Amanesoma Jɔn Aa Chwera Tɔn 16:32 - mzwDBL

³² Tɔpere bɛl dɛ ba, o joɔ tonɛ, he bwa dɛ ba chwae peɡre kaa he deremi ásɛ a ka n ɡbo. N ne n Mɛɛ aa lole saŋ bɛlbwa nomanta, aa n ɡbo kae ba.

Amanesoma Jɔn Aa Chwera Tɔn 16:32 ပူးပေါင်းရင်းမြစ်များ

Sekaria 13:7

Koranar Bwa Kooro ŋɔ, “Mɛɛ ir n keree dɛ́ kpo n peteɡre waa dɛ tom mɛ la. Kpo peteɡre la ásɛ peera la lɔ peɡre ń dɔ bɔr kpoo a bii la.”

Matiu 26:31

Yeesu ŋɔ ba be ŋɔ, “Jwaana nɔ ne he bwa ɛɛ chwao kaa ɡel mɛ, ɡɛ baa chwera Korowii Tɔn bini ŋɔ, ‘Korowii ɛɛ kpo peteɡre laanee, ásɛ peera la bwa lɔ peɡre’ la.

Matiu 26:56

Anɔ bwa ɛo ásɛ waa Korowii keamere la aa chwera Korowii Tɔn bini la ɛ kpela.” Belaa Yeesu habɔteŋra la bwa chwa peɡre a kao.

Amanesoma Mak Aa Chwera Tɔn 14:27

Belaa Yeesu ŋɔ ba be ŋɔ, “He bwa ɛɛ ba chwao ɡel mɛ, dɛkalkɛŋɔ Korowii Tɔn baɡlɔ kɛŋɔ, ‘Korowii ɛɛ kpo peteɡre laanee, ásɛ peera la bwa lɔ peɡre.’

Amanesoma Mak Aa Chwera Tɔn 14:50

Belaa Yeesu habɔteŋra la bwa lɔ peɡre dɛ chwao.

Amanesoma Jɔn Aa Chwera Tɔn 12:23

Anee o chaŋ ba ŋɔ, “Men Nɛn Bie la tɔpere telo kɛŋɔ Korowii tɛ mɛ jirima.

Amanesoma Jɔn Aa Chwera Tɔn 16:2

Nɛra ɛɛ doŋi heyaa cheremi deene binii, ásɛ a ba saŋ bɛl kɛŋɔ bá kpoo heya, dɛɛ lii kɛŋɔ Korowii tetoowaa baa ɛ ɡɛ la.

Amanesoma Jɔn Aa Chwera Tɔn 16:25

Anɔ maa bola baɡle heyaa nɔ ɛ sɛɡla, kɛ tɔpere bɛl dɛ ba bala maa wola heyaa sɛɡle kpa. Mɛɛ bol n Mɛɛ la waa he bee dɛ́ pili a bini chasee ken.

Amanesoma Jɔn Aa Chwera Tɔn 16:31

Anee Yeesu bɔɔ ba ŋɔ, “He berɔ dɛɛ yarada mɛ taraken te naa?

Amanesoma Jɔn Aa Chwera Tɔn 19:27

dɛ ŋɔ o habɔteŋre la ɡe be ŋɔ, “He nyaa la.” Le a ɡɛ saŋ la, o habɔteŋre la lawɛ Mɛɛre kaa o dem o ka so o be.

Amanesoma Jɔn Aa Chwera Tɔn 20:10

Yeesu habɔteŋra la berɛ kaa ba deremi.

Amanesoma Jɔn Aa Chwera Tɔn 4:21

Belaa Yeesu ŋɔ o be ŋɔ, “Kasinteŋ, aa ba tel saŋ bɛlee nɛra aa wola Korowii tomɛ bwe nɔ ta, baa on tomɛ Jerusalam ɡe.

Amanesoma Jɔn Aa Chwera Tɔn 4:23

Korowii toma te lɔ bambile bini. Aa ba tel saŋ bɛlee, ásɛ nɛra baa dɛ tomɛ Korowii kpela kpela la che o Domadɛɛɡe la ta dɛɛ tomɔ bambile bini, dɛɛ tomɔ kasinteŋ ne, dɛkalkɛ ɡɛɛ wɛɛ nyin kɛ baa tomɔ. A ɡɛ tɔpere la telo tonɛ.

Amanesoma Jɔn Aa Chwera Tɔn 5:25

Kasinteŋ, n dɛ ŋɔ he be ja kɛŋɔ saŋ bɛl ɛɛ bao ásɛ nɛra baa serewa no men Korowii Bie la taa, ásɛ banɔ la baa dɛ no la dɔ Korowii mkpa. Tɔpere la dɔɔ tel kwara.

Amanesoma Jɔn Aa Chwera Tɔn 5:28

He bɛ ɡel anɔ ɛ heyaa nyokpoa, dɛkalkɛ tɔpere bɛl dɛ́ ba ásɛ nɛra baa serewa la no n taa,

Amanesoma Jɔn Aa Chwera Tɔn 8:16

Dɛ mɛɛ ɛ ɡɛ kwaraa yaa, mɛɛ ɛa á toɡre, dɛkalkɛ n ɡbo laa, n Mɛɛ waa tom mɛ la ja n nɛ.

Amanesoma Jɔn Aa Chwera Tɔn 8:29

Naate waa tom mɛ la ja n nɛ, o ta men tae, dɛkalkɛ n dɛ ɛ anɔ la aa dɛ too o tea.”

We-ɛɛla 21:6

Yaa kal dɔŋa tonɛ la, ya jo stiimae bini, asɛ ba kaa dem.

We-ɛɛla 8:1

Baa kpo Steeven la, Sɔɔl sɛoh ŋɔ o chɛ kpoe. Awola tɔpere la ba fiiɡi asɔre tena baa lɔ Jerusalam la, asɛ ba chwa peɡre Juda harɛ ne Samaria harɛ bwɛɛre la ta. Yeesu toroma la ɡboo wola chwae.