Amanesoma Jɔn Aa Chwera Tɔn 16:22 - mzwDBL

²² Gɛɛ a do he ɡe be. Taraken te, he tea bini chɔɡɔ, kɛ maa berɛ ba na heyaa la taa he sie ɛɛ ba lɛɛ kohona. Gɛ silɛɛ la, nomɛlbwa aa won lɛ he be.

Amanesoma Jɔn Aa Chwera Tɔn 16:22 ပူးပေါင်းရင်းမြစ်များ

Job Tɔn 34:29

Kɛ dɛ Korowii helɔ aa, umee dɛ won pwaoh wɔ? O kpɔ sie sɔh aa, umee dɛ nao wɔ? Kɛ o dɛ nyiŋi nɛmbeŋkpoŋ ne nɛra baa lɔ harɛ nɔ ta bwa kɛrɛdɛ,

Yela 146:2

Mɛɛ kpɛɛro n soɡa bini bwaa, dɛ́ ɡo yela ɡe kpɛɛ Korowii maa dɛ tomɔ saŋ bɛlbwa.

Yela 33:21

Ya dɛ hwɛɡɛ o sɔn waa do ɡoroŋ la ta, anomanta, ya dɛ hɛɡre.

Aesaya 25:9

A ba ɡɛ naa, baa boloo ŋɔ, “Kasinteŋ, Korowii yaa dɛ tomɔ laanee la. Korowii yaa hwɛɡɛ o nɛɛ laanee la, o lɛ yaa. Hé ɡel ya hɛɡre ya sie lɛ, lɛɛ waa lɛ yaa la wa.”

Jeremia 31:12

Baa bao dɛ ba ɡo silɛɛ yela Saayɔn Bwejen la ta, ásɛ ba sie lɛ n koŋkɛɛla, aa ɛ mea ne sen ne ɔleve no, dɛ peera ne nae bwa ta. Baa doo kɛŋɔ bodɛɛɡe ba du daa, bwaala nɛ o ta ken, dɛ́ dɔ kondɛɛɡa men Korowii aa kpɔ tɛɛ ba. Ásɛ ba sunaa di kpa.

Matiu 28:8

Asɛ haahna la chwa le bɔɔ la bɔr bela. Ɔmee laɡ ba, ba sie ɡe ɡarɛ lɛ taeh. Ba lawɛ ŋwɛnɛ dɛ chwa la ka taa waa la baɡle Yeesu habɔteŋra la.

Amanesoma Luk Aa Chwera Tɔn 10:42

Waa aa weraa Mɛɛre kpɔ la, anomanta, maa won ŋɔ o be ŋɔ ó ɡel.”

Amanesoma Luk Aa Chwera Tɔn 16:25

Anee Abraham ŋɔ, ‘N bie, lii kɛŋɔ ɡɛ saŋ he fa aa lɔ harɛ ta la, he di yɛɛ kɛrɛdɛ, asɛ Lasorɔs na wahala. Taraken nɔ o dɛ di yɛɛ, asɛ he ɡee na wahala.

Amanesoma Luk Aa Chwera Tɔn 19:26

Asɛ nomoa la ŋɔ ba be ŋɔ, ‘Hé ɡel n ŋɔ he be ŋɔ, naate waa dɔa la, baa jao anee ó dɔ kohona. Kɛ naate waa wola komɛlbwa dɔe la, tama kwaraa waa dɔa la, ɛɛ le o nɔn taa.

Amanesoma Luk Aa Chwera Tɔn 24:41

Ba sie lɛo, kɛ dɛ ba bwara hwaoh, asɛ ba taa tɔŋle. O bɔɔ ba ŋɔ, “He dɔ kondikwaa ane bonɔ naa?”

Amanesoma Jɔn Aa Chwera Tɔn 14:1

Yeesu berɔ ŋɔ, “He bɛ ɡel he bambile chɔɡ! Hɛ́ɛ yarada Korowii ásɛ dɛɛ yarada n ɡe.

Amanesoma Jɔn Aa Chwera Tɔn 14:19

A ka tama, nɛra baa dɔ harɛ nɔ ta ɡbo liire aa men na kpa, kɛ he te ɛɛ na mɛɛ. Maa dɔ mkpa nomanta, he ɡee dɔ mkpaa.

Amanesoma Jɔn Aa Chwera Tɔn 14:27

Deŋnesɔɔhnaa n kpɔ dɛɛ tɛ heya, n ɡbabir deŋnesɔɔhnaa. Harɛ nɔ ta deŋnesɔɔhna laa, anomanta, he bɛ ɡel he bambile teŋe ásɛ hɛɛ ɔmɛ.

