Amanesoma Jɔn Aa Chwera Tɔn 16:8 - mzwDBL

⁸ Dɛ o balaa, wɛɛ di nɛra kasinteŋii dɛ́ ɡel ba jemɛ waa aa ɛ wechɔɡa, ne waa aa dɛ su Korowii siwi, ne ɡɛ Korowii bole pae waa aa doa.

Amanesoma Jɔn Aa Chwera Tɔn 16:8 ပူးပေါင်းရင်းမြစ်များ

Lewi Dea Tena 13:12

Dɛ sɔfo la nao kɛŋɔ weela la lɔ naate bwadabii bwa ta, le o nyundua ba ta harɛ naa,

Sekaria 12:10

Mɛɛ ɡeloo sum nae ne Korowii soŋa Doma ba so Kooro Devid naanar, ne Jerusalam tena bane nɛ. Baa dɛɛ nyiŋi naate baa yaɡɔ lampea ne o sewɛ laanee, dɛɛ wiu kɛŋɔ nɛra aa dɛ wi ba bibeŋkpoŋ waa sewa, kɛɛ baa dɛ wi ba bibanloɡle waa sewa la ken.

Amanesoma Jɔn Aa Chwera Tɔn 16:7

Kasinteŋii mɛɛ bol he be la, a wer tɛ heyaa kɛ ń kaa. Dɛ n ta kaalaa, Habɔchekpaa la aa he bee ba. Kɛ dɛ n baa kaalaa, mɛɛ tomɔɔ ó ba he be.

Amanesoma Jɔn Aa Chwera Tɔn 16:9

Wɛɛ di ba kasinteŋii ba wechɔɡa ɛɛ ta, dɛkalkɛ baa men yarada,

Amanesoma Jɔn Aa Chwera Tɔn 8:46

He bini umee dɛ́ won chaɡle kɛ n ɛ wechɔɡa kaɔ? Aah dɛ n dɛ bol kasinteŋ aa, ɛrɛɛ haa wola men yarada ɔ?

Amanesoma Jɔn Aa Chwera Tɔn 8:9

Waa ŋɔ ɡɛ la, bɛlbwa lii o wechɔɡa waa ɛa. Bɛlbwa ta wone kpɔ kon forɔ kpa, dɛ bwa peɡre. Ba nomonomee tɔ sie dɛ kaa beŋkpoŋa beŋkpoŋa a ba tel bechale nɛɛ dɛ ba tonɛ, a ba ka Yeesu ne haah la o ta che bela ɡɛ.

We-ɛɛla 2:37

Nɛra la aa no a ɡɛ waa nɔ la, ba nao kɛŋɔ ba ɛ wechɔɡa, asɛ ba tea bini chɔɡ, ba bɔɔ Pita wa ŋɔ, “Aah ɛrɛɛ yaa ba ɛɛ yɔ, yabala?”

1 Kɔrent 14:24

Kɛ dɛ he bwa chemo dɛ che Korowii Domadɛɛɡe kpeɡri la ta dɛɛ bol o wa, asɛ nɛn waa wola yarada dɛ ɛ nɛmpɛɛ ba ja aa, wɛɛ noo dɛ́ jemɛ kɛŋɔ o dɛ ɛ wechɔɡa. Waa haa dɛ bol la bwa ɛɛ jo o nyu binii, ásɛ o nyoa kpo.

Tɔn Jud Aa Chwera 1:15

dɛ́ ba bol nɛra bwa waa dɛ́ pa bole. Wɛɛ pa ba bolchɔɡe ba wechɔɡa baa ɛa dɛ vɛh Korowii waa ta teŋa la waa, dɛ́ pa nɛra baa wola Korowii tomɛ bolchɔɡe ba nɛnhɛlwobochɔɡa baa bola dɛɛ yaɡɔ la wa.”