Amanesoma Jɔn Aa Chwera Tɔn 17:13 - mzwDBL

¹³ Taraken n berɔ dɛɛ ba he be bela, kɛ n taa lɔ harɛ ta nɔ, n dɛ bol waa nɔ ásɛ ba won dɔ silɛɛ maa dɔa la kɛrɛdɛ ka tonɛ.

Amanesoma Jɔn Aa Chwera Tɔn 17:13 ပူးပေါင်းရင်းမြစ်များ

Nehemia 8:10

Nehemia ŋɔ nɛra la be ŋɔ, “Hé kaa dem, dɛ́ ka di he silɛɛ kondikwa, dɛ́ nyɔ sensoma, ásɛ dɛ kpɔ ane ka tɛ banɔ la baa wola ane dɔe. Fini tɔpere nɔ do ɡoroŋ tɛ Korowii yaa dɛ tomɔ. He bɛ suna di, dɛkalkɛ silɛɛ Korowii aa tɛ heyaa la ɛɛ ɡeloo he dɔ bokpeɡa.”

Yela 126:5

Nɛra baa kpɔ siniire du kwaa la, baa koma silɛɛ nee dɛɛ ɡo yela.

Yela 43:4

Ásɛ n la hen Korowii saraha kon la ta, henee dɛɛ tɛ mɛ silɛɛ. Mɛɛ ɡo yelaa, dɛ́ lɔ janjela kpɛɛre, henee Korowii maa dɛ tomɛ.

Amanesoma Jɔn Aa Chwera Tɔn 13:3

Dɛ Yeesu te jemɔ kɛŋɔ wobɛlbwa kpeɡrii o Mɛɛ Korowii kpɔ tɛo, asɛ dɛ berɛ jemɛ kɛŋɔ ɡɛ waa le o be ba la, ɡɛɛ o berɛ dɛɛ ba o be kaala.

Amanesoma Jɔn Aa Chwera Tɔn 15:11

N baɡle heyaa waa nɔ ásɛ he dɔ n silɛɛ dɔŋ, ásɛ he sie lɛ ka tonɛ.

Amanesoma Jɔn Aa Chwera Tɔn 16:33

A waa mɛɛ baɡle heyaa waa nɔ ásɛ he dɔ deŋnesɔɔhna dɛ́ le pɛɛ n ne haa pɛa la ta la. Hɛɛ na hɔhɔrɔwaa harɛ nɔ ta, kɛ hé lawɛ bambile, dɛkalkɛ n faɡɛ harɛ nɔ ta komɛlbwa nɛ.”

Amanesoma Jɔn Aa Chwera Tɔn 17:11

N dɛ ba he be bela. Maa harɛ nɔ taa biɡri, kɛ ba te ɛɛ ka harɛ nɔ taa. Anomanta, n Mɛdɛɛɡe, kpɔ sɔn haa tɛ mɛ la kpeɡri tɔ ba nɛɛ kɛrɛdɛ ásɛ ba ɛ beŋkpoŋ ɡɛ n ne haa ɛ beŋkpoŋ la.

Amanesoma Jɔn Aa Chwera Tɔn 3:29

Hanfale jaaree dɔ o haah. Kɛ, dɛ hanfale jaa la dam lɔ hanfale la waa bɔr dɛ no o nyoa bela aa, dɛ o sie lɛo. Gɛɛ n ɡe bwara sɔɔh mɛ kohona.

Amanesoma Jɔn Aa Chwera Tɔn 7:33

Dɛ Yeesu dɛ bol ŋɔ, “Tɔpera anɛ bɛlee mɛɛ ba he be bonɔ soɡa. Maa biɡri ásɛ dɛ berɛ kaa naate waa tom mɛ la be.

We-ɛɛla 13:52

Anɔ bwa aa dɛ ɛ la, bɔhwaah ta asɔre tena baa lɔ bela la lawɛ. Dɛ ba sie lɛo kɛrɛdɛ, asɛ Korowii Domadɛɛɡe la ɡe so ba nɛɛ taeh.

Tɔn Pɔɔl Aa Chwerɛ Rom Tena 14:17

Kondikwaa yaa dɛ di ne anɔ la yaa dɛ ki la ta wejena bɛlbwa ɛɛ Korowii Kora waa bini. Waa aa ɛ wehiah laanee kɛŋɔ ɡɛ yaa ɛ ya waa su Korowii siwi, ne waa aa dɛ ba deŋnesɔɔhna ne ya ne ya dɔŋa baah ta, ne silɛɛ aa le Korowii Domadɛɛɡe be.

Galaasia 5:22

Korowii Domadɛɛɡe la te, kwaa waa dɛ tɛ laanee dɔŋa nyina, ne silɛɛ, ne nyopɛo, ne bambile dɔe, ne tesom, ne wedɛɛɡa ɛɛ, dɛ kasinteŋ dɔe,

Hibru 12:2

Yáa nyiŋi Yeesu waa ɛ ya Korowii yaradae bwa nyu te, dɛ ɛ a mumpar ne a jaɡa la. On koh bosɔɔhna waa ba dɔ waa asɛ ba ɛo hɔhɔrɔwa daɡaɡre ta la. O ta sihiih waa koɛh dɛ vɛh. Taraken o soɡe nomombɔr Korowii diɡ ta.

1 Jɔn 1:4

Ya dɛ nyin kɛ ya bwa bwara sɔɔh yaa kɛrɛdɛ. A waa ya chwerɛ tɔn nɔ baa tɛ heyaa la.

2 Jɔn 1:12

N dɔ waa taeh, dɛ́ bol he be, kɛ maa chwerɛ do tɔn ta. N dɛ nyin kɛ ń ba he be ya sie ɛ anɛ, ásɛ n bol he be. Belaa ya sie ɛɛ ba lɛɛ kohona.