Amanesoma Jɔn Aa Chwera Tɔn 17:11 - mzwDBL

¹¹ N dɛ ba he be bela. Maa harɛ nɔ taa biɡri, kɛ ba te ɛɛ ka harɛ nɔ taa. Anomanta, n Mɛdɛɛɡe, kpɔ sɔn haa tɛ mɛ la kpeɡri tɔ ba nɛɛ kɛrɛdɛ ásɛ ba ɛ beŋkpoŋ ɡɛ n ne haa ɛ beŋkpoŋ la.

Amanesoma Jɔn Aa Chwera Tɔn 17:11 ပူးပေါင်းရင်းမြစ်များ

Yela 79:9

N Naa Korowii, ba cha yaa dɛ́ lɛ yaa. Ba lɛ yaa dɛ́ kpɔ ya wechɔɡa kɛ yaa, he sɔn la wa.

Sɛɡla 18:10

Korowii do kɛŋɔ dejaŋ waa kpeɡa, belaa nɛra ba wa aa toɡra bwa chwa dɛɛ kaa wɛɛ lɛɛ ba.

Aesaya 27:3

“Men Korowiirii dɛɛ nyiŋi o ta, menee dɛɛ do nee o ta tɔpere bɛlbwa, chɔɔ ne jwaana bwaa mɛɛ daahno, ásɛ nomɛlbwa bɛ on ba chɔɡ.

Aesaya 64:2

Aa ɛo kɛŋɔ nee yon chɔŋɛ nii ta dɛɛ wure chachacha la. Ba dɛ́ ba baɡle he dɔma he kpeɡri, dɛ́ ɡel harɛre nɛra bwara chel he siwi ta!

Jeremia 14:21

Lii nyoa haa baɡɛ yaa la, dɛ bɛ yaa nyiŋi vah, bɛ ɡel Jerusalam tena di sihiih, belaa he kookara che dɛ dɔ jirima la. Bɛ fɔo ya ne haa fɔwa la chɔɡ.

Jeremia 14:7

N nɛra wio dɛɛ noo mɛ dɛ ŋɔ, ‘N Naa Korowii, a lole kɛŋɔ ya wechɔɡa ɡelɔ ya di bolchɔɡe, koh he sɔndɛɛɡe la wa dɛ́ cha yaa. Dɛkalkɛ ya ɛ wechɔɡa dɛ jo he nɛ, dɛ berɛ habɔɔ kpoe kohona.

Ɛsekeɛl 20:22

Ate, n berɛ lawɛ bambile, dɛkalkɛ aa chɔɡ n sɔnee harɛre nɛra baa naa n lawɛ Israel tena le Ijipt harɛ ta, ba siwi ta la.

Ɛsekeɛl 20:44

N koh n sɔndɛɛɡe waa dɛ ɛ waane aa, hɛɛ jemɔɔ kɛŋɔ menee Korowii, dɛkalkɛ maa heyaa ɛ ɡɛ aa chɛ kɛŋɔ bá ɛ wechɔɡ-ɛɛra. Men Nemenɛ Korowiirii bola dɛɛ baɡle he Israel tena bwa.”

Ɛsekeɛl 20:9

Gɛ aa ɛ ásɛ harɛre baa soɡe a ta nɛra bɛ n sɔnchɔɡe yerɛ ŋɔ n bolɔ ŋɔ, mɛɛ lawɛ Israel tenaa le Ijipt harɛ ta nomanta, n ta ɡɛ ɛɛ.

Matiu 10:16

Yeesu berɔ ŋɔ, “Hɛ́ɛ no! N dɛ tomɛ heyaa kɛŋɔ peera hé ka koo he dɔma baa do kɛ ɡboli baah ta. Hé ɡel he sie pili hɛɛ do dɛɛɡɔ kɛ harɛkwa, ásɛ dɛ do pwɛre dɛ́ man kɛ borɔnomare.

Matiu 5:48

A chɛ kɛŋɔ hé we-ɛɛla bwa do kaih, ɡɛ he Mɛɛ waa lɔ nyundua la waa aa do kaih la.”

Matiu 6:9

Kenii chɛ kɛ hɛɛ soŋe Korowii, ‘Ya Mɛɛ haa lɔ nyundua, henee chɛ duura.

Amanesoma Jɔn Aa Chwera Tɔn 13:1

Aa ka tama ba di Galekaa Tɔpejen la, dɛ Yeesu jemɔ kɛŋɔ tɔpere telo kɛ ó le harɛ nɔ ta dɛ́ berɛ kaa o Mɛɛ be. Dɛ o dɛ nyin o nɛra baa teŋɛ o nɛɛ harɛ nɔ ta la kɛrɛdɛ dɛ ka tonɛ.