Amanesoma Jɔn Aa Chwera Tɔn 16:16

A ka tamaa ken haa men na kpa, ásɛ a berɔ ɛ tama ɡe aa, he na mɛ ja.”

Amanesoma Jɔn Aa Chwera Tɔn 16:20

Kasinteŋ, n dɛ ŋɔ he be, he loo ɛɛ kuu he wi, ásɛ nɛra baa dɔ harɛ nɔ ta ɡbo liire sie lɛ. He tea bini ɛɛ chɔɡoo, kɛ he tebinichɔɡ la ɛɛ berɛ heyaa silɛɛ.

Amanesoma Jɔn Aa Chwera Tɔn 16:6

Maa bol ɡɛ waa nɔ he be nomanta, he tea bini chɔɡɔ.

Amanesoma Jɔn Aa Chwera Tɔn 21:7

Anee Yeesu habɔteŋre waa dɛ nyinu kohona la ŋɔ Pita be ŋɔ, “Ya Dɔɔree.” Dɛ Seemɔn Pita foo o batakaare bil. Waa noa kɛŋɔ ba Dɔɔree la, o berɛ kpɔ do, dɛ le nee la ta.

Amanesoma Jɔn Aa Chwera Tɔn 4:14

Kɛ nomɛlbwa waa nyɔ nee maa dɛ tɛo la te, nyɔɡre aa on kpo bwa. Nee maa tɛo la ɛɛ ɛo kɛŋɔ bule aa lɔ naate bini dɛɛ bule nee aa dɛ tɛ mkpa aa wola jaɡa dɔe bwa.”

We-ɛɛla 13:52

Anɔ bwa aa dɛ ɛ la, bɔhwaah ta asɔre tena baa lɔ bela la lawɛ. Dɛ ba sie lɛo kɛrɛdɛ, asɛ Korowii Domadɛɛɡe la ɡe so ba nɛɛ taeh.

We-ɛɛla 16:25

Harambaŋa la, dɛ Pɔɔl ne Silas dɛ soŋe Korowii dɛ ɡo yela dɛɛ kpɛɛ Korowii, asɛ nɛra baa do ba dea ja ba nɛɛ la ɛɛ no ba be.

We-ɛɛla 2:46

Tɔpebii te bɛlbwaa baa cheme Korowii Dea, dɛ pɛ dɛɛ di kwaa ba deremi silɛɛ ne tepoŋ ne.

We-ɛɛla 5:41

Baa le nomonome la be, dɛ ba sie lɛo kohona kɛŋɔ Korowii aa tɛɛ ba sɔn dɛ ɡel ba ɡe maɡa nɔ dɔŋ won koh Yeesu waa dɛ di sihiih ne weweele la.

2 Kɔrent 6:10

Ba dɛ ɛ yaa tebinichɔɡ wa, kɛ saŋ bɛlbwa dɛ ya lɔ silɛɛ ta. Ya ɛ nyaara, kɛ ya won nɛra chae kohona. Ya ta komɛlbwa dɔe, kɛ yan ɡee komɛlbwa.

2 Tesalonika 2:16

Ya Dɔɔ Yeesu Kristo ɡbaɡba ne N Naa Korowii waa ɛ ya Mɛɛ dɛɛ nyin yaa kɛrɛdɛ dɛ sune ya nɛɛ dɛ cha yaa, dɛ tɛ yaa hwɛɡa aa wera ne ɡbemba aa wola tonɛ bwa la,

Hibru 10:34

He na nɛra baa do ba dea la sum, dɛ cha ba ba wahala nae ta. Ba lɛ he kwaa haa dɔa bwa, kɛ he sie ta kie. He sie lɛo, dɛkalkɛŋɔ he jemɔ kɛ he dɔ komɛl waa wola jaɡa dɔe dɛ ɡwaa anɔ la haa paŋa la.

Hibru 6:18

Korowii baɡɛ nyoa dɛ ŋwɛɛ o tenten ja. Webele anɛ nɔ ɡelɔ nyobaɡa la do kpeɡri, dɛkalkɛŋɔ Korowii aa won teŋe nyosone. Anee dɛ do ya nɛra yaa ba Korowii be ŋɔ ó lɛ yaa la ɡbemba, ásɛ ya won do kpeɡri ya hwɛɡa yaa dɛ hwɛɡɛ o nɛɛ la ta.

1 Pita 1:8

He ta on nae ka, kɛ he dɛ nyinu. Taraken ɡba, haa on na, kɛ he dɛ yaradao. Anomanta, he sie dɛ lɛ kohona nɛn aa wola won baɡle a wa.