Amanesoma Jɔn Aa Chwera Tɔn 18:30 - mzwDBL

³⁰ Anee ba chaŋe ŋɔ, “Dɛ wechɔɡ-ɛɛ laa aa, ya fe ta o ne he be balɛ.”

Amanesoma Jɔn Aa Chwera Tɔn 18:30 ပူးပေါင်းရင်းမြစ်များ

Amanesoma Mak Aa Chwera Tɔn 10:33

dɛ ŋɔ, “Yaa dɛ kaa Jerusalam nɔ, baa ka le Men Nɛn Biee tɛ Sɔfonomonome ne Tɔnjerema la. Baa pa mɛ bolchɔɡee dɛ́ ŋɔ bá kpo mɛ, dɛ́ kpɔ mɛ do nɛra baa wola Juu tena ɛɛ la nɔn ta.

Amanesoma Mak Aa Chwera Tɔn 15:3

Sɔfonomonome la teŋe nyosone dawɛ Yeesu nɛ.

Amanesoma Luk Aa Chwera Tɔn 24:7

O fa ta ŋɔe ŋɔ a chɛ kɛŋɔ bá le o Nɛn Bie tɛ nɛnchɔɡa, ba kpaaro pɛl daɡaɡre ta ásɛ a tɔpetooro wee la ó ir seo ta naa?”

Amanesoma Jɔn Aa Chwera Tɔn 18:29

Baa vɛh bela joe la, ba harɛ nomoa Paelet leɔ ba ba be, dɛ ba bɔɔ ba ŋɔ, “Bɔkwa waa o ɛ aa wola maɡrɛ hɛɛ bɔɔro wɔ?”

Amanesoma Jɔn Aa Chwera Tɔn 18:31

Asɛ Paelet ŋɔ ba be ŋɔ, “Hé ɡbabir kpɔɔ kaa ka bol o waa ɡɛ he Mmara aa dɛ chaɡle.” Anee ba ɡe chaŋo ŋɔ, “Ya ta ŋwɛnɛ dɔe kɛŋɔ yá bol nɛn waa dɛ pao bolchɔɡe bá kpoo.”

Amanesoma Jɔn Aa Chwera Tɔn 19:12

Paelet aa no ɡɛ la, dɛ o dɛ nyin ŋwɛnɛ bɛl dɛ́ fee kpɔ Yeesu ta ó kaa. Ate, nɛnlaa la kpɔ takpeɡ dɛɛ ŋɔ, “Nomɛlbwa waa dɛ yerɛ o te kooro la ɛ Rom Koojen Siisa dɔm! Anomanta, dɛ he kpɔ baa nɔ ta aa, amɔ dɛ Rom Koojen la dɔmee hen!”

We-ɛɛla 3:13

Gɛ laa. Korowii ya nabaala Abraham ne Aesek dɛ Jekɔb aa tomɔ la, on tɛ o bonɔɔ Yeesu sɔn ɡɛ la. Onee he kpɔ tɛ nomonome ŋɔ bá bol o waa dɛ kpoo la. Harɛ nomoa Paelet aa ŋɔa ó tao la, he ta ŋɔe ŋɔ haa sɛah?

2 Timoti 2:9

dɛ koh a waa dɛɛ na wa, hale nɛra koh a waa dɛ kpɔ jɔɡrɔre vɔɡ mɛ, dɛ do mɛ dea kɛ wechɔɡ-ɛɛ. Kɛ Korowii waa te, nɛn aa won kpɔ jɔɡrɔre vɔwa.

1 Pita 4:15

Dɛ he bini bɛl dɛ na wahala aa, a bɛ ɛ kɛŋɔ nɛnee o kpo, kɛɛ ŋwɛɛ o ŋwɛ, kɛɛ nɛnchɔɡee on, kɛɛ nyoaa o kpɔ do nɛra waa ta.