Amanesoma Jɔn Aa Chwera Tɔn 13:3

Dɛ Yeesu te jemɔ kɛŋɔ wobɛlbwa kpeɡrii o Mɛɛ Korowii kpɔ tɛo, asɛ dɛ berɛ jemɛ kɛŋɔ ɡɛ waa le o be ba la, ɡɛɛ o berɛ dɛɛ ba o be kaala.

Amanesoma Jɔn Aa Chwera Tɔn 14:20

Tɔpere la telaa, hɛɛ jemɔɔ kɛŋɔ n ne n Mɛɛ ɛ beŋkpoŋ, bɛl aa wola won daɡre o te o dɔŋ nɛ, ásɛ n ne he ɡe ɛ beŋkpoŋ ɡɛ tenten.

Amanesoma Jɔn Aa Chwera Tɔn 16:28

O bee n le dɛ ba harɛ nɔ ta, taraken n berɔ dɛɛ le bonɔ dɛ kaa o be.”

Amanesoma Jɔn Aa Chwera Tɔn 16:33

A waa mɛɛ baɡle heyaa waa nɔ ásɛ he dɔ deŋnesɔɔhna dɛ́ le pɛɛ n ne haa pɛa la ta la. Hɛɛ na hɔhɔrɔwaa harɛ nɔ ta, kɛ hé lawɛ bambile, dɛkalkɛ n faɡɛ harɛ nɔ ta komɛlbwa nɛ.”

Amanesoma Jɔn Aa Chwera Tɔn 17:23

N ne ba ɛ beŋkpoŋ, n ne he ɡe ɛ beŋkpoŋ, bɛl aa wola won daɡre o te o dɔŋ nɛ aa, anee dɛ́ ɡel ba beŋkpoŋri la won che kɛrɛdɛ, ásɛ nɛra baa dɔ harɛ nɔ ta ɡbo liire la jemɛ kɛŋɔ henee tom mɛ dɛɛ nyin ba ɡɛ haa dɛ nyin mɛ la.

Amanesoma Jɔn Aa Chwera Tɔn 17:25

N Mɛdɛɛɡe, nɛra baa dɔ harɛ nɔ ta ɡbo liire aa hen jemɛ, kɛ n te jemɛ, asɛ banɔ nɔ ɡe jemɛ kɛŋɔ henee tom mɛ.

Amanesoma Jɔn Aa Chwera Tɔn 17:6

Nɛra haa lee ba le harɛ nɔ ta nɛra bini dɛ kpɔ ba tɛ mɛ la, n ɡelɔ ba jemɛ kɛrɛdɛ. Henee dɔɔ ba dɛ kpɔ ba tɛ mɛ, asɛ ba sɛh dɛɛ teŋɛ he waa la ta.

Amanesoma Jɔn Aa Chwera Tɔn 7:33

Dɛ Yeesu dɛ bol ŋɔ, “Tɔpera anɛ bɛlee mɛɛ ba he be bonɔ soɡa. Maa biɡri ásɛ dɛ berɛ kaa naate waa tom mɛ la be.

We-ɛɛla 3:21

A chɛ kɛŋɔ Yeesu do nyundua dɛ́ ka tel tɔɔ la wee Korowii aa ɛ wobɛlbwa kɛrɛdɛ ken, ɡɛ waa ɡela o keamere la baɡle la.

Tɔn Pɔɔl Aa Chwerɛ Rom Tena 12:5

Gɛɛ ya ɡba do. Ya warɔ te, kɛ ya ne Yeesu Kristo aa pɛa nɔ, ya bwa ɛ beŋkpoŋ, ya bɛlbwa ɡe lole tɛ ya dɔŋa.

Tɔn Pɔɔl Aa Chwerɛ Rom Tena 9:17

Ba chwerɛ Korowii Tɔn bini ɡɛ Korowii fa aa ŋɔ Ijipt kooro be la. Anee kɛŋɔ, “N ɡelɔ he ɛ kooro ásɛ nɛwɛnyina bwa che he nɛɛ dɛ na ɡɛ maa dɔ kpeɡri, asɛ dɛ yerɛ n sɔn harɛ ta bobɛlbwa.”

1 Kɔrent 1:10

Yabala, n kpɔ ya Dɔɔ Yeesu Kristo dɛɛ soŋe heyaa kɛ hé bwa ɛ beŋkpoŋ. He bɛ dɔŋa baahna peɡri, hé ɡel he nyoa pɛ he we-ɛɛla ne he liire ta.

Galaasia 3:28

Anomanta, peɡra bɛlbwa toole he baah kpa. Juu tena oo, nɛra baa wola Juu tena ɛɛ yoo, yoma oo, deheɛre oo, haahna oo, baala oo, he bwa ɛ beŋkpoŋ Yeesu Kristo be pera.

