Amanesoma Jɔn Aa Chwera Tɔn 16:5 - mzwDBL

⁵ Yeesu berɔ ŋɔ, “Taraken mɛɛ berɔ kaa Naate waa tom mɛ la be, kɛ he bini bɛlbwa ta men bɔɔrɛ bela maa dɛ ba kaala.

Amanesoma Jɔn Aa Chwera Tɔn 16:5 ပူးပေါင်းရင်းမြစ်များ

Amanesoma Jɔn Aa Chwera Tɔn 13:3

Dɛ Yeesu te jemɔ kɛŋɔ wobɛlbwa kpeɡrii o Mɛɛ Korowii kpɔ tɛo, asɛ dɛ berɛ jemɛ kɛŋɔ ɡɛ waa le o be ba la, ɡɛɛ o berɛ dɛɛ ba o be kaala.

Amanesoma Jɔn Aa Chwera Tɔn 13:36

Anee Seemɔn Pita pɛɛro ŋɔ, “N Dɔɔ, leperaa hɛɛ kaalɔ?” Asɛ Yeesu chaŋe ŋɔ, “Taraken nɔ, haa won teŋɛ n nɛɛ la bela maa dɛ kaa nɔ, kɛ he ta ɛɛ ba ti mɛɛ.”

Amanesoma Jɔn Aa Chwera Tɔn 14:28

N bol he be he no kɛŋɔ ‘Mɛɛ kaaloo ásɛ dɛ berɛ ba he be.’ Dɛ he fe dɛ nyin mɛ naa, he sie fe ɛɛ lɛo kɛŋɔ maa kaa n Mɛɛ be, dɛkalkɛ o ɡwaa mɛ.

Amanesoma Jɔn Aa Chwera Tɔn 16:10

dɛ di ba kasinteŋ waa aa dɛ su Korowii siwi la ta, kaala maa dɛ kaa n Mɛɛ be haa wola men na kpa la nomanta.

Amanesoma Jɔn Aa Chwera Tɔn 16:16

A ka tamaa ken haa men na kpa, ásɛ a berɔ ɛ tama ɡe aa, he na mɛ ja.”

Amanesoma Jɔn Aa Chwera Tɔn 16:17

O habɔteŋra la bane bɔɔ dɔŋa ŋɔ, “O waa nɔ waa dɛ bol nɔ munii ɛrɔɔ? O ŋɔ, a ka tama yaa on na, ásɛ a berɔ ɛ tama ɡe aa, ya nao ja, dɛ berɛ ŋɔ, o Mɛɛ la bee wɛɛ kaa waa yaa wola on na kpa la.”

Amanesoma Jɔn Aa Chwera Tɔn 16:28

O bee n le dɛ ba harɛ nɔ ta, taraken n berɔ dɛɛ le bonɔ dɛ kaa o be.”

Amanesoma Jɔn Aa Chwera Tɔn 17:13

Taraken n berɔ dɛɛ ba he be bela, kɛ n taa lɔ harɛ ta nɔ, n dɛ bol waa nɔ ásɛ ba won dɔ silɛɛ maa dɔa la kɛrɛdɛ ka tonɛ.

Amanesoma Jɔn Aa Chwera Tɔn 17:4

N tɛɛ jirima harɛ nɔ ta kɛŋɔ maa tonɛ toma haa kpɔa do n nɔn ta ŋɔ ń ɛ la bwa.

Amanesoma Jɔn Aa Chwera Tɔn 6:62

Dɛ he fe na Men Nɛn Bie la n berɛ dɛɛ kaa nyundua bela maa lea ba la ɡe sɛ?

Amanesoma Jɔn Aa Chwera Tɔn 7:33

Dɛ Yeesu dɛ bol ŋɔ, “Tɔpera anɛ bɛlee mɛɛ ba he be bonɔ soɡa. Maa biɡri ásɛ dɛ berɛ kaa naate waa tom mɛ la be.

Hibru 1:3

He na o jirima waa dɔa aa, dɛ he na jirima Korowii aa dɔa. Gɛ Korowii aa doa o ɡe den do kati. O wobol dɔ kpeɡri. A kpeɡrii lawɛ komɛlbwa kpoŋe. Korowii Bie la aa laa ya wechɔɡa kpɔ ya nɛɛ tonɛ la, o kaa so nomombɔr nyundua Nemenɛ Korowii diɡ ta,

Hibru 12:2

Yáa nyiŋi Yeesu waa ɛ ya Korowii yaradae bwa nyu te, dɛ ɛ a mumpar ne a jaɡa la. On koh bosɔɔhna waa ba dɔ waa asɛ ba ɛo hɔhɔrɔwa daɡaɡre ta la. O ta sihiih waa koɛh dɛ vɛh. Taraken o soɡe nomombɔr Korowii diɡ ta.