Amanesoma Jɔn Aa Chwera Tɔn 16:27 - mzwDBL

²⁷ N Mɛɛ ɡbabir dɛ nyin heya, dɛkalkɛŋɔ he dɛ nyin mɛ, dɛ yarada kɛŋɔ o bee n le ba.

Amanesoma Jɔn Aa Chwera Tɔn 16:27 ပူးပေါင်းရင်းမြစ်များ

Sefania 3:17

Korowii haa dɛ tomɔ la ja he nɛ. O dɔ kpeɡri dɛ́ won lɛ heya. O sie ɛɛ lɛ he nɛɛ kohonaa, dɛ́ che o nyina ta tɛ heyaa mkpafale. Wɛɛ ɡo yelaa dɛɛ hɛɡre he wa.

Matiu 10:37

He naate haa dɛ nyin he nya ne he mɛɛ waa ɡwaa mɛ la ta chɛɛ kɛŋɔ he teŋɛ n nɛ, asɛ he naate ɡe haa dɛ nyin he bihaah ne he bibaa waa ɡwaa mɛ la ta chɛɛ kɛŋɔ he teŋɛ n nɛ.

Amanesoma Jɔn Aa Chwera Tɔn 14:21

Nomɛlbwa waa lɛ n waa maa kpɔa tɛ heyaa dɛɛ teŋɛ a ta la, onee dɛɛ nyin mɛ. Nomɛlbwa waa dɛ nyin mɛ la, n Mɛɛ la ɛɛ nyinuu, ásɛ n ɡe nyin naate, dɛ́ kpɔ n te baɡlo.”

Amanesoma Jɔn Aa Chwera Tɔn 14:23

Asɛ Yeesu chaŋo ŋɔ, “Nomɛlbwa waa dɛ nyin mɛ la, wɛɛ dɛɛ teŋɛ n webaɡla la taa. N Mɛɛ ɛɛ nyinuu, n ne o bwa ba o be ya ne o so.

Amanesoma Jɔn Aa Chwera Tɔn 16:30

Ya nao name kɛŋɔ he jemɛ wobɛlbwa aa lɔ nɛn nyu bini mɔɔ wɛɛ pɛɛre. A ta chɛ kɛŋɔ bɛlbwa pɛɛre waane kpa. A ɡelɔ ya yarada kɛŋɔ Korowii bee he le.”

Amanesoma Jɔn Aa Chwera Tɔn 17:23

N ne ba ɛ beŋkpoŋ, n ne he ɡe ɛ beŋkpoŋ, bɛl aa wola won daɡre o te o dɔŋ nɛ aa, anee dɛ́ ɡel ba beŋkpoŋri la won che kɛrɛdɛ, ásɛ nɛra baa dɔ harɛ nɔ ta ɡbo liire la jemɛ kɛŋɔ henee tom mɛ dɛɛ nyin ba ɡɛ haa dɛ nyin mɛ la.

Amanesoma Jɔn Aa Chwera Tɔn 2:11

Yeesu nyokpowaa waa tɔ sie ɛa laanee la. Keena waa lɔ Galilia harɛ ta laanee o ɛa, dɛ chaɡle o nɛnsoo ne kpeɡri waa dɔa, asɛ o habɔteŋra la na dɛ yaradao.

Amanesoma Jɔn Aa Chwera Tɔn 3:13

Dɛ Men Nɛn Bie laa aa, nomɛlbwa ta Korowii be nyundua laŋɛ mɔɔ. N ɡboo le o be nyundua dɛ tu ba harɛ.

Amanesoma Jɔn Aa Chwera Tɔn 7:29

N te jemɔ, dɛkalkɛ o bee n le, on tom mɛ n ba nɔ.”

Amanesoma Jɔn Aa Chwera Tɔn 8:42

Yeesu ŋɔ ba be ŋɔ, “Dɛ he Mɛɛ Korowii kpela aa, he fe dɛ nyin n wa, dɛkalkɛ o bee n le ba, dɛ do bonɔ taraken nɔ. N ɡbaɡba kpeɡri ne laa n ba, onee tom mɛ.

Tɔn Pɔɔl Aa Chwerɛ Rom Tena 8:3

Nɛwɛnyini mar aa do ɡɛ, waa wola kpeɡe dɛɛ tɔ Mmara ŋwɛnɛ, asɛ Mmara lɛ nɛwɛnyini kahonɛ la, Korowii te wono lɛ nɛwɛnyini. O ɡelɔ o Bie tenten kpɔ nɛwɛnyini mar wechɔɡa aa suu nɔ dɔŋ, dɛ ba chɔɡ liichɔɡa kpeɡri o fa aa dɔa nɛwɛnyini nɛɛ la dɛ laa wechɔɡa kpɔ,

1 Kɔrent 15:47

Nɛnloɡle la, ba mao tee ne o ɛ harɛ nɛn. Asɛ nɛɛte la ɡe le nyundua.

1 Kɔrent 16:22

Nomɛlbwa waa wola ya Dɔɔ nyin la, Korowii nyotaahna lɔ o nɛ. Ya Dɔɔ, ba!

2 Kɔrent 5:14

Yeesu Kristo nyina waa dɛ nyin yaa laanee dɛɛ do yaa ya we-ɛɛla bwa ta. Gɛ yaa naa laanee kɛŋɔ dɛ nɛmbeŋkpoŋ lɛ nɛra bwa seo sewaa, a kaa chaa kɛ nɛra la bwa sewɔ.

Galaasia 4:4

Korowii Tɔpere La aa tela la, o tomɛ o ɡbaɡba Bie, asɛ nɛŋhaah lolɔ harɛ nɔ ta, asɛ o ɛ nɛra baa dɛ teŋɛ Mosis Mmara ta la bɛl.

Ɛfesos 6:24

dɛ́ sune he nɛ, dɛ́ cha he banɔ la bwa haa dɛ nyin ya Dɔɔ Yeesu Kristo bambile bwa ne aa wola jaɡa dɔe la.

1 Timoti 1:15

Waa nɔ ɛ kasinteŋ aa chɛ kɛŋɔ hé lɛa kɛŋɔ wechɔɡ-ɛɛra waa Yeesu Kristo koh ba harɛ nɔ ta dɛ ba lɛɛ ba. N wechɔɡaa kana ɡwaa nomɛlbwa kwa.

Hibru 12:6

dɛkalkɛŋɔ nɛn Korowii aa dɛ nyin la, o deŋnee wɛɛ tɛr, dɛɛ toɡre nɛn waa lɛo kɛ o bie.”

1 Pita 1:8

He ta on nae ka, kɛ he dɛ nyinu. Taraken ɡba, haa on na, kɛ he dɛ yaradao. Anomanta, he sie dɛ lɛ kohona nɛn aa wola won baɡle a wa.

1 Jɔn 4:19

Ya dɛ nyin dɔŋa, dɛkalkɛŋɔ Korowiirii tɔ sie nyin yaa.

Wepila 3:19

Nɛra maa dɛ nyin ba la, n dɛ ja ba, dɛɛ tɛr ba deŋne. Anomanta, hé swɛɛ siwi dɛ́ charɛ he liire le he wechɔɡa ta.

Wepila 3:9

Hɛ́ɛ no! Bɔnsam habɔteŋra baa dɛ teŋe nyosone, baa wola Juu tena ɛɛ dɛɛ yerɛ ba te Juu tena la, mɛɛ ɡeloo bá ba ɡuŋi he sie, dɛ́ jemɛ kɛŋɔ n dɛ nyin heya.