Ɛfesos 4:4

Yeesu bwadabii lɔ beŋkpoŋ, o Domadɛɛɡe ɡe lɔ beŋkpoŋ, asɛ hwɛɡa Korowii aa le yaa ya bwa dɔ la ɡe ɛ beŋkpoŋ.

Felepae 2:9

A waa Korowii tɛo nomonome kɛrɛdɛ ɡa, dɛ berɛ tɛo sɔn ɡwaa sɔna tena bwa.

Hibru 1:3

He na o jirima waa dɔa aa, dɛ he na jirima Korowii aa dɔa. Gɛ Korowii aa doa o ɡe den do kati. O wobol dɔ kpeɡri. A kpeɡrii lawɛ komɛlbwa kpoŋe. Korowii Bie la aa laa ya wechɔɡa kpɔ ya nɛɛ tonɛ la, o kaa so nomombɔr nyundua Nemenɛ Korowii diɡ ta,

Hibru 9:24

Bela Yeesu Kristo aa joa la, Korowii Boɡoroŋ Tenten nɛwɛnyini aa mao o ɛ Korowii doa kon chaa la ɡbo bini laa o jo. Korowii doa ɡbaɡbaa o la, dɛ ka che Korowii sie ásɛ dɛ won cha yaa taraken.

Jems 4:4

He nɛnchɔɡa nɔ haa wola Korowii ɔmɛ kɛŋɔ hanchɔɡe waa dɛ nyin baala nɔ! Haa jemɛ kɛŋɔ nɛn waa dɛ nyin harɛ nɔ ta kwaa la vɛh Korowii dɛ ɛ o dɔm kɛɛ? Nomɛlbwa waa daŋre harɛ nɔ ta kwaa nyina ne la vɛh Korowii.

1 Pita 1:5

He cheɡaa a che. He yarada nomanta, Korowii kpɔ o kpeɡri tɔ he nɛ, wobɛlbwa aa wola won ɛ heyaa ka tel kɛŋɔ waa ba lɛ heya. O ɛ lɛɛ waa ba lɛ heyaa la wobɛlbwa tonɛ, dɛ lɛ heyaa waa bwa jaɡa saŋ.

1 Jɔn 3:12

Ya bɛ ɛ kɛŋɔ Keen, waa ɛ o te Bɔnsam bie dɛ kpo o nime Abɛl la. Bɔkwaa ɡela o kpoo wɔ? O we-ɛɛla waa ɛa la aa wola were asɛ o nime kwaa do wer la, anee ɡela o kpoo.

1 Jɔn 5:19

Ya jemɔ kɛŋɔ ya bwa ɛ Korowii bii, asɛ nɛra baa dɔ harɛ nɔ ta ɡbo liire, ne kwaa aa lɔ harɛ nɔ ta bwa ɡe do Bɔnsam lɔɡa.

Tɔn Jud Aa Chwera 1:1

Tɔn nɔ le men Jud maa ɛ Yeesu Kristo bonɔɔ dɛ ɛ Jems nime la be. N chwerɔ dɛɛ tɛ he nɛra N Naa Korowii waa bera ɛ ya Mɛɛ la aa dɛ nyin heya, dɛ le heyaa tɛ o te, asɛ Yeesu Kristo ɡee nyin heyaa la.

Tɔn Jud Aa Chwera 1:24

Korowii waa wona dɔ kpeɡri dɛ lawɛ heyaa haa wola chole, dɛ laa he doŋa bwa kpɔ he nɛ, dɛ ɡel he dɔ silɛɛ dɛ che o sie dɛ na o jirima la,

Wepila 15:4

Oo, n Naa Korowii, umee lole waa wola hen ɔmɔɔ? Umee wola hen sɔnee tɛɔ? He ɡboo do ɡoroŋ ka tonɛ. Harɛ ta nɛn te bɛlbwa ɛɛ ba ɡuŋi he siee dɛ́ tomɛ, dɛkalkɛŋɔ waa haa ɛa la toɡrɔ nomɛlbwa jemɛ.”

Wepila 19:12

O sibie do kɛŋɔ ninlao ken. O pi kooɡbɛrɛre a warɛ pirim. O sɔn bɛl dawɛ o nɛ, nomɛlbwa aa wola sɔn la jemɛ nemenɛ o ɡbo.

Wepila 4:8

Bɛlbwa dɔ kena anumɛl, dɛ dɔ sibie a bwara bobɛlbwa ne a kena lɔɡre ɡba. A lɔ o be chɔɔ ne jwaana dɛɛ kpɛɛro aa wola ɡel bwa, dɛɛ ŋɔ, “Korowii Haa Ɛ Kpeɡri Bwa Dɔɔ dɛ do le saŋ la dɛ ba le fini, dɛɛ ba le doe saŋ bɛlbwa la, he do ɡoroŋ noo, he do ɡoroŋ kɛrɛdɛ.”