che dɛɛ jae