Amanesoma Jɔn Aa Chwera Tɔn 16:25 - mzwDBL

²⁵ Anɔ maa bola baɡle heyaa nɔ ɛ sɛɡla, kɛ tɔpere bɛl dɛ ba bala maa wola heyaa sɛɡle kpa. Mɛɛ bol n Mɛɛ la waa he bee dɛ́ pili a bini chasee ken.

Amanesoma Jɔn Aa Chwera Tɔn 16:25 ပူးပေါင်းရင်းမြစ်များ

Yela 49:4

Mɛɛ cheɡ deŋnee dɛɛ no wobosɛɡla, dɛ́ kpɔ janjela lɔ dɛɛ baɡle a mun.

Yela 78:2

Mɛɛ kpɔ sɛɡlaa bol waa chaɡle heya, waa nomɛlbwa aa wola jemɛ bwa, le harɛ nɔ mumpar,

Sɛɡla 1:6

dɛ́ won dɛɛ no sɛɡla a mun noe aa kpeɡa, ne wejerema wobol ne wobobeela mun.

Ɛsekeɛl 20:49

Belaa men Ɛsekeɛl ŋɔ, “Nemenɛ Korowii, ba dɛ bol n waa ŋɔ baa waa maa dɛ bol nɔ mun no, a do kɛŋɔ molbie.”

Amanesoma Mak Aa Chwera Tɔn 4:13

Belaa Yeesu bɔɔ ba ŋɔ, “He ta sɛɡla la mun noɛ yaa? Dɛ he ta onɔ mun noɛ yaa, ɛrɛɛ hɛɛ ba ɛɛ dɛ no sɛɡla bwa mun nɔ?

Amanesoma Mak Aa Chwera Tɔn 4:34

Sɛɡla ɡbo nee wɛɛ bol waa ba be. Kɛ o ne o habɔteŋra la ɡbo te, o dɛ baɡ ba a bini.

Amanesoma Mak Aa Chwera Tɔn 8:32

O bol ɡɛ waa nɔ ba be kaih ken. Anee Pita lawɔ le bokɛre dɛ kaoh ŋɔ o bɛ ɡɛ bol.

Amanesoma Jɔn Aa Chwera Tɔn 10:24

asɛ Juu tena ba baro cheme dɛ pɛɛro ŋɔ, “Ɛrɛɛ he ta ɡel yaa ɛ he waa aahna aahna ken nɔɔ? Dɛ henee Kristo la aa, den ɡel ya jemɛ.”

Amanesoma Jɔn Aa Chwera Tɔn 10:6

Sɛɡlaa o kpɔ dɛ baɡ ba ɡɛ waa nɔ, kɛ ba ta a mun noɛ.

Amanesoma Jɔn Aa Chwera Tɔn 16:12

N fe dɔ waa kohona dɛ́ bol baɡle heya, kɛ aa ɡwaa he nɛɛ kɛ he won no a mun buɡ nɔ ta.

Amanesoma Jɔn Aa Chwera Tɔn 16:2

Nɛra ɛɛ doŋi heyaa cheremi deene binii, ásɛ a ba saŋ bɛl kɛŋɔ bá kpoo heya, dɛɛ lii kɛŋɔ Korowii tetoowaa baa ɛ ɡɛ la.

Amanesoma Jɔn Aa Chwera Tɔn 16:32

Tɔpere bɛl dɛ ba, o joɔ tonɛ, he bwa dɛ ba chwae peɡre kaa he deremi ásɛ a ka n ɡbo. N ne n Mɛɛ aa lole saŋ bɛlbwa nomanta, aa n ɡbo kae ba.

2 Kɔrent 4:2

Ya ɡel waa baa ɛa dɛɛ sɔh ne sihihwaa bɛlbwa. Yaa nɛra neɡre, yaa Korowii waa yaa dɛ baɡle la sie berɛ. Kasinteŋ ɡboo yaa di Korowii sie. A taa ya che dɛ ɡel nɛra ɛɛ jemɛ ya da.