Amanesoma Jɔn Aa Chwera Tɔn 18:1 - mzwDBL

¹ Yeesu aa soŋe Korowii tonɛ la, o ne o habɔteŋra la leɔ, dɛ ka le nenabɔɔ Kedrɔn. Dɛ ba ɛ bodɛɛɡe bɛl dɛ du daa ane bela, asɛ ba ka jo a baah.

Amanesoma Jɔn Aa Chwera Tɔn 18:1 ပူးပေါင်းရင်းမြစ်များ

Mumpar 2:15

Korowii kpɔ baa waa tao la ka so Eden bodɛɛɡe bela waa du daa la dɛ ŋɔ, wɛ́ɛ parɛ o ta dɛɛ nyiŋi bela,

Mumpar 3:23

Anomanta, Korowii doŋu le Eden bodɛɛɡe bela waa du daa la, dɛ ɡel o kaa parɛ harɛ waa mao le o ta la ta.

2 Samoɛl 15:23

Nɛra la bwa aa teŋa baa kaa ɡɛ la, bwɛɛ la tena bwa wio kɛrɛdɛ. Kooro ɡe ɛɡɛ Kedrɔn Fɛlembɔjen la le, asɛ o nɛra la bwa kpɔ sie pa pua hɛŋle ɡbo harɛ ta dɛ kaa.

1 Koranar 15:13

O ir o naa Maaka haŋkora ta, dɛkalkɛŋɔ, o ɛ voɡ Asera daa aa ɛ kii kwaa la. Kooro Asa teŋni daa la dɛ fuah Kedrɔn Fɛlembɔjen ta.

1 Koranar 2:37

Awola haa le Jerusalam, dɛ́ ka ɡale Kedrɔn nenabɔjen la, jemɛ kɛŋɔ he sewee, dɛ he ɡbaɡbaa nyin he seo.”

2 Koranar 23:12

O ɡelɔ ba paɡre Juda koranar kwaa baa dɛ ɛ saraha a ta Kooro Ahas abrɔsane doa, ne ane Kooro Manasɛ ɡe aa kwaara a do Korowii Dea dembaahna anɛ ta. Dɛ paɡra a do mohooh ken ka ta Kedrɔn Fɛlembɔjen ta.

2 Koranar 23:4

Kooro Josia ɡelɔ Sɔfonomoa Hilkia ne sɔfore baa ja o nɛ, ne nɛra baa dɛ che Korowii Dea la doonyoa la laa kwaa baa ɛa tɛ voɡ Baal, ne voɡ Asera ne kwaa aa lɔ nyundua a do Korowii Dea la laa pa le. Kooro la fuah bwɛjen la dahare Kedrɔn fɛlembɔjen jwɛh, dɛ pa a tɔɔ la kaa Bɛtel.

2 Koranar 23:6

Dɛ fuɡri voɡ Asera dajaŋa le Korowii Dea, dɛ kpɔ le Jerusalam dahare, dɛ ka fuah Kedrɔn Fɛlembɔjen ta o ɛ mohooh ken, dɛ pa ka ta nɛra ŋwama ta.

2 Webena 15:16

Kooro Asa ir o naa Maaka haŋkora ta, dɛkalkɛŋɔ o ɛ voɡ Asera daa aa ɛ kii kwaa la. Kooro Asa teŋni daa la, dɛ fuah Kedrɔn Fɛlembɔjen ta.

2 Webena 29:16

Sɔfore la ɡe jo Korowii Dea la bini, dɛ laa doŋa bɛlbwa aa lɔ o ta kpɔ, o do ɡoroŋ ɡɛ tenten. Ba pa komɛlbwa aa lɔ o bini dɛ kah doŋa le ba Korowii Dea dembaah bela. Asɛ Lewi dea tena la chea le bela ka ta Kedrɔn Fɛlembɔjen bini.

2 Webena 30:14

Ba le kwaa harɛre ane nɛra baa dɛ tomɛ voɡa aa dɛ ɛ saraha a ta ne Jerusalam, dɛ chɔɡ anɔ la baa dɛ fuh daawiile a ta, dɛ pa a bwa ka ta Kedrɔn Fɛlembɔjen bini.

Nehemia 2:15

anomanta, n kpɔ Kedrɔn Fɛlembɔjen la bini jwaana la ne, dɛ ha sie dɛɛ nyiŋi danjwɛɛ la. Asɛ n berɛ habɔɔ dɛ berɛ ka kpɔ Fɛlembɔjen Doonyoa la ta dɛ jo bwɛjen la ta.

Jeremia 31:40

Fɛlembɔjen la bwa, bela baa dɛ huɡe nɛra, dɛ berɛ dɛɛ ta chaa o bini, dɛ harɛre aa chɔ Kedrɔn nenabɔɔ ta, dɛ́ kpoŋe ka le Jaɡre Doonyoa wee leebɔr bwa, ɛɛ do ɡoroŋee tɛ mɛ. Nomɛlbwa aa bwɛjen laanee kuuɡi kɛɛ dɛ chɔɡo kpa. Men Korowiirii bola.”

Lewi Dea Tena 2:6

Kuuɡi a bini, ásɛ dɛ fuɡe noo do a ta. A ɛ mea saraha.

Matiu 26:30

Asɛ ba ɡo yel kpɛɛ Korowii dɛ ir le kaa Ɔlevere Bwejen la ta.

Matiu 26:36

Asɛ Yeesu ne o habɔteŋra la kaa bobɛl baa dɛ yerɛ bela Gɛtsɛmane, asɛ o ŋɔ ba be ŋɔ, “Hé so bonɔ ń la le ka soŋe Korowii dɛ́ ba.”

Amanesoma Mak Aa Chwera Tɔn 14:26

Asɛ ba ɡo yel bɛl dɛ jam Korowii, dɛ le kaa Ɔlevere Bwejen la ta.

Amanesoma Mak Aa Chwera Tɔn 14:32

Yeesu ne o habɔteŋra aa tel bela baa dɛ yerɛ Gɛtsɛmane la, o ŋɔ ba be ŋɔ, “Hé so bonɔ ásɛ n ka soŋe Korowii ba.”

Amanesoma Mak Aa Chwera Tɔn 14:42

Hé ir yá kaa. Hé na, naate waa dɛ ba n lee tɛ bá kpo mɛ laanee la.”

Amanesoma Jɔn Aa Chwera Tɔn 14:31

kɛ a chɛ kɛŋɔ harɛ nɔ ta nɛra bwa jemɛ kɛ n dɛ nyin n Mɛɛ la, a waa mɛɛ ɛ anɔ la bwa waa do mɛ ŋɔ ń ɛ la. Hé ir, yá le bonɔ.”

Amanesoma Jɔn Aa Chwera Tɔn 18:26

Dɛ Sɔfonomoa la bonɔɔ Pita aa ŋwɛnɛ o deŋne dɛ laa cha la lole bɛl lɔ dem bela. O bɔɔrɔ ŋɔ, “Kɛ dɛ he ja baa la nɛra la nɛɛ bodɛɛɡe bela baa du daa laɔ?”

We-ɛɛla 21:11

Waa ba ya be la, o baa kpɔ Pɔɔl kiriso, dɛ vɔrɔwe o ɡbaɡba nɔɔra ne nakpale dɛ ŋɔ ya be ŋɔ, “Kenii Korowii Domadɛɛɡe ŋɔ, Juu tena ɛɛ vɔrɔwe kiriso nɔ te kenii Jerusalam, dɛ kpɔɔ do nɛra baa wola Juu tena ɛɛ nɔn ta